完整藏文原文 · 德格版页 当前仅加载第 10 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིགས་པས་འགྲོ་བ་དང་། སྡེར་སྤྱད་བྲིམས་པ་དང་མ་བྲིམས་པ་དག་མི་ཤེས་པའོ། །ཆོས་ལྔ་དང་ལྡན་པའི་སྡེར་སྤྱད་ཀྱི་ཞལ་ཏ་བ་མ་བསྐོས་པ་ནི་བསྐོ་བར་བྱ། བསྐོས་པ་ནི་དབྱུང་བར་མི་བྱ་སྟེ། ལྔ་གང་ཞེ་ན། འདུན་པས་མི་འགྲོ་བ་དང་། ཞེ་སྡང་གིས་མ་ཡིན་པ་དང་། གཏི་མུག་གིས་མ་
D6.010.0053b01.01ཡིན་པ་དང་། འཇིགས་པས་མི་འགྲོ་བ་དང་། སྡེར་སྤྱད་བྲིམས་པ་དང་མ་བྲིམས་པ་དག་ཤེས་པའོ། །བསྐོ་བ་ནི་འདི་ལྟར་བྱ་སྟེ། གནས་མ་ལ་བཤམས་ནས། གཎྜཱི་བརྡུངས་ཏེ། དྲིས་པའི་ཚིག་གིས་དགེ་འདུན་རྣམས་ལ་བསྒོ་ནས་དགེ་འདུན་ཐམས་ཅད་འདུས་ཏེ་འདུག་པ་དང་། རེ་
D6.010.0053b02.01ཞིག་དང་པོར་སྤྲོ་བ་བྱ་སྟེ། མིང་འདི་ཞེས་བགྱི་བ་འདི་དགེ་འདུན་གྱི་སྡེར་སྤྱད་འབྲིམ་པར་བསྐོ་བར་སྤྲོའམ་གལ་ཏེ་སྤྲོ་ན་དེས་སྤྲོའོ་ཞེས་སྨྲ་བར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ནས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་
D6.010.0053b03.01བ་འདི་དགེ་འདུན་གྱི་སྡེར་སྤྱད་འབྲིམ་པར་སྤྲོ་སྟེ། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་མིང་འདི་ཞེས་བགྱི་བ་སྡེར་སྤྱད་ཀྱི་ཞལ་ཏ་བར་བསྐོས་ཏེ། སྡེར་སྤྱད་ཀྱི་ཞལ་ཏ་བ་མིང་འདི་ཞེས་བགྱི་བ་དགེ་འདུན་གྱི་སྡེར་སྤྱད་འབྲིམ་པར་
D6.010.0053b04.01འགྱུར་རོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་སྡེར་སྤྱད་འབྲིམ་པར་སྤྲོ་སྟེ། དེའི་སླད་དུ་དགེ་འདུན་གྱིས་མིང་འདི་ཞེས་བགྱི་བ་སྡེར་སྤྱད་ཀྱི་ཞལ་ཏ་བར་བསྐོ་ཞིང་སྡེར་སྤྱད་ཀྱི་ཞལ་ཏ་
D6.010.0053b05.01བ་མིང་འདི་ཞེས་བགྱི་བ་དགེ་འདུན་ལ་སྡེར་སྤྱད་འབྲིམ་པར་འགྱུར་ན། ཚེ་དང་ལྡན་པ་གང་དག་མིང་འདི་ཞེས་བགྱི་བ་སྡེར་སྤྱད་ཀྱི་ཞལ་ཏ་བར་བསྐོ་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །དགེ་འདུན་གྱིས་བཟོད་ཅིང་གནང་ནས་སྡེར་སྤྱད་ཀྱི་ཞལ་ཏ་བ་
D6.010.0053b06.01མིང་འདི་ཞེས་བགྱི་བ་དགེ་འདུན་ལ་སྡེར་སྤྱད་དག་འབྲིམ་པར་འགྱུར་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་རྣམས་ཀྱིས་ཟས་ཟོས་ནས་ལྷག་མས་འབགས་བཞིན་དུ་དེ་ཉིད་ལ་བྱིན་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལྷག་མས་འབགས་པ་དག་ལྷན་
D6.010.0053b07.01