完整藏文原文 · 德格版页 当前仅加载第 10 函德格 5a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ། བྲམ་ཟེ་དང་ཁྱིམ་བདག་འོངས་ཤིང་ལྷགས་པ་རྣམས་ལ་ཆོས་བསྟན་པར་བྱ། བྲམ་ཟེ་དང་ཁྱིམ་བདག་གི་ཁྱིམ་རྣམས་སུ་འགྲོ་བར་བྱའོ། །དགེ་སློང་དྲི་འཆང་བས་ཀུན་དུ་སྤྱད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་མི་འདུག་ན་
D6.010.0005a01.01འགལ་ཚབས་ཅན་དུ་འགྱུར་རོ། །བྲམ་ཟེ་དང་ཁྱིམ་བདག་དད་པ་ཅན་དག་དགེ་སློང་རྣམས་ལ་དྲི་འབུལ་བ་ན། དགེ་སློང་རྣམས་འགྱོད་ནས་མི་ལེན་པ་དང་། དེ་དག་གིས་སྨྲས་པ། འཕགས་པ་དག་གང་གི་ཚེ་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་བར་མ་གྱུར་
D6.010.0005a02.01པ་དེའི་ཚེ་ནི་མུ་སྟེགས་ཅན་རྣམས་ཡོན་གནས་ལགས། ད་ནི་བཅོམ་ལྡན་འདས་འཇིག་རྟེན་དུ་བྱུང་བས་ད་ལྟར་ཁྱེད་ཡོན་གནས་ལགས་ན། གལ་ཏེ་ཁྱེད་ཀྱིས་མ་བཞེས་ན་ཅི་བདག་ཅག་འཇིག་རྟེན་འདི་ནས་འཇིག་རྟེན་ཕ་རོལ་དུ་དགེ་བའི་ལམ་རྒྱགས་མ་མཆིས་པར་མཆིའམ།
D6.010.0005a03.01བདག་ཅག་ལ་ཐུགས་བརྩེ་བའི་སླད་དུ་བཞེས་ཤིག །དེ་དག་གིས་སྨྲས་པ། བཅོམ་ལྡན་འདས་ལ་ཞུའོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱའོ། །དགེ་སློང་རྣམས་ཀྱིས་
D6.010.0005a04.01བླངས་ནས་དེ་དག་ཉིད་ཀྱི་མདུན་དུ་བོར་བ་དང་། དེ་དག་གིས་སྨྲས་པ། འཕགས་པ་དག་བདག་ཅག་གིས་རིན་ཐང་བཞིན་དུ་ཉོ་ཉོ་ན་ཁྱེད་ཀྱིས་བླངས་ཏེ་དོར་རམ། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ།
D6.010.0005a05.01བླངས་ནས་དོར་བར་མི་བྱའི། འོན་ཀྱང་དེ་བཞིན་གཤེགས་པའི་མཆོད་རྟེན་ལ་དྲིའི་ལག་རིས་བྱུག་པར་བྱའོ་ཞེས་བཀའ་སྩལ་པ་དང་། དགེ་སློང་རྣམས་ཀྱིས་བླངས་ནས་དབུ་སྐྲ་དང་སེན་མོའི་མཆོད་རྟེན་དག་ལ་དྲིའི་ལག་རིས་ཉུག་གོ། །དེ་དག་གིས་སྨྲས་པ། འཕགས་པ་
D6.010.0005a06.01དག་ཅི་བདག་ཅག་གིས་མཆོད་རྟེན་མ་མཐོང་ངམ། བདག་ཅག་གིས་ནི་ཁྱེད་ཁོ་ན་ལ་ཕུལ་ཏེ། དབུ་སྐྲ་དང་སེན་མོའི་མཆོད་རྟེན་དག་ལ་ནི་སྔར་ཕུལ་ལགས་སོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D6.010.0005a07.01