完整藏文原文 · 德格版页 当前仅加载第 10 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
འཇོག་པར་མི་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དེའི་སྟེང་དུ་ལོ་མའི་ཁྲེས་སམ། རྩྭ་བམ་གཞག་པར་བྱ་ཞིང་བཞག་ནས་རྐང་པ་གཞག་པར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་
D6.010.0183b01.01ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་སེང་གེའི་ཁྲི་ལ་རྐང་རྟེན་གཟུགས་པར་བྱའོ་ཞེས་བཀའ་སྩལ་པ་དང་། དགེ་སློང་དགོན་པ་པ་རྣམས་ལ་རྐང་རྟེན་མི་བདོག་ནས་དེ་དག་རྐང་པ་འཕྱང་བཞིན་ཆོས་སྟོན་པར་བྱེད་པས་ངལ་བར་གྱུར་ཏོ། །སྐབས་དེ་དགེ་སློང་རྣམས་
D6.010.0183b02.01ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་རྡོ་གཞག་པར་བྱའོ།། །།སྡོམ་ནི། ཕྱི་བ་སེང་རས་མཆིལ་མའི་སྣོད། །ལུས་ཕྱི་བ་དང་གཞོང་{རིངས་,རིང་}དང་། །གཅལ་དང་མེ་ཤེལ་དག་དང་ནི། །གཙོ་བླག་མཁན་
D6.010.0183b03.01དང་ཤིང་ལེབ་པོ། །བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །ཚེ་དང་ལྡན་པ་པི་ལིན་དའི་བུ་གང་ནས་བཟུང་སྟེ་རབ་ཏུ་བྱུང་བ་ཚུན་ཆད་དེ་རྟག་ཏུ་ནའོ། །དེའི་དྲུང་དུ་ཚངས་པ་མཚུངས་པར་སྤྱོད་པ་རྣམས་སོང་སྟེ་དྲིས་པ། གནས་བརྟན་བདེའམ།
D6.010.0183b04.01དེས་སྨྲས་པ། ཚེ་དང་ལྡན་པ་དག་བདག་ན་སྟེ་མི་བདེའོ། །གནས་བརྟན་ཁྱོད་ཀྱིས་སྔོན་ཅི་ཞིག་བཅངས། བཞིན་{བཟངས་,བཟང་}གདོང་ཕྱི་བའོ། །གནས་བརྟན་གལ་ཏེ་དེ་ན་ད་ཅི་སྟེ་མི་བཅང་། བཅོམ་ལྡན་འདས་ཀྱིས་མ་གནང་ངོ་། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་
D6.010.0183b05.01གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་གདོང་ཕྱིས་བཅང་བར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །སོ་གའི་དུས་ལ་བབ་པ་དང་། ཚེ་དང་ལྡན་པ་
D6.010.0183b06.01པི་ལིན་དའི་བུ་ཚ་བས་རྨྱ་སྟེ། སྐྱ་བོ་བསེང་བསེང་པོར་གྱུར་ཅིང་ལུས་ཤ་བྲི་ངན་པ། ཉམ་ཆུང་བ་ཤིག་ཤིག་པོར་གྱུར་ཏོ། །དེའི་དྲུང་དུ་ཚངས་པ་མཚུངས་པར་སྤྱོད་པ་རྣམས་སོང་བ་དང་། དེ་དག་གིས་འདིའི་ལུས་ཀྱི་གནས་སྐབས་མཐོང་ནས་སྨྲས་པ། གནས་བརྟན་ཅི་སྟེ་སྐྱ་
D6.010.0183b07.01