完整藏文原文 · 德格版页 当前仅加载第 10 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། ཅི་འདི་ལ་དགེ་བའི་རྩ་བ་འགའ་ཞིག་ཡོད་དམ་འོན་ཏེ་མེད་སྙམ་ན་ཡོད་པར་མཐོང་ངོ་། །སུ་ལ་རག་ལས་སྙམ་ན་བདག་ཁོ་ན་ལ་ཡིན་པར་མཐོང་ངོ་། །དེས་བསམས་ནས། ལྷམ་ཕུད། ཆོས་གོས་དག་བཞག་སྟེ། དེ་ནས་ཕྱོགས་གཅིག་ཏུ་ས་ཕུང་བུ་
D6.010.0208a01.01བདུན་བཞག །གཞན་ཞིག་ཏུ་བདུན། གཞན་ཞིག་ཏུ་ཡང་སའི་ཕུང་བུ་གཉིས་བཞག་གོ། །དེ་ནས་ས་ཕུང་བུ་གསུམ་ཞིག་ཁྱེར་ནས་ཅི་ནས་བྲམ་ཟེ་དེས་མཐོང་བ་དེ་ལྟར་བཤང་བ་བྱ་བར་བརྩམས་སོ། །དེ་ནས་བཤང་ས་ཟིན་ནས་ས་ཕུང་གཅིག་གིས་རྐུབ་ཕྱིས། གཉིས་
D6.010.0208a02.01ཀྱིས་ཁྲུས་བྱས་སོ། །དེ་ནས་དལ་གྱིས་ལངས་ནས་ཕྱོགས་དེར་འོངས་ཏེ་ཕྱིན་ནས་ལག་པ་གཡོན་པས་ས་ཕུང་བུ་བདུན་གྱིས་ཁྲུས་བྱས་སོ། །དེ་ནས་གཉི་གས་ཕུང་བུ་བདུན་གྱིས་ཁྲུས་བྱས་སོ། །དེ་ནས་ས་ཕུང་བུ་གཅིག་གིས་དཔུང་པ་མན་ཅད་བཀྲུས་སོ། །ལག་པ་དག་
D6.010.0208a03.01བཀྲུས་ནས་གཉིས་པས་རིལ་བ་དག་བཀྲུས་སོ། །དེ་ནས་དལ་གྱིས་ལངས་ཏེ་སྤྱོད་ལམ་ཞི་བས་ཆོས་གོས་བགོས་ནས་རྐང་པ་དག་བཀྲུས་པ་དང་། བྲམ་ཟེ་དེས་མཐོང་ནས་མངོན་པར་དད་པར་གྱུར་ཏེ། དེས་བསམས་པ། ཤཱཀྱའི་བུའི་དགེ་སྦྱོང་རྣམས་ཀྱི་སའི་ཕུང་བུ་གཅིག་
D6.010.0208a04.01ནི་མཆོག་ཡིན་གྱི་མུ་སྟེགས་ཅན་རྣམས་ཀྱི་བརྒྱ་ཡང་དེ་ལྟ་མ་ཡིན་ནོ་སྙམ་དུ་རིག་ནས། ཚེ་དང་ལྡན་པ་ཤཱ་རིའི་བུའི་རྐང་པ་ལ་གཏུགས་ནས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །འཕགས་པ་ཤཱ་རིའི་བུ་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་
D6.010.0208a05.01འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་ཐོབ་ན། བདག་འཕགས་པ་ཤཱ་རིའི་བུའི་སྤྱན་སྔར་ཚངས་པར་སྤྱད་པ་སྤྱོད་དོ། །ཤཱ་རིའི་བུས་སྨྲས་པ། བྲམ་ཟེ་ལེགས་སོ། །ཁྱོད་ཀྱིས་སེམས་བསྐྱེད་པ་ནི་བཟང་སྟེ། རབ་ཏུ་འབྱུང་བ་ནི་མཆོག་གོ། །བཅོམ་ལྡན་
D6.010.0208a06.01འདས་ཀྱིས་ཀྱང་ཕན་ཡོན་ལྔ་མཐོང་བའི་མཁས་པས་རབ་ཏུ་འབྱུང་བ་ཁོ་ནར་མོས་པར་བྱ་བའི་རིགས་ཏེ་ཞེས་བྱ་བ་ནས། སངས་རྒྱས་རྣམས་དང་། སངས་རྒྱས་ཀྱི་ཉན་ཐོས་དམ་པ་ཡང་དག་པར་ཞུགས་པའི་སྐྱེས་བུ་དམ་པ་རྣམས་ཀྱིས་རབ་ཏུ་བྱུང་བ་རྣམ་གྲངས་དུ་མར་བསྔགས་
D6.010.0208a07.01