完整藏文原文 · 德格版页 当前仅加载第 10 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་བྱས་པའི་སྣོད་སྤྱད་རྣམས་གཞག་པར་བྱའོ་ཞེས་བཀའ་སྩལ་པ་དང་། ཇི་ཙམ་ན་བྱང་ཕྱོགས་ནས་འགྲོན་པ་ཞིག་འོངས་ནས་དེས་དགེ་འདུན་ལ་ཟླ་བ་གསུམ་དུ་ཡོ་བྱད་ཐམས་ཅད་ཀྱིས་བསྟབས་ཏེ། དེས་བསམས་པ། བདག་གིས་དགེ་འདུན་ལ་ཡོ་བྱད་བརྙན་པོས་ཅིའི་ཕྱིར་བསྙེན་བཀུར་བྱ།
D6.010.0109b01.01མ་ལ་བདག་ཉིད་ཀྱི་སྣོད་སྤྱད་ཀྱིས་བསྙེན་བཀུར་བྱའོ་སྙམ་ནས་དེས་ཟངས་ཀྱི་སྣོད་སྤྱད་མང་པོ་ཉེ་བར་བཞག་གོ། །དེ་ནས་ཡོ་བྱད་མང་པོས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཟླ་བ་གསུམ་དུ་སྟོན་མོ་གསོལ་ནས། མཇུག་ཚོད་ཀྱི་སྟོན་མོ་བྱས་ནས་ཆས་སོ། །དེ་འགྲོ་བའི་ཚེ་ཟངས་ཀྱི་སྣོད་སྤྱད་
D6.010.0109b02.01དེ་དག་ཐམས་ཅད་དགེ་འདུན་ལ་ཕུལ་ནས། དགེ་སློང་དག་གིས་མཛོད་དེ་ཉིད་དུ་རྫ་མཁན་གྱིས་བྱས་པའི་སྣོད་སྤྱད་དང་ལྷན་ཅིག་བཞག་པ་དང་། ཟངས་ཀྱི་སྣོད་སྤྱད་ཀྱིས་བསྔོས་ཏེ་རྫ་མཁན་གྱིས་བྱས་པའི་སྣོད་སྤྱད་རྣམས་ཆག་ནས། བཅོམ་ལྡན་འདས་ཀྱིས་བཀའ་སྩལ་པ། ཟངས་ཀྱི་སྣོད་སྤྱད་
D6.010.0109b03.01རྣམས་གུད་དུ་གཞག་ཅིང་། རྫ་མཁན་གྱིས་བྱས་པའི་སྣོད་སྤྱད་རྣམས་ཀྱང་གུད་དུ་གཞག་པར་བྱའོ། །ཇི་ཙམ་ན་བྲམ་ཟེ་ཞིག་སྐོམ་པས་ཉེན་ནས་ཛེ་ཏའི་ཚལ་དུ་སོང་སྟེ་དེ་དགེ་སློང་ཞིག་གི་གན་དུ་ཕྱིན་ནས་སྨྲས་པ། ཀྱེ་དགེ་སློང་བདག་སྐོམ་ན་བདག་ལ་ཆབ་སྩལ་དུ་གསོལ། དེས་དེ་ལ་བུམ་
D6.010.0109b04.01པ་དང་སྲད་བུ་དག་བྱིན་པ་དང་། དེས་སྨྲས་པ། འཕགས་པ་འདིས་ཅི་བགྱི། ཆབ་སྩལ་དུ་གསོལ། དེས་སྨྲས་པ། བྲམ་ཟེ་ཆུ་བཅུས་ཟིན་པ་མེད་དོ། །འཕགས་པ་ཁྱེད་ནི་སེམས་ཅན་ཐམས་ཅད་ལ་ཕན་པར་ཞུགས་པ་ལགས་པས་ཀྱེ་མའོ་ཁྱེད་ཀྱིས་ཆབ་ཉེ་བར་བཞག་ཀྱང་ཅི་མ་རུང་། དེས་
D6.010.0109b05.01སྨྲས་པ། བཅོམ་ལྡན་འདས་ཀྱིས་མ་གནང་ངོ་། །སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱིས་ཆུ་ཉེ་བར་གཞག་པར་བྱའོ། །དགེ་སློང་དག་གིས་ཁྱམས་དང་། གནས་ཁང་དང་། གཙུག་ལག་ཁང་གི་ནང་
D6.010.0109b06.01དང་། སྒོ་ཁང་དང་བང་རིམ་དག་ཏུ་བབ་བབ་ཏུ་བཞག་ནས། བཅོམ་ལྡན་འདས་ཀྱིས་བཀའ་སྩལ་པ། ཁྱམས་དང་། གནས་ཁང་དང་། གཙུག་ལག་ཁང་གི་ནང་དང་། སྒོ་ཁང་དང་། བང་རིམ་དག་ཏུ་བབ་བབ་ཏུ་གཞག་པར་མི་བྱའི། འོན་ཀྱང་ཆུའི་ཁང་པ་བྱའོ། །བཅོམ་ལྡན་འདས་ཀྱིས་ཆུའི་
D6.010.0109b07.01