完整藏文原文 · 德格版页 当前仅加载第 10 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
སུམ་ཚོགས་པས་མཛེས་པར་བྱས་པ་བཤམས་ནས་བཟའ་བ་དང་བཅའ་བ་བསོད་པ་མང་པོ་རྒྱ་ཆེ་ལ་དྲི་རབ་ཏུ་ཞིམ་པ་ཕུན་སུམ་ཚོགས་པ་རྣམ་པ་སྣ་ཚོགས་སྐྱུ་རུ་མས་དང་བཅས་པ་ལྷའི་ཞལ་ཟས་དང་འདྲ་བར་ཡིད་དུ་འོང་བ། འཇིག་རྟེན་གསུམ་གྱི་བླ་མ་དང་རྗེས་སུ་མཐུན་པའི་ཞལ་ཟས་དག་བཤམས་
D6.010.0029a01.01ནས་རྒྱལ་པོ་གཉེན་ལྡན་ལ་སྨྲས་པ། ལྷའི་གྲོང་ཁྱེར་འདི་འདྲ་བ་དང་། ཞལ་ཟས་དང་། ཡོ་ལང་འདི་འདྲ་བ་དག་བཤམས་ཀྱིས་དགྱེས་པ་བསྐྱེད་དུ་གསོལ་རྒྱལ་པོ་གཉེན་ལྡན་གྱིས་བལྟས་ནས་ངོ་མཚར་ཆེན་པོ་སྐྱེས་ཏེ། ངོ་མཚར་དང་ལྡན་པའི་སེམས་ཀྱི་རྒྱུད་ཀྱིས་ཡང་དག་པར་རྫོགས་པའི་སངས་རྒྱས་རྣམ་པར་
D6.010.0029a02.01གཟིགས་ལ་གདུགས་ཚོད་ཀྱི་དུས་སུ་སྤྱན་འདྲེན་གྱིས་བཅོམ་ལྡན་འདས་གདུགས་ཚོད་ཀྱི་གཡར་དགོངས་འཚལ་ལགས་ཏེ། བཙུན་པས་ད་དེའི་དུས་ལ་བབ་པར་དགོངས་སུ་གསོལ་ཞེས་གསོལ་པ་དང་། དེ་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་སྔ་དྲོ་ཤམ་ཐབས་གསོལ། ལྷུང་
D6.010.0029a03.01བཟེད་དང་ཆོས་གོས་བསྣམས་ཏེ། དགེ་སློང་གི་དགེ་འདུན་གྱི་ཚོགས་ཀྱིས་ཡོངས་སུ་བསྐོར་ཅིང་མདུན་དུ་བདར་ཏེ། རྒྱལ་པོ་གཉེན་ལྡན་གྱི་བཀད་ས་ག་ལ་བར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །ཡང་དག་པར་རྫོགས་པའི་སངས་རྒྱས་རྣམ་པར་
D6.010.0029a04.01གཟིགས་ཀྱི་དབུའི་སྟེང་དུ་རྒྱལ་པོ་གཉེན་ལྡན་ཉིད་དབང་བསྐུར་བའི་བཀྲ་ཤིས་ལ་གཏོགས་པའི་གླང་པོ་ཆེའི་གཙོ་བོ་རྩིབས་བརྒྱ་དང་ལྡན་པའི་གདུགས་འཛིན་དུ་བཅུག་གོ། །དགེ་སློང་རྣམས་ཀྱི་སྟེང་དུ་ཡང་གླང་པོ་ཆེ་གཞན་དག་གདུགས་གཞན་དག་འཛིན་དུ་བཅུག་གོ། །ཡང་དག་པར་རྫོགས་པའི་སངས་རྒྱས་
D6.010.0029a05.01རྣམ་པར་གཟིགས་ལ་རྒྱལ་པོ་གཉེན་ལྡན་གྱི་བཙུན་མོ་དམ་པ་བསིལ་ཡབ་གསེར་དང་ནོར་བུ་ལས་བྱས་པའི་ཡུ་བ་ཅན་གྱིས་གཡོབ་ཏུ་བཅུག་གོ། །དགེ་སློང་རྣམས་ལ་ཡང་བཙུན་མོའི་ཚོགས་གཞན་དག་བསིལ་ཡབ་དག་གིས་གཡོབ་ཏུ་བཅུག་གོ། །ཁྱིམ་བདག་ཉེས་མེད་ཀྱིས་རྟོག་ཆེན་གྱི་མི་ཞིག་བསྐོས་ཏེ།
D6.010.0029a06.01ཀྭའེ་ནང་རྗེ་སོང་ལ་བཅོམ་ལྡན་འདས་ལ་སོགས་པ་དགེ་སློང་གི་དགེ་འདུན་ལ་རྒྱལ་པོ་གཉེན་ལྡན་གྱིས་གདུགས་ཚོད་ཇི་ལྟ་བུ་ཞིག་གསོལ་པ་རྟོགས་ཤིག་ཅེས་བསྒོའོ། །དེ་སོང་སྟེ་བརྟགས་ན་འབྱོར་པ་དེ་ལྟ་བུ་དག་མཐོང་ནས་ངོ་མཚར་ཆེན་པོ་སྐྱེས་ཏེ། ངོ་མཚར་དང་ལྡན་པའི་ཡིད་ཀྱིས་དེ་ཉིད་དུ་འདུག་གོ། །དེ་བཞིན་དུ་
D6.010.0029a07.01