完整藏文原文 · 德格版页 当前仅加载第 10 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་ནི་རྐྱ་གཅིག་པོར་རི་འོར་ཞིག་ཏུ་ཕྱིན་པ་དང་། རི་འོར་དེ་ན་ཞིང་པ་སྣམས་བྱེད་ཅེས་བྱ་བ་ཞིག་ཞིང་རྨིད་པ་དེས་དེ་མཐོང་ནས་སྨྲས་པ། ཀྱེ་ཁྲོམ་གྱི་དཔའ་བོ་རྒྱལ་པོ་པད་མའི་སྙིང་པོ་ཅན་གྱིས་རྒྱལ་པོ་གཏུམ་པོ་རབ་སྣང་བཅོམ་བཏགས་བྱིན་བསྒྲལ་ཕམ་པར་བྱས་ཏེ་གཡུལ་བཟློག་
D6.010.0291b01.01ཅེས་གྲག་ན་དེ་བདེན་ནམ། ཀྱེ་སྐྱེས་བུ་བདེན་ནོ། །ཡུལ་ན་གནས་ཀྱང་ཡུལ་གཞན་ནས་འོངས་པའི་རྒྱལ་པོ་པད་མའི་སྙིང་པོ་ཅན་གྱིས་བཅོམ་བཏགས་བྱིན་བསྒྲལ་ཕམ་པར་བྱས་ཏེ་གཡུལ་བཟློག་པ་རྒྱལ་པོ་དེའི་བློན་པོ་དང་། །དམག་དཔོན་ཅི་འདྲ་བ་ཞིག །གལ་ཏེ་ང་དེའི་བློན་པོར་གྱུར་
D6.010.0291b02.01ན་མྱུར་ཞིང་མྱུར་བར་རྒྱལ་པོ་པད་མའི་སྙིང་པོ་ཅན་མགུལ་ནས་བཏགས་ཏེ་འཕགས་རྒྱལ་དུ་ཁྲིད་པ་ཞིག །དེ་དེ་སྐད་དུ་གཏམ་ཟེར་ཞིང་འདུག་པ་ན། དེའི་ཆུང་མ་རི་ཁྲོད་མ་ཞེས་བྱ་བ་ཟན་ཁྱེར་ཏེ་འོངས་ནས་དེས་ས་བརྐོས་ཏེ་ལོ་མ་བཏིང་ནས་ལག་པ་བཀྲུས་ཏེ་ཟན་བཟའ་བར་བྱས་པ་
D6.010.0291b03.01ན། རྒྱལ་པོ་ལ་བལྟས་ཏེ། ཀྱེ་ཁྲོམ་གྱི་དཔའ་བོ་ཁྱོད་ངལ་བས་སྐྱོ་ཞིང་བཀྲེས་སྐོམ་པས་ཉོན་མོངས་ཀྱིས་བདག་ཅག་དབང་ཐང་ཆུང་ངུའི་བཟའ་བ་དང་། བཏུང་བ་ཅི་འདྲ་ཡང་མི་བསྔོ་དེ་གསོལ་གྱིས་ཚུར་གཤེགས་ཞེས་སྨྲས་པ་དང་། རྒྱལ་པོ་གཏུམ་པོ་རབ་སྣང་གིས་
D6.010.0291b04.01བསམས་པ། གལ་ཏེ་མ་ཟོས་ན་ལྟོགས་ཏེ་འཆི་བར་འགྱུར་རོ་སྙམ་དུ་རིག་ནས་རྟ་ལས་བབས་ཏེ་ལག་པ་དང་རྐང་པ་བཀྲུས་ནས་རྟ་ལས་སྟན་ཕོག་སྟེ་བཏིང་ནས་འདུག་གོ། །འདུག་ནས་དེས་འཚོ་བའི་བསམ་པས་བཟའ་བར་བརྩམས་སོ། དེ་ནས་ཕོར་བུ་ཁ་ཆག་ཅིག་ནས་ཆང་བླུད་པ་
D6.010.0291b05.01དང་། རྒྱལ་པོས་བསམས་པ། ཕོར་པ་ནི་ཁ་ཆག་མོད་ཀྱི་འོན་ཀྱང་གང་དུ་མ་ཆག་པའི་ཕྱོགས་དེ་ནས་ཆང་བཏུང་ངོ་སྙམ་མོ། །རྒྱལ་པོ་རྣམས་ནི་ཤེས་རབ་དང་ལྡན་པ་ཚུལ་ཕུན་སུམ་ཚོགས་པ་ཡིན་པས་དེས་ཡང་བསམས་པ། གལ་ཏེ་ཁ་མ་ཆག་པའི་ཕྱོགས་ནས་བདག་གིས་
D6.010.0291b06.01ཆང་འཐུངས་ན་འདིས་ནི་མ་ཆག་པ་ནས་འཐུངས་སོ་ཞེས་འདི་ཁུ་འཕྲིག་ཟ་བར་འགྱུར་ཞིང་འདིས་བདག་སྤངས་པར་འགྱུར་བས་འདིས་གང་ནས་འཐུངས་པ་དེ་ཉིད་ནས་འཐུངས་ན་བདག་ལ་ཤིན་ཏུ་དགའ་བར་འགྱུར་རོ་སྙམ་ནས་དེས་ངོས་དེ་ཉིད་ནས་འཐུངས་པ་དང་སྣམས་བྱེད་ཀྱིས་བསམས་པ།
D6.010.0291b07.01