完整藏文原文 · 德格版页 当前仅加载第 10 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
མཉན་ཡོད་དུ་ཞུགས་ཏེ་སྲང་དུ་བཙོང་བར་བརྩམས་སོ། །དགེ་སློང་དེ་རྣམས་ཀྱིས་ཕྲོགས་པ་དེ་ངོ་ཤེས་ཏེ་ངོ་ཤེས་ནས་རྐུན་པོ་དེ་རྣམས་རྒྱལ་པོའི་ཕོ་བྲང་དུ་ཁྲིད་དེ། དེ་དག་དེར་གསད་པ་དང་། བཅིང་བ་དང་། གཅད་པ་དང་། དབུག་པ་ལ་སོགས་པ་སྡུག་བསྔལ་གྱི་ཁྱད་པར་དག་གིས་
D6.010.0233b01.01ཉེ་བར་གཟིར་ཅིང་ཤིན་ཏུ་སྡུག་བསྔལ་བར་བྱས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོའི་ཕོ་བྲང་དུ་སྦྲོན་པར་མི་བྱའི་འོན་ཀྱང་སྔར་ཆོས་བཤད་ནས་བསླང་བར་བྱའོ། །གལ་ཏེ་མི་སྟེར་ན་རིན་ཕྱེད་ཀྱིས་
D6.010.0233b02.01བླང་བར་བྱའོ། །གལ་ཏེ་དེ་ལྟར་ཡང་མི་སྟེར་ན་རིན་ཚང་བར་བྱིན་ལ་བླང་བར་བྱ་སྟེ། དགེ་སློང་དག་གིས་ལྷུང་བཟེད་དང་ཆོས་གོས་བྱས་པ་མཐར་ཕྱིན་པ་ནི་རྙེད་པར་དཀའོ། །གླེང་གཞི་ནི་མཉན་ཡོད་ནའོ། །དགེ་སློང་དག་གིས་ལྕི་བ་སྐམ་པོ་དང་། སོ་ཤིང་ཚོན་རྩིའི་ཤལ་མ་ལ་
D6.010.0233b03.01སོགས་པ་དེ་བཞིན་དུ་བོར་ནས་མི་ལྟ་བར་དོང་བ་དང་། དེ་དག་དགེ་སློང་འགས་ཀྱང་འགྱོད་པས་མ་བླངས་པས་དེ་ཉིད་དུ་ཆུས་ཟོས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཡིད་གཅུགས་པ་ལྔས་ལེན་པ་
D6.010.0233b04.01མཛའ་བ་དང་། ཡིད་དུ་འོང་བ་དང་། བླ་མ་དང་། དྲན་པར་བྱ་བ་དང་། ཐོས་ནས་དགའ་བར་འགྱུར་རོ་སྙམ་ནས་ལེན་པ་ནི་ལེགས་པར་བླངས་པ་ཡིན་ཏེ་འདི་ལ་འགྱོད་པར་མི་བྱའོ། །གླེང་གཞི་ནི་མཉན་ཡོད་ནའོ། །བཅོམ་ལྡན་འདས་ཀྱིས་བཙོ་བླག་གི་ལས་བྱའོ་ཞེས་བཀའ་སྩལ་པ།
D6.010.0233b05.01དགེ་སློང་དག་གིས་སྒོ་ཁང་དང་འཆག་ས་དག་ཏུ་ཆོས་གོས་དག་བཙོས་པས་དེ་དག་རྡུལ་གྱིས་ཀྱང་ཕོག །རྫི་ཆར་གྱིས་ཀྱང་གཤེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་ཁང་དུ་བཙོ་བླག་
D6.010.0233b06.01གི་ལས་བྱའོ། །དགེ་སློང་དག་གིས་གཙུག་ལག་ཁང་དུ་བཙོ་བླག་གི་ལས་བྱ་བར་བརྩམས་པ་དང་། ཚོན་ས་ལ་བོ་བ་ཁྲག་ལྟ་བུར་སྣང་བ་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་སྨྲས་པ། འཕགས་པ་ཕྱོགས་འདིར་ར་ལུག་གསད་དམ་ཅི། དེ་དག་གིས་སྨྲས་པ། ཤེས་ལྡན་
D6.010.0233b07.01