完整藏文原文 · 德格版页 当前仅加载第 10 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
པ། ལྷ་དོང་དུ་སྩོལ་ལ། སྟེང་ནས་ལྕགས་ཀྱི་ཤལ་བས་འཚལ་དུ་སྩོལ་ཅིག །དེ་བཞིན་བྱེད་དུ་ཆུག་ཤིག །དེས་དེ་དག་དོང་དུ་བཅུག་ནས་སྟེང་ནས་ལྕགས་ཀྱི་ཤལ་བས་མནན་ཏོ། །དེ་ནས་གཉིས་ཤིག་བྲོས་ཏེ་བཅོམ་ལྡན་འདས་ཀྱི་སྤྱན་སྔར་སོང་ངོ་། །སོན་ནས་དེ་གཉིས་བཅོམ་ལྡན་འདས་ཀྱིས་
D6.010.0093b01.01ལྷུང་བཟེད་ཀྱིས་བཀབ་པ་དང་དེ་ཉིད་དུ་ཤིའོ། །ཤཱཀྱ་རྣམས་བསད་པ་ན་བཅོམ་ལྡན་འདས་ཀྱི་དབུ་ཤིན་ཏུ་བསྙུང་བར་གྱུར་ཏོ། །དེ་ནས་སྐྱེས་བུ་གཏི་མུག་འཕགས་སྐྱེས་པོས་མི་ཞིག་ལ་སྨྲས་པ། ཀྱེ་སྐྱེས་བུ་ཁྱོད་ཚུར་དེ་བཞིན་གཤེགས་པའི་སྤྱན་སྔར་སོང་སྟེ་འདུག་ལ། བཅོམ་ལྡན་འདས་ཅི་གསུང་བ་
D6.010.0093b02.01དེ་ཁྱོད་ཀྱིས་ཉོན་ལ་ང་ལ་ཟློས་ཤིག་ཅེས་སྨྲས་ནས་སོང་ངོ་། །མི་དེ་བཅོམ་ལྡན་འདས་ཀྱི་སྤྱན་སྔར་སོང་སྟེ་འདུག་གོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ང་ལ་ཆུ་ལྷུང་བཟེད་གང་བྱིན་ཅིག །དེས་བཅོམ་ལྡན་འདས་ལ་ཆུ་ལྷུང་བཟེད་གང་ཕུལ་ལོ། །
D6.010.0093b03.01བཅོམ་ལྡན་འདས་ཀྱིས་དེར་ཆུའི་ཐིགས་པ་གཉིས་གསུམ་ཙམ་བླུགས་པ་དང་། དེ་དག་ཆུའི་ནང་དེ་ནས་དུ་བར་འཐུལ་ཞིང་ཙི་རི་རི་ཟེར་ལ་སྒྲ་ཡང་འབྱིན་ཏོ། །དགེ་སློང་རྣམས་ཆོ་འཕྲུལ་དེ་མཐོང་ནས་ཡིད་དད་ཅིང་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ཕྲིན་ལས་ཅི་ཞིག་
D6.010.0093b04.01མཛད་ནས། ཕྲིན་ལས་དེའི་རྣམ་པར་སྨིན་པས་བཅོམ་ལྡན་འདས་དབུ་བསྙུང་བར་གྱུར། སེར་སྐྱ་ན་གནས་པའི་ཤཱཀྱ་རྣམས་ཀྱིས་སུག་ལས་ཅི་ཞིག་བགྱིས་ན། དེས་ནོངས་པ་ཡང་མ་མཆིས། གནོད་པ་བགྱིས་པ་ཡང་མ་མཆིས་པར་སྐྱེས་བུ་གཏི་མུག་འཕགས་སྐྱེས་པོས་བཀུམ་ལགས།
D6.010.0093b05.01བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཚུར་གཞན་མུ་སྟེགས་ཀུན་དུ་རྒྱུ་རྣམས་ཀྱི་ཀུན་དགའ་ར་བ་ཕག་མོའི་གནས་གང་དུ་སྐྱེས་བུ་གཏི་མུག་འཕགས་སྐྱེས་པོས་ཤཱཀྱ་རྣམས་བསད་པ་ག་ལ་བ་དེ་ཁོ་ནར་དེ་རྣམས་དང་། བདག་ཉིད་ཀྱི་ལས་ཀྱི་རྒྱུ་བ་ལུང་བསྟན་པར་བྱའོ། །བཙུན་པ་དེ་
D6.010.0093b06.01ལྟར་འཚལ་ལོ་ཞེས་དགེ་སློང་དེ་རྣམས་བཅོམ་ལྡན་འདས་ཀྱི་ལྟར་ཉན་ཏོ། །དེ་ནས་བཅོམ་ལྡན་འདས་དགེ་སློང་རབ་ཏུ་མང་པོ་དང་ཐབས་ཅིག་ཏུ་གཞན་མུ་སྟེགས་ཅན་ཀུན་དུ་རྒྱུ་རྣམས་ཀྱི་ཀུན་དགའ་ར་བ་ཕག་མོའི་གནས་ག་ལ་བ་དེར་གཤེགས་སོ། །བྲེ་བོ་དང་རུས་མཐུན་པའི་བྲམ་ཟེ་ཞིག་གིས་བཅོམ་ལྡན་
D6.010.0093b07.01