完整藏文原文 · 德格版页 当前仅加载第 10 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཀྱང་སངས་རྒྱས་ལ་མི་སྙན་པ་བརྗོད་པའམ། ཆོས་དང་དགེ་འདུན་ལ་མི་སྙན་པ་བརྗོད་པར་མི་བགྱིད་ཀྱི། གཞན་དུ་ན་བདག་ཉིད་ཁོ་ན་ལ་ཡོངས་སུ་སྨོད་པས་ཡོངས་སུ་སྨོད་པར་བགྱིད་དེ། བདག་ཅག་གཉིས་ནི་འདི་ན་དམན་པ་དང་མ་རབས་དང་དཔལ་མེད་པ་སྟེ་བདག་ཅག་གིས་བཅོམ་ལྡན་
D6.010.0085a01.01འདས་ཀྱི་སྤྱན་སྔར་ཇི་སྲིད་འཚོ་བའི་བར་དུ་ཚངས་པར་སྤྱོད་པ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། སྤྱད་པར་མ་ནུས་སོ་ཞེས་མཆིས་ཏེ། བཙུན་པ་འདི་ཡང་བདག་བཅོམ་ལྡན་འདས་ལ་ཆོས་ལས་བྱུང་བའི་དད་པ་ལགས་སོ་ཞེས་བྱ་བ་སྔ་མ་བཞིན་ནོ། །བཙུན་པ་
D6.010.0085a02.01བདག་ལ་བཅོམ་ལྡན་འདས་ལ་ཆོས་ལས་བྱུང་བའི་དད་པ་གཞན་ཡང་མཆིས་ཏེ། བཙུན་པ་འདི་ན་ཀོ་ས་ལའི་རྒྱལ་པོ་གསལ་རྒྱལ་བདག་དགུམ་པར་བགྱི་བ་མ་ལགས་པ་རྣམས་ཀྱང་འགུམས། དགུམ་པར་བགྱི་བ་རྣམས་ནི་གཏོང་བར་དབང་ན། བདག་དོན་གྱི་ཆེད་དུ་མཆིས་པ་ལ་རྒྱལ་རིགས་རྒྱ་ཆེན་པོ་ཤིང་སཱ་
D6.010.0085a03.01ལ་ཆེན་པོ་ལྟ་བུ་དག་དང་། བྲམ་ཟེ་རྒྱ་ཆེན་པོ་ཤིང་སཱ་ལ་ཆེན་པོ་ལྟ་བུ་དག་དང་། ཁྱིམ་བདག་རྒྱ་ཆེན་པོ་ཤིང་སཱ་ལ་ཆེན་པོ་ལྟ་བུ་དག་གཏམ་མཇུག་ཏུ་ཕྱིན་པ་ལ་མི་སྡོད་པར་བར་སྐབས་བར་སྐབས་སུ་བཀའ་མཆིད་མཆི་ཞིང་། མ་གུས་པ་དང་ཞེས་མ་མཆིས་པར་སྨྲ་བར་བགྱི་བར་སེམས་ལགས་སོ། །
D6.010.0085a04.01བཙུན་པ་དུས་གཅིག་ཅིག་ན། བཅོམ་ལྡན་འདས་འཁོར་བརྒྱ་ཕྲག་དུ་མའི་གུང་ལ་བཞུགས་ཤིང་། ཆོས་སྟོན་པར་མཛད་པ་དེ་ན་ལུད་པའི་སྒྲ་ཡང་མི་གདའ་སྦྲིད་པའི་སྒྲ་ཡང་མི་གདའོ། །དེ་ནས་མི་ཞིག་གིས་ལུད་པའི་སྒྲ་ཕྱུང་བ་དང་། ཡང་མི་ཞིག་གིས་མི་དེ་ལ་འདི་སྐད་ཅེས་ཀྱེ་སྐྱེས་
D6.010.0085a05.01བུ་ཁྱོད་ཁ་རོག་པར་འདུག །བཅོམ་ལྡན་འདས་སྦྲང་མའི་སྦྲང་རྩིས་ཚིམ་པར་མཛད་པ་ལྟ་བུའི་ཆོས་སྙན་པ་བས་སྙན་པ་སྟོན་པར་མཛད་པ་མ་མཐོང་ངམ་ཞེས་སྨྲས་ལགས་སོ། །དེ་སྐད་ཅེས་བགྱིས་པ་དང་། མི་དེ་ཅང་མི་མཆིས་པར་མཆིས་སོ། །དེ་ལ་བདག་འདི་སྙམ་བགྱིད་དེ། བཅོམ་ལྡན་འདས་
D6.010.0085a06.01ནི་དེ་ཙམ་དུ་མཐུ་ཆེ་ཞིང་། རྫུ་འཕྲུལ་ཆེ་བ་ལགས་ན། འདི་ན་ད་ལྟར་ཆད་པ་མེད་པ་དང་། མཚོན་ཆ་མེད་པའི་ཆོས་སྙན་པས་འཁོར་བཏུལ་བ་ངོ་མཚར་ཏོ་སྙམ་སྟེ། བཙུན་པ་འདི་ཡང་བདག་བཅོམ་ལྡན་འདས་ལ་ཆོས་ལས་བྱུང་བའི་དད་པ་ལགས་ཏེ་ཞེས་བྱ་བའི་བར་སྔ་མ་བཞིན་ནོ། །བཙུན་པ་བདག་ལ་བཅོམ་
D6.010.0085a07.01