完整藏文原文 · 德格版页 当前仅加载第 10 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
གཏན་དང་། གནམ་གཟེར་དང་། ཕྲེད་གཏན་གཞུག་པར་བྱའོ། །དབྱེ་བ་དང་བཅད་པས་དགེ་སློང་དག་ཉོན་མོངས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དབྱུག་གུ་སྐམ་ཁ་ཉེ་བར་གཞག་པར་བྱའོ། །སྒོ་ལ་སྒོ་གླེགས་མི་འཇུག་ནས། བཅོམ་ལྡན་འདས་ཀྱིས་བཀའ་སྩལ་པ། སྒོ་
D6.010.0036b01.01གླེགས་གཞུག་པར་བྱ་ཞིང་སྒོ་གཏན་ཡང་གཞུག་པར་བྱ་སྟེ། དེ་ལ་ཡང་མིག་དང་། ལག་ཟུངས་ཀྱང་གཞུག་པར་བྱའོ། །ཆུ་དག་དམའ་བའི་ཕྱོགས་སུ་བཞག་པས་དེ་གྲངས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ནང་གི་ཕྱོགས་སུ་གཞག་སྟེགས་བྱ་ཞིང་དེར་བུམ་པ་དག་གཞག་
D6.010.0036b02.01པར་བྱའོ། །ས་གཞིར་མེ་བུས་པས་དེས་ཞལ་ཞལ་མ་རུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སོ་ཕག་གི་གཅལ་དགྲམ་པར་བྱའོ། །དེ་དག་གིས་མེ་བདལ་བ་དང་དེ་ཤི་ནས། བཅོམ་ལྡན་འདས་ཀྱིས་བཀའ་སྩལ་པ། བདལ་ནས་དེ་བཞིན་མི་དོར་བར་བཅེར་ཏེ་གཞག་པར་
D6.010.0036b03.01བྱའོ། །དེ་དག་གིས་ཅིས་བཅེར་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ལྕགས་ཀྱི་ཐལ་ཕྱགས་བྱས་ལ་དེས་བཅེར་བར་བྱའོ། །དེ་དག་མེ་འབར་བ་ན་བསྲོ་གང་གི་ནང་དུ་འཇུག་ཅིང་རྨྱ་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། མེ་འབར་བ་ན་འཇུག་པར་མི་བྱའོ། །
D6.010.0036b04.01དགེ་སློང་དག་དེར་ཞུགས་པ་ན་མེའི་དུགས་ཀྱིས་བོག་པར་གྱུར་ནས་དེ་དག་མྱོས་ཏེ་ས་ལ་སྒྱེལ་ནས། བཅོམ་ལྡན་འདས་ཀྱིས་བཀའ་སྩལ་པ། ཕྱེ་དང་ཡུངས་མར་དུ་བསྲེས་པ་དག་མེར་བླུག་པར་བྱའོ། །དྲི་མི་ཞིམ་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བདུག་སྤོས་
D6.010.0036b05.01བླུག་པར་བྱའོ། །དུད་པས་དགེ་སློང་དག་མཆི་མ་འཛག་ནས། བཅོམ་ལྡན་འདས་ཀྱིས་བཀའ་སྩལ་པ། ནས་ཀྱི་བག་ཟན་གྱི་ཆང་བུས་གླན་པར་བྱའོ། །འོན་ཀྱང་འཛག་ནས། བཅོམ་ལྡན་འདས་ཀྱིས་བཀའ་སྩལ་པ། སྐྱུ་རུ་རའི་ཆང་བུས་གླན་པར་བྱའོ། །སྟན་མེད་ནས་དགེ་སློང་དག་གིས་སྟན་
D6.010.0036b06.01ཁྱེར་ཏེ་སོང་བ་དང་། དེ་དག་འབྲུ་མར་གྱིས་སྣུམས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། རྩྭ་བམ་དག་གཞག་པར་བྱའོ། །རྐང་པ་དག་ས་ལ་བཞག་པས་རྡུལ་གྱིས་གོས་ནས། བཅོམ་ལྡན་འདས་ཀྱིས་བཀའ་སྩལ་པ། ས་གཞིར་རྩྭ་དག་དགྲམ་པར་བྱའོ། །སྐམ་པོ་དག་
D6.010.0036b07.01