完整藏文原文 · 德格版页 当前仅加载第 10 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
པར་མི་བྱ་བར་ཅི་རིགས་པར་གདགས་པར་བྱའོ། །དགེ་སློང་དག་གིས་རས་མ་ཕྲ་མོ་དག་བཏགས་པས་དེ་དག་ལ་ན་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། རས་མ་ཞེང་ཆེན་པོ་དག་གདགས་པར་བྱའོ། །དེ་དག་གིས་ཞེང་ཆེན་པོ་དག་བཏགས་པ་དང་དེ་དག་ཉིད་ཞུམ་ནས།
D6.010.0048a01.01བཅོམ་ལྡན་འདས་ཀྱིས་བཀའ་སྩལ་པ། དཀྱིལ་ཕྱིང་བུ་དང་སྦྱར་ཏེ་སྐབས་སྐབས་སུ་སྲུབས་བྱ་རོག་རྐང་དག་དྲུབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་གིས་ཕྱིང་པ་ཞིག་རྙེད་ནས་དེས་བསམས་
D6.010.0048a02.01པ། བཅོམ་ལྡན་འདས་ཀྱིས་ཆོས་གོས་གསུམ་དྲས་ཏེ་བཅང་བར་བྱའོ་ཞེས་བཀའ་སྩལ་གྱིས་དྲའོ་སྙམ་ནས། དེ་གྲིའུ་དང་ཁབ་དག་ཁྱེར་ནས་ཤིང་ལྗོན་པ་ཞིག་གི་དྲུང་དུ་སོང་བ་དང་། བཅོམ་ལྡན་འདས་ཀྱང་ཕྱོགས་དེར་གཤེགས་ཏེ་གཟིགས་ནས་བཀའ་སྩལ་པ། དགེ་སློང་འདི་ཅི་ཡིན།
D6.010.0048a03.01དེས་གསོལ་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་ཆོས་གོས་གསུམ་དྲས་ཏེ་བཅང་བར་བྱའོ་ཞེས་བཀའ་སྩལ་པས་བདག་གིས་ཕྱིང་པ་འདི་རྙེད་ནས་ཆོས་གོས་སུ་འདྲ་བ་ལགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་ལ་གུས་པའི་བསྔགས་པ་བརྗོད་ནས་དགེ་སློང་རྣམས་
D6.010.0048a04.01ལ་བཀའ་སྩལ་པ། དགེ་སློང་དག་དེ་ལྟ་བས་ན་ལྔ་པོ་འདི་དག་ནི་དྲ་བར་མི་བྱ་སྟེ། བེའུ་རས་ཐམས་ཅད་དང་། ལ་བ་ཐམས་ཅད་དང་། ཕྱིང་པ་ཐམས་ཅད་དང་། ཀླམ་ཐམས་ཅད་དང་། སེང་བ་ཐམས་ཅད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་
D6.010.0048a05.01ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་བྱ་བ་ཞིག་གི་ཕྱིར་གཙུག་ལག་ཁང་གཞན་དུ་སོང་བ་དང་། དེ་དེར་ནམ་སྲོས་པར་གྱུར་ནས་གནས་མལ་གྱི་ཞལ་ཏ་བྱེད་པས་སྨྲས་པ། ཚེ་དང་ལྡན་པ་གནས་མལ་དག་ནོས་ཤིག །དེས་སྨྲས་པ། བདག་གིས་གདིང་བ་ཁྱེར་ཏེ་མ་འོངས་
D6.010.0048a06.01སོ། །གནས་མལ་གྱི་ཞལ་ཏ་བྱེད་པས་སྨྲས་པ། གལ་ཏེ་དེ་ལྟ་ན་ཁྲི་བརླིང་བ་ནོས་ཤིག །དེས་ཁྲི་བརླིང་བ་མནོས་ནས་ཉལ་བ་དང་། དེ་གྲང་བའི་སྡུག་བསྔལ་གྱིས་ཉེན་བཞིན་དུ་མཚན་མོ་འདས་ནས་ན་བར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་
D6.010.0048a07.01