完整藏文原文 · 德格版页 当前仅加载第 10 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
རྐང་པ་ཅི་འདྲ་བ་ཞིག་ཏུ་གྱུར་སྙམ་ནས་སྨྲས་པ། འཕགས་པས་འདི་ཅི་ཞིག་གིས་འདི་ལྟར་ཡོངས་སུ་ཟད། དེས་སྨྲས་པ། ཁྱིམ་བདག་བདག་འཆག་འཆག་པས་སོ། །ཁྱིམ་བདག་གིས་སྨྲས་པ། འཕགས་པ་རེ་ཞིག་ཡང་གནས་སྐབས་འདི་ལྟ་བུར་གྱུར་ན། ཁྱོད་
D6.010.0160b01.01ཀྱི་ཞབས་ཅི་འདྲ་བར་གྱུར། རེ་ཞིག་ཁྱོད་ཀྱི་ཞབས་བལྟའོ། །དེས་དེ་ལ་རྐང་པ་བསྟན་པ་དང་། དེས་མཐོང་སྟེ་སྙིང་རྗེ་སྐྱེས་ནས། དེས་སྨྲས་པ། འཕགས་པ་བདག་གིས་ས་འདི་ལ་པར་ཏང་དག་གདིང་བར་བགྱིས། བདེ་བར་ཚོགས་ཤིག་ཅེས་སྨྲས་པ་དང་། དེས་སྨྲས་པ།
D6.010.0160b02.01ཁྱིམ་བདག་བཅོམ་ལྡན་འདས་ཀྱིས་མ་གནང་ངོ་། །འཕགས་པ་ཁྱོད་ཀྱི་སྟོན་པ་ནི་ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ་དེས་དགེ་སློང་དག་ལ་བསྙད་དོ། །དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་
D6.010.0160b03.01སྩལ་པ། དེ་ལྟ་བས་ན་གནང་གིས་དགེ་སློང་བརྩོན་འགྲུས་བརྩམ་པའི་འཆག་སར་པར་ཏང་བཏིང་བར་བྱའོ། །ཁྱིམ་བདག་དེས་བཏིང་བ་དང་། དགེ་སློང་དེ་དེ་ལ་ཕྱོགས་གཅིག་ཏུ་འཆག་པར་བརྩམས་པས་ཇི་ཙམ་ན་དེ་དུམ་བུ་གཉིས་སུ་གྱུར་ནས། དེའི་དུམ་བུ་
D6.010.0160b04.01གཅིག་ནི་ཕྱོགས་གཅིག་ན་འདུག། གཉིས་པ་ཡང་གཞན་ན་འདུག་གོ། །ཇི་ཙམ་ན་ཁྱིམ་བདག་དེ་འོངས་ནས་པར་ཏང་དེའི་དུམ་བུ་གཅིག་ནི་ཕྱོགས་གཅིག་ན་འདུག །གཉིས་པ་ཡང་གཞན་ན་འདུག་པ་མཐོང་ནས་དེས་སྨྲས་པ། འཕགས་པ་པར་ཏང་དེ་གནས་
D6.010.0160b05.01སྐབས་འདི་ལྟ་བུར་གྱུར་ན། ཨེ་མ་ཁྱོད་ཀྱིས་རལ་བ་བཙེམ་ན་ཅི་ནོངས། སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་ཟེར་བ་བདེན་ཏེ་དེ་ལྟ་བས་ན་རལ་བ་དང་རལ་བ་དག་དྲུབ་ཅིང་
D6.010.0160b06.01གཟུངས་དང་ལྷན་བདག་གདབ་པར་བྱའོ། །གང་གི་ཚེ་ཤིན་ཏུ་རྙིངས་ཤིང་དེངས་ཏེ་བཅོས་དཀའ་བ་དེའི་ཚེ་དེ་ལྕི་བའམ། འཇིམ་པར་བསྲེས་ལ་དེ་ཉིད་དུ་བྱུགས་ཤིག་དང་། སྦྱིན་བདག་གི་བསོད་ནམས་ཡུན་རིང་དུ་འཕེལ་བར་འགྱུར་རོ། །སངས་རྒྱས་བཅོམ་ལྡན་
D6.010.0160b07.01