完整藏文原文 · 德格版页 当前仅加载第 10 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་པ། བསྙེན་པར་མ་རྫོགས་པ་དང་ལྷན་ཅིག་སྟན་གཅིག་ལ་འདུག་པར་མི་བྱའོ། །བཅོམ་ལྡན་འདས་ཀྱིས་བསྙེན་པར་མ་རྫོགས་པ་དང་ལྷན་ཅིག་སྟན་གཅིག་ལ་འདུག་པར་མི་བྱའོ་ཞེས་བཀའ་སྩལ་པ་དང་། དགེ་སློང་རྒན་པ་རྒན་པ་དག་གསར་བུ་གསར་བུ་དག་དང་ལྷན་
D6.010.0259b01.01ཅིག་སྟན་གཅིག་ལ་འདུག་པས་གསར་བུ་རྣམས་རྒན་པ་རྣམས་ལ་མ་གུས་པར་བྱེད་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རྒན་པ་དང་གསར་བུ་ལྷན་ཅིག་སྟན་གཅིག་ལ་འདུག་པར་མི་བྱའི། འོན་ཀྱང་བར་ན་ལོ་
D6.010.0259b02.01གསུམ་ཞུགས་པ་དང་ལྷན་ཅིག་སྟན་གཅིག་ལ་འདུག་པར་བྱ་སྟེ། ལོར་མ་ལོན་པ་དང་། ལོ་གསུམ་ལོན་པ་ཡང་ལྷན་ཅིག་འདུག་པར་བྱ་ཞིང་། ལོ་གཅིག་ལོན་པ་དང་། ལོ་བཞི་ལོན་པ་ནས་དེ་བཞིན་དུ་ལོ་དགུ་ལོན་པ་དང་། ལོ་བཅུ་གཉིས་ལོན་པའི་བར་ཡང་ལྷན་ཅིག་འདུག་པར་བྱའོ། །
D6.010.0259b03.01བཅོམ་ལྡན་འདས་ཀྱིས་བར་ན་ལོ་གསུམ་ཞུགས་པ་དང་ལྷན་ཅིག་འདུག་པར་བྱ་སྟེ། ལོར་མ་ལོན་པ་དང་། ལོ་གསུམ་ལོན་པ་ཡང་ལྷན་ཅིག་འདུག་པར་བྱ་ཞིང་། ལོ་གཅིག་ལོན་པ་དང་། ལོ་བཞི་ལོན་པ་ནས་དེ་བཞིན་དུ་ལོ་དགུ་ལོན་པ་དང་། ལོ་བཅུ་གཉིས་ལོན་པའི་བར་ཡང་ལྷན་
D6.010.0259b04.01ཅིག་འདུག་པར་བྱའོ་ཞེས་བཀའ་སྩལ་ཏེ། བཅོམ་ལྡན་འདས་ཀྱིས་བར་ན་ལོ་གསུམ་ཞུགས་པ་དང་ལྷན་ཅིག་འདུག་པར་བྱའོ་ཞེས་བཀའ་སྩལ་པ་དང་། དགེ་སློང་དག་ཁྱིམ་གྱི་ནང་དུ་ཡང་བར་ན་ལོ་གསུམ་ཞུགས་པ་དང་ལྷན་ཅིག་འདུག་པར་མི་བྱེད་པས་དེས་སྟན་དག་མ་འབྱོར་ནས།
D6.010.0259b05.01བཅོམ་ལྡན་འདས་ཀྱིས་བཀའ་སྩལ་པ། ཁྱིམ་གྱི་ནང་དུ་ནི་སློབ་དཔོན་དང་མཁན་པོ་དག་དང་ཡང་ལྷན་ཅིག་འདུག་པར་བྱ་སྟེ་འདི་ལ་འགྱོད་པར་མི་བྱའོ།། །།སྡོམ་ནི། དགེ་ཚུལ་ཁྲིའུ་གཡོགས་མི་སྦྱིན་དང་། །དགེ་ཚུལ་ཁ་དྲང་མི་བྱ་དང་། །མནའ་དང་སྐུགས་འཛུགས་མི་བྱ་དང་། །སྟག་
D6.010.0259b06.01གི་གོད་མ་མི་བཟའ་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཆོས་ཉན་པའི་སྟན་བཤམ་པར་བྱའོ་ཞེས་བཀའ་སྩལ་པ་དང་། དགེ་ཚུལ་དག་ཀྱང་ཁྲིའུ་གཡོགས་མ་
D6.010.0259b07.01