完整藏文原文 · 德格版页 当前仅加载第 10 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
པ་བདག་གིས་ཀྱང་མི་ཤེས་ཏེ། བདག་གི་འཁོར་ལོས་སྒྱུར་བའི་གསོ་བའི་སྤྱད་ལས་བསོགས་པའི་ཁྲུས་ཞེས་བྱ་བ་བཏོན་ན། དེ་ནི་ཇི་ལྟ་བུ་ཡིན་པ་ནི་མི་ཤེས་སོ། །འོན་ཀྱང་ཁྱེད་ཉིད་ཀྱི་སྟོན་པ་ཐམས་ཅད་མཁྱེན་པ་ཡིན་པས་དེ་ཉིད་ཀྱིས་མཁྱེན་གྱིས་སོང་ལ་དེ་ཉིད་ལ་ཞུས་ཤིག །སྐབས་དེ་དགེ་སློང་
D6.010.0105b01.01རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རླུང་འབྱིན་པའི་རྩ་བ་དང་། སྡོང་བུ་དང་། མེ་ཏོག་དང་། འབྲས་བུ་གང་དག་ཡིན་པ་དེ་དག་བསྐོལ་ནས་ཁྲུས་བྱའོ། །དགེ་སློང་རྣམས་ཀྱིས་དེ་དག་བསྐོལ་ཏེ་ཁྲུས་བྱས་པ་དང་། དེ་རྣམས་རྩུབ་པོར་གྱུར་
D6.010.0105b02.01ཏོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། །བཅོམ་ལྡན་འདས་ཀྱིས་བཀའ་སྩལ་པ། སྣུམ་བསྐུ་བར་བྱའོ། །དེ་རྣམས་ཀྱིས་བསྐུས་པ་དང་། ཧ་ཅང་སྣུམ་ཆེས་པས་གནས་མལ་དག་མ་རུང་བར་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྲུས་རྩིས་
D6.010.0105b03.01བཀྲུ་བར་བྱའོ། །དེ་རྣམས་དེ་བཞིན་དུ་རྩུབ་པོར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཆུའི་བུམ་པ་ཐ་མའི་ནང་དུ་འབྲུ་མར་ཐིགས་པ་གསུམ་མམ། གཉིས་བླུག་པར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །
D6.010.0105b04.01ཚེ་དང་ལྡན་པ་པི་ལིན་དའི་བུ་གང་ནས་རབ་ཏུ་བྱུང་བ་དེ་ཚུན་ཆད་རྟག་ཏུ་ན་ནས་ཚངས་པ་མཚུངས་པར་སྤྱོད་པ་རྣམས་དེའི་དྲུང་དུ་སོང་སྟེ། གནས་བརྟན་བདེའམ་ཞེས་དྲིས་པ་དང་། ཚེ་དང་ལྡན་པ་དག་བདག་ན་སྟེ་མི་བདེའོ། །གནས་བརྟན་ཁྱོད་ཅི་ན། ཚེ་དང་ལྡན་པ་དག་བདག་ཆམ་པ་བདོའོ། །གནས་བརྟན་
D6.010.0105b05.01སྨན་ཅུང་ཟད་མཛོད་ཅིག །ཚེ་དང་ལྡན་པ་དག་སྔོན་བདག་གིས་སྣར་བླུགས་པའི་ལས་བྱས་སོ། །གནས་བརྟན་ཅི་སྟེ་མི་བྱེད། བཅོམ་ལྡན་འདས་ཀྱིས་མ་གནང་ངོ་། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་
D6.010.0105b06.01སྣར་བླུགས་པའི་ལས་བྱའོ། །བཅོམ་ལྡན་འདས་ཀྱིས་སྣར་བླུགས་པའི་ལས་བྱའོ་ཞེས་བཀའ་སྩལ་པ་དང་། དགེ་སློང་རྣམས་དེ་བཞིན་དུ་སྣར་བླུགས་པ་དང་པོ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་དུ་བླུག་པར་མི་བྱའོ། །དགེ་སློང་རྣམས་ཀྱིས་ལོ་མའི་ཕུར་མས་བླུགས་པ་དང་། ཉེས་
D6.010.0105b07.01