完整藏文原文 · 德格版页 当前仅加载第 10 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་སོ། །འཕགས་པ་ཇི་ལྟར་བདག་གིས་བགྱིས་པ་དེ་ལྟར་འཁོར་ལྔ་བརྒྱ་ལ་བསོད་པའི་ཞལ་ཟས་ཀྱིས་ཚིམ་པར་བགྱིས་པ་གཞན་འགའ་མཆིས་སམ། དེས་སྨྲས་པ། ལྷས་བདག་དུ་མ་བས་ཁྱད་ཞུགས་པ་ཁྱོད་ཀྱིས་བདག་འཁོར་ལྔ་བརྒྱ་དང་བསོད་པའི་ཁ་ཟས་
D6.010.0289a01.01འདི་ལྟ་བུས་ཚིམ་པར་བྱས་པ་གང་ཡིན་པ་འདི་ལ་ངོ་མཚར་ཅི་ཞིག་ཆེ། བདག་འདིར་འོངས་པའི་ཚེ་རི་འོར་ན་གནས་པའི་བུ་མོ་ཞིག་གིས་བདག་ཉིད་ཀྱི་སྐྲ་བཙོངས་ནས་འཁོར་ལྔ་བརྒྱ་དང་ཁ་ཟས་བསོད་པ་འདི་ལྟ་བུས་ཚིམ་པར་བྱས་པ་ནི་འདི་བས་ཆེས་ཁྱད་ཞུགས་པར་ངོ་མཚར་
D6.010.0289a02.01ཆེའོ། །རྒྱལ་པོ་གཏུམ་པོ་རབ་སྣང་གིས་བསམས་པ། བུ་མོ་གང་ཞིག་གིས་སྐྲ་ཀཱར་ཥཱ་པ་ཎ་ལྔ་བརྒྱར་ལྡོམ་པ་དེ་ལྟ་བུའི་བུད་མེད་ནི་ལྷ་དག་གི་ནང་ན་ཡང་ག་ལ་ཡོད། མདོར་ན་དེ་བཙལ་བར་བྱའོ་སྙམ་ན་ཚེ་དང་ལྡན་པ་ཀ་ཏྱའི་བུ་ཆེན་པོ་ནི་བསྙེན་པར་དཀའ་བ་ཡིན་པས་དེས་དེ་ལ་བུ་མོ་
D6.010.0289a03.01དེ་རི་འོར་གང་ན་འདུག་ཅེས་དྲི་བར་མ་ནུས་ཏེ། དེས་ཞོ་ཤས་འཚོ་བ་རྣམས་ལ་བསྒོ་བ། ཤེས་ལྡན་དག་ཀ་ཏྱའི་བུ་ཆེན་པོ་ལམ་གང་ནས་འོངས་པ་དེ་ནས་དེང་ལ་རི་འོར་གང་ན་བུ་མོ་ཞིག་གིས་སྐྲ་བཙོངས་ནས་འཕགས་པ་ཀ་ཏྱའི་བུ་ཆེན་པོ་འཁོར་ལྔ་བརྒྱ་དང་བཅས་པ་ལ་བཤོས་
D6.010.0289a04.01གསོལ་བ་ཚོལ་ལ་བཙལ་ནས་དེ་ངའི་དོན་དུ་སློངས་ཤིག །ལྷ་དེ་ལྟར་འཚལ་ལོ་ཞེས་ཞོ་ཤས་འཚོ་བ་རྣམས་ཀྱིས་རྒྱལ་པོ་གཏུམ་པོ་རབ་སྣང་གི་ལྟར་མཉན་ཏེ་རིམ་གྱིས་ཚོལ་བ་ན་ཀ་ནྱཱ་ཀུབ་ཛར་ཕྱིན་ཏེ་དེ་དག་གིས་དེ་བཙལ་ལོ། །བཙལ་ནས་ལམ་གྱིས་དུབ་པ་ངལ་བསོ་སྟེ། བྲམ་
D6.010.0289a05.01ཟེ་མོ་དེའི་ཁྱིམ་གང་ན་བ་དེར་སོང་སྟེ་ཕྱིན་པ་དང་། སྒོ་ཁང་དུ་འཁོད་ནས་སྨྲས་པ། བཀྲ་ཤིས་པར་གྱུར་ཅིག །བཀྲ་ཤིས་པར་གྱུར་ཅིག །བྲམ་ཟེ་མོ་དེས་སྨྲས་པ། ཤེས་ལྡན་དག་ཅི་འདོད། དེ་དག་གིས་སྨྲས་པ། བུ་མོ་སྐྲ་ཅན་མའོ། །བྲམ་ཟེ་མོས་སྨྲས་པ། སུའི་དོན་དུ་སློང་
D6.010.0289a06.01དེ་དག་གིས་སྨྲས་པ། བྲམ་ཟེ་མོ་རྒྱལ་པོ་གཏུམ་པོ་རབ་སྣང་གིའོ། །དེས་སྨྲས་པ། ཤེས་ལྡན་དག་ལེགས་མོད་ཀྱི་འོན་ཀྱང་འདི་ལ་གཉོད་མང་དུ་དགོས་སོ། །དེ་དག་གིས་སྨྲས་པ། སྲིང་མོ་ཇི་ཙམ་ཞིག་དགོས། དེས་སྨྲས་པ། གསང་བའི་རྒྱན་ལྔ་བརྒྱ་དང་། ཕྱི་རོལ་གྱི་
D6.010.0289a07.01