'dul ba phran tshegs kyi gzhi/
当前为德格木刻版 203a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 203a
- 可引用原文
- 7 行
- 全文规模
- 全经 8970 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 3 函第 10 函 · 德格 203a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སྤྱོད་པར་བྱེད་དོ། །ཇི་ལྟར་དུས་ཐམས་ཅད་པས་ཡིན་ཞེ་ན། འདི་ནི་བདག་གི་དགུན་གྱི་གཙུག་ལག་ཁང་ངོ་། །འདི་ནི་དཔྱིད་ཀྱིའོ། །འདི་ནི་དབྱར་གྱིའོ་ཞེས་བྱ་བ་སྟེ། དེ་ལྟར་ན་དུས་ཐམས་ཅད་པས་ཡིན་ནོ། །ཇི་ལྟར་ན་གནས་རེས་སུ་གཅོད་པས་ཡིན་ཞེ་ན། འདི་ནི་བདག་གི་སང་གི་གཙུག་ལག་ཁང་ངོ་། །འདི་ནི་གནངས་ཀྱིའོ། །འདི་ནི་གཞེས་ཀྱིའོ་ཞེས་བྱ་བ་སྟེ། དེ་ལྟར་གནས་རེས་སུ་གཅོད་པས་ཡིན་ནོ། །ཇི་ལྟར་ན་དུས་རེ་ཞིག་པས་ཡིན་ཞེ་ན། འདིར་ནི་སྔ་དྲོ་གནས་སོ། །འདིར་ནི་ཕྱི་
དྲོའོ་ཞེས་བྱ་བ་སྟེ། དེ་ལྟར་ན་དུས་རེ་ཞིག་པས་ཡིན་ནོ། །ཇི་ལྟར་ན་རྟིང་གནོན་པས་ཡིན་ཞེ་ན། འདི་ནི་བདག་གི་སློབ་དཔོན་གྱི་གཙུག་ལག་ཁང་ངོ་། །འདི་ནི་མཁན་པོ་དང་། ལྷན་ཅིག་གནས་པ་དང་། ཉེ་གནས་དང་། གཏམ་འདྲེས་པ་དང་། ཕེབས་པར་སྨྲ་བའི་འོ་ཞེས་བྱ་བ་སྟེ། དེ་ལྟར་ན་རྟིང་གནོན་པས་ཡིན་ནོ། །ཡུལ་སྣ་ཚོགས་ན་གནས་པའི་དགེ་སློང་དག་ལྷགས་པ་དང་ཕོངས་པར་གྱུར་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
དེ་ལྟ་བས་ན་དགེ་སློང་གི་གཙུག་ལག་ཁང་དག་ལ་དུས་ཐམས་ཅད་པ་དང་། གནས་རིས་སུ་གཅོད་པ་དང་། དུས་རེ་ཞིག་པ་དང་། རྟིང་གནོན་པས་ཡོངས་སུ་སྤྱད་པར་མི་བྱ་སྟེ། སྤྱོད་ན་འགལ་ཚབས་ཅན་དུ་འགྱུར་རོ།། །།སྡོམ་ནི། ར་བ་དང་ནི་ཤིང་ཐགས་དང་། །ལམ་དང་འོབས་དང་སྐར་རྒྱལ་དང་། །ཆོས་གོས་བཅགས་ཤིང་ཕྱིས་པ་དང་། །ཆ་ག་དང་ནི་བྲམ་ཟེའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་
གི་ཚེ་ཁྱིམ་བདག་མགོན་མེད་ཟས་སྦྱིན་གྱིས་རྒྱལ་བྱེད་ཀྱི་ཚལ་ཕྱོགས་བཞིའི་དགེ་སློང་གི་དགེ་འདུན་ལ་ཕུལ་བ་དེའི་ཚེ་འཇིག་རྟེན་དག་རྒྱལ་བྱེད་ཀྱི་ཚལ་གྱི་ནང་དུ་དགའ་མགུར་འགྲོ་ཞིང་འོང་ནས་ཁྱིམ་བདག་མགོན་མེད་ཟས་སྦྱིན་གྱིས་བསམས་པ། བདག་གི་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D6
- 德格版页
- 203a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0006 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。