完整藏文原文 · 德格版页 当前仅加载第 10 函德格 300b 版页；藏文 NFD、目录标记与异常页序保留在来源切片中，重复版页行以稳定序号区分。
ཞོན་པ་དང་བྲམ་ཟེ་མདུན་ན་འདོན་གྱིས་ནི་ཤིས་པར་བརྗོད་པ་བརྗོད་པར་བརྩམས། ས་འཛིན་པའི་མིས་ནི་པི་བང་བླངས། རྒྱལ་པོ་གཏུམ་པོ་རབ་སྣང་ཡང་རྟའི་སྐད་འབྱིན་པར་ཞུགས་པ་དང་། ས་འཛིན་པ་དེས་བསམས་པ། ཁང་པ་འདི་ནི་བདུན་
D6.010.0300b01.01རྩེག་ཡིན་པས་རྟས་འདིར་ག་ལ་ཐར། གདོན་མི་ཟ་བར་འདིར་བདག་ལྟ་བུ་བུད་མེད་ཀྱི་དབང་དུ་གྱུར་པ་འགའ་ཞིག་བུད་མེད་ཀྱིས་ཅོ་དྲིས་སོ་སྙམ་ནས་དེས་གླུ་ཚིག་ཏུ་བླང་བ། རྒྱ་ཤུག་ཚིག་གུས་གྱུར་པ་ལྟར། །རྒྱ་ཤུག་ཚིག་གུས་གྱུར་པ་ལྟར། །དོན་
D6.010.0300b02.01འདིའང་ཕལ་ཆེར་འདྲ་བ་ཡིན། དོན་འདིའང་ཕལ་ཆེར་འདྲ་བ་ཡིན། །ཞེས་ཟེར་ཞིང་དེ་པི་བང་མི་ལེན་པར་ཡང་ནས་ཡང་དུ་རྒྱུན་མི་འཆད་པར་གླུ་ལེན་ཅིང་གླུ་ཚིག་དེ་སྨྲའོ། །རྒྱལ་པོས་དེ་ལ་དྲིས་པ། ཀྱེ་སྐྱེས་བུ་གླུ་དེའི་དོན་འདི་ཅི་ཡིན། དེས་ཇི་ལྟར་
D6.010.0300b03.01གྱུར་པ་རྣམས་བརྗོད་པ་དང་། དེས་བསམས་པ། འདིས་བདག་ཤེས་ཀྱིས་ཡུལ་དབྱུང་བར་བྱའོ་སྙམ་ནས་རྒྱལ་པོས་དེ་ལ་ཀཱ་རྵཱ་པ་ཎ་ལྔ་བརྒྱ་བྱིན་ནས་ཡུལ་ཕྱུང་ངོ་། །དུས་གཞན་ཞིག་ན་མདུན་ན་འདོན་གྱིས་རྒྱལ་པོ་ལ་ལྷ་ཁྱོད་ཀྱིས་མི་རིགས་པ་ཞིག་བགྱིས་
D6.010.0300b04.01ཏེ། རྒྱལ་པོ་དག་ནི་བུད་མེད་ཀྱི་དབང་དུ་འགྱུར་བ་མ་ལགས་སོ་ཞེས་སྨྲས་པ་དང་། དེ་སྙད་མེད་པར་ཅང་མི་ཟེར་བར་འདུག་གོ། །དེས་ཕྱི་དེ་ཉིན་གསོས་པ་ལ་སྨྲས་པ། དེང་བྲམ་ཟེ་དེས་འདི་སྐད་ཅེས་སྨྲས་ན། དེ་རང་གི་ཆུང་མས་མགོ་དབྱིར་གཞུག་ན་ཁྱོད་
D6.010.0300b05.01ཀྱིས་ནུས་སམ། དེས་ལྷ་རེ་ཞིག་བལྟས་ཏེ་བགྱིའོ་ཞེས་སྨྲས་ནས། གསོས་པས་ཁྱིམ་དུ་སོང་སྟེ་ཆུང་མ་ལ་སྨྲས་པ། བཟང་མོ་བྲམ་ཟེ་མདུན་ན་འདོན་གྱིས་ལྷ་ལ་འདི་དང་འདི་སྐད་ཅེས་སྨྲས་པ་ལས་དེ་ཁོ་བོ་ལ་སྨྲ་ན། ཁྱོད་ཀྱིས་ཅི་ནས་བྲམ་ཟེ་དེ་རང་
D6.010.0300b06.01གི་ཆུང་མས་མགོ་དབྱིར་གཞུག་པ་དེ་ལྟ་བུའི་སྦྱོར་བ་བྱ་བར་ནུས་སམ། དེས་སྨྲས་པ། རྗེའི་སྲས་འདི་ལ་ཅི་ཞིག་བགྱིར་མཆིས། དེ་ལྟ་ཞིག་བགྱིས་ལགས་སུ་བས་ཀྱིས་གཟིགས་ཤིག །དེས་སྨྲས་པ། བཟང་མོ་གལ་ཏེ་དེ་ལྟ་ན་ལེགས་སོ། །
D6.010.0300b07.01