完整藏文原文 · 德格版页 当前仅加载第 10 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་བཀའ་སྩལ་པ། རྡུལ་བསལ་ནས་བརྟག་པར་བྱའོ། །དགེ་སློང་དག་གིས་སྲོག་ཆགས་མཛུབ་མོའི་རྩེ་མོས་བསྟན་པས་དེ་དག་འགུལ་ཏེ་མིག་གིས་མ་སོད་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཤིང་བུའི་རྩེ་མོའམ། རྩྭའི་རྩེ་མོའམ་ཕྲ་མོ་གཞན་གང་ཡང་
D6.010.0251b01.01རུང་བས་བསྟན་པར་བྱའོ། །དགེ་སློང་དག་གིས་ཆུ་ཚགས་ཉིད་ནས་ཆུ་ཁྲོན་པར་ཕོ་བ་དང་། སྲོག་ཆགས་དག་རྡབ་སྣུན་པས་གནོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བསལ་ཚགས་བསྲེལ་བར་བྱའོ། །དགེ་སློང་དག་གིས་བཀང་སྟེ་བཏང་ན་ཕྱིར་གང་བཞིན་དུ་འོང་བ་གང་
D6.010.0251b02.01ཡིན་པ་དེ་ལྟ་བུ་བསྲེལ་ནས། བཅོམ་ལྡན་འདས་ཀྱིས་བཀའ་སྩལ་པ། བཀང་སྟེ་བཏང་ན་ཕྱིར་སྟོང་པར་འོང་བ་ཅི་འདྲ་བ་དེ་འདྲ་བ་བསྲེལ་བར་བྱའོ། །གཞན་དག་གཅིག་གིས་བསལ་ཚགས་མ་འབྱོར་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ནི་ཆུ་ཚགས་ཐེ་གུས་བཏགས་
D6.010.0251b03.01ལ་ཅི་ནས་བཀང་སྟེ་བཏང་ན་ཕྱིར་སྟོང་པར་འོང་བ་དེ་ལྟར་གཏང་བར་བྱའོ། །དགེ་སློང་དག་གིས་ཆུ་ཕོ་ནས་ཆུ་ཚགས་བཤལ་བར་མི་བྱེད་འཁྲུ་བར་མི་བྱེད། འཚིར་བར་མི་བྱེད། སྐེམས་པར་མི་བྱེད། ལྟོབ་པར་མི་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཆུ་ཚགས་ཀྱིས་ཆུ་ཕོ་ནས་དེ་བཤལ་
D6.010.0251b04.01བར་བྱ། བཀྲུ་བར་བྱ། བཙིར་བར་བྱ། བསྐམ་པར་བྱ། བལྟབ་པར་བྱའོ། །དགེ་སློང་དག་དགེ་འདུན་གྱི་ཆུ་ཡང་ཆུ་ཚགས་ཀྱིས་ཚག་པར་བྱེད་པ་དང་། དགེ་སློང་གི་དགེ་འདུན་ཕལ་ཆེས་པས་སྐྱོ་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དགེ་སློང་གི་དགེ་འདུན་ཕལ་ཆེ་བར་
D6.010.0251b05.01གྱུར་ན་ཆུ་ཚགས་མང་པོ་བཅང་བའམ། ཡང་ན་བུམ་ཚགས་གཅེའུ་ཅན་བཅང་བར་བྱའོ། །བཅོམ་ལྡན་འདས་ཀྱིས་བུམ་ཚགས་གཅེའུ་ཅན་གྱིས་བཙག་པར་བྱའོ་ཞེས་བཀའ་སྩལ་པ་དང་། དགེ་སློང་དག་གིས་བུམ་ཚགས་གཅེའུ་ཅན་ཇི་ལྟ་བུ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ས་འམ་ཟངས་
D6.010.0251b06.01ལས་བུམ་པའི་དབྱིབས་ལྟ་བུ་བྱ་ཞིང་དེ་ལ་པད་མའི་སྙིང་པོ་ལྟ་བུའི་བུ་ག་དག་གདོད་པར་བྱའོ། །དེ་དག་བསྡུ་བའི་ཕྱིར་དེ་དག་གི་སྟེང་དུ་བུ་ག་ཆེན་པོ་གཅིག་གདོད་དོ། །དེ་དག་ཉིད་བསྡུ་བའི་ཕྱིར་གཅེའུ་གཞུག་པར་བྱའོ། །དེ་ནས་སྟེང་རས་ཀྱིས་གཡོགས་ལ་ཆུ་བཙག་པར་བྱ་ཞིང་རས་དེ་ཡང་བཤལ་བར་བྱ། བཀྲུ་བར་བྱ། བསྐམ་པར་
D6.010.0251b07.01