完整藏文原文 · 德格版页 当前仅加载第 10 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཆོས་གོས་བཅགས་ཤིང་རབ་ཏུ་བཅགས་པ་དག་བཅང་བར་མི་བྱའོ་ཞེས་བཀའ་སྩལ་པ་དང་། བྲམ་ཟེ་དང་ཁྱིམ་བདག་དད་པ་ཅན་དག་དགེ་སློང་རྣམས་ལ་ཆོས་གོས་བཅགས་ཤིང་རབ་ཏུ་བཅགས་པ་དག་འབུལ་བ་ན་དགེ་སློང་རྣམས་ཀྱིས་མ་བླངས་ནས། དེ་དག་གིས་
D6.010.0205b01.01སྨྲས་པ། འཕགས་པ་དག་གང་གི་ཚེ་སངས་རྒྱས་བཅོམ་ལྡན་འདས་འཇིག་རྟེན་དུ་མ་བྱུང་བ་དེའི་ཚེ་ནི་མུ་སྟེགས་ཅན་རྣམས་སྦྱིན་གནས་ལགས། བཅོམ་ལྡན་འདས་འཇིག་རྟེན་དུ་བྱུང་ན་ད་ལྟར་ཁྱེད་སྦྱིན་གནས་ལགས་ན། གལ་ཏེ་ཁྱེད་མི་བཞེས་ན་ཅི་བདག་ཅག་
D6.010.0205b02.01འཇིག་རྟེན་འདི་ནས་འཇིག་རྟེན་ཕ་རོལ་ཏུ་དགེ་བའི་ལམ་རྒྱགས་མ་མཆིས་པར་མཆིའམ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ་དང་། དེ་ལྟ་བས་ན་གནང་གིས་བླང་བར་བྱ་ཞིང་
D6.010.0205b03.01བླངས་ནས་འཚེར་བ་ཡལ་བར་བྱས་ཏེ་ཡོངས་སུ་ལོངས་སྤྱོད་པར་བྱའོ། །དེ་དག་གིས་ལག་པས་མཉེས་ནས་ཡལ་བར་མ་ནུས་ནས། བཅོམ་ལྡན་འདས་ཀྱིས་བཀའ་སྩལ་པ། ཟིལ་པ་ལ་བཞག་སྟེ་ཡལ་བར་བྱའོ། །ཟིལ་པ་ལ་བཞག་སྟེ་ཡལ་བར་བྱས་ན་
D6.010.0205b04.01འོན་ཀྱང་ཐམས་ཅད་ཀྱི་ཐམས་ཅད་དུ་ཡལ་བར་མ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཆུའི་ནང་དུ་བསུག་པར་བྱའོ། །དགེ་སློང་དག་གིས་ཆུའི་ནང་དུ་བསུགས་ན་འོན་ཀྱང་ཡལ་བར་མ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་བྱས་
D6.010.0205b05.01ཀྱང་མ་ཡལ་ན་ཡོངས་སུ་ལོངས་སྤྱད་པར་བྱ་སྟེ། འདི་ལ་འགྱོད་པར་མི་བྱའོ། །དེ་བཞིན་དུ་བྲམ་ཟེ་དང་ཁྱིམ་བདག་དད་པ་ཅན་དག་གིས་དགེ་འདུན་ལ་ཆོས་གོས་བཅགས་པ་དང་རབ་ཏུ་བཅགས་པ་དག་ཕུལ་ན་དེ་ལ་ཡང་རིམ་པ་འདི་ཉིད་ཀྱིས་ཡོངས་སུ་ལོངས་སྤྱད་པར་
D6.010.0205b06.01བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་ཡོད་ཀྱི་བྲམ་ཟེ་དང་ཁྱིམ་བདག་རྣམས་རྟོག་ཁང་དུ་འདུས་ཤིང་འཁོད་ནས་བར་སྐབས་ཀྱི་གཏམ་འདི་ལྟ་བུ་དག་གླེང་སྟེ། དགེ་
D6.010.0205b07.01