完整藏文原文 · 德格版页 当前仅加载第 10 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་སྟེ། གནས་མལ་བཤམ་པར་བྱས་ལ་གཎྜཱི་བརྡུངས་ནས་ཞེས་བྱ་བ་ནས། སྤྲོ་བར་བྱ་སྟེ་ཞེས་བྱ་བའི་བར་དུ་སྔ་མ་བཞིན་ནོ། །མིང་འདི་ཞེས་བྱ་བ་ཁྱོད་དགེ་འདུན་གྱི་སྣོད་སྤྱད་འབྲུབ་པར་སྤྲོའམ། གལ་ཏེ་སྤྲོ་ན་དེས་སྤྲོའོ་ཞེས་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་
D6.010.0109a01.01བ་བྱས་ནས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་དགེ་འདུན་གྱི་སྣོད་སྤྱད་འབྲུབ་པར་སྤྲོ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་དགེ་འདུན་
D6.010.0109a02.01གྱི་སྣོད་སྤྱད་འབྲུབ་པར་བསྐོ་བར་བགྱི་སྟེ། དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྣོད་སྤྱད་འབྲུབ་པོ། །འདི་ནི་གསོལ་བའོ། །ལས་ཀྱང་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྣོད་སྤྱད་འབྲུབ་པར་སྤྲོ་སྟེ།
D6.010.0109a03.01དེའི་སླད་དུ་དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྣོད་སྤྱད་འབྲུབ་པར་བསྐོ་ན། ཚེ་དང་ལྡན་པ་གང་དག་དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྣོད་སྤྱད་འབྲུབ་པར་བསྐོ་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །དགེ་འདུན་གྱིས་བཟོད་ཅིང་
D6.010.0109a04.01གནང་ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྣོད་སྤྱད་འབྲུབ་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དེས་དགེ་སློང་རྣམས་ལ་ནི་སྣོད་སྤྱད་རྙིང་པ་དག་སྦྱིན་ཞིང་། ཁྱིམ་པ་རྣམས་ལ་ནི་སར་པ་དག་སྦྱིན་པར་བྱེད་ནས། བཅོམ་ལྡན་འདས་ཀྱིས་
D6.010.0109a05.01བཀའ་སྩལ་པ། དགེ་སློང་རྣམས་ལ་སར་པ་དག་སྦྱིན་པར་བྱ་ཞིང་། ཁྱིམ་པ་རྣམས་ལ་ནི་རྙིང་པ་དག་སྦྱིན་པར་བྱའོ། །དེ་ཁྱིམ་པ་རྣམས་ལ་བྱིན་པ་ནི་ཕྱིར་ལེན་པར་མི་བྱེད་ཅིང་། དགེ་སློང་རྣམས་ལས་ནི་ཕྱིར་ལེན་ནས། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་པ་རྣམས་ལ་བྱིན་པ་ནི་བླང་བར་བྱའི།
D6.010.0109a06.01དགེ་སློང་རྣམས་ལ་ནི་མ་ཡིན་ནོ། །ཕྱི་རོལ་དུ་བཞག་པས་དེ་དག་འཁྱམས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སྣོད་སྤྱད་ཀྱི་མཛོད་ཅིག་བྱས་ལ་དེར་རྫ་མཁན་གྱིས་བྱས་པའི་སྣོད་སྤྱད་རྣམས་གཞག་པར་བྱའོ། །བཅོམ་ལྡན་འདས་ཀྱིས་སྣོད་སྤྱད་ཀྱི་མཛོད་ཅིག་བྱས་ལ། དེར་རྫ་མཁན་
D6.010.0109a07.01