完整藏文原文 · 德格版页 当前仅加载第 10 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག་དང་སོས་པར་འགྱུར་རོ། །དེས་བྲམ་ཟེ་བཀྲ་ཤིས་པར་གྱུར་ཅིག་ཅེས་སྨྲས་ནས་ཆས་ཏེ་རྒྱལ་བྱེད་ཀྱི་ཚལ་དུ་སོང་ངོ་། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི་དྲུག་སྡེ་གང་ཡང་རུང་བ་ཞིག་གིས་རྒྱལ་བྱེད་ཀྱི་ཚལ་གྱི་སྒོ་མི་སྟོང་པ་ཡིན་ཏེ། ཚེ་དང་ལྡན་པ་ཉེ་དགའ་རྒྱལ་བྱེད་ཀྱི་ཚལ་
D6.010.0226b01.01གྱི་སྒོ་ན་འཆགས་པ་དེས་བྲམ་ཟེ་དེ་མཐོང་ནས་སྨྲས་པ། བྲམ་ཟེ་ཆེན་པོ་འོངས་པ་ལེགས་སོ་འོངས་པ་ལེགས་སོ། །ཁྱོད་ཟླ་བ་ལྟ་བུར་གནས་པ་ཡིན་ན་རིང་མོ་ཞིག་སྟེ་ག་ལས་འོངས། འཕགས་པ་ཕྱག་འཚལ་ལོ། །རིང་མོ་ཞིག་སྟེ་མཐོང་བ་ནི་ལེགས་ཏེ། ཡང་དང་ཡང་དུ་
D6.010.0226b02.01མཐོང་བས་ནི་བརྙས་པར་འགྱུར་རོ། །དགོས་པ་ཅི་ཞིག་ལ་འོངས། འཕགས་པ་བདག་གི་བུ་བྲོ་ཚབས་ཆེན་པོ་ཞིག་གིས་ཐེབས་ཏེ། དེ་ལ་སྨན་པས་འཕགས་པ་རྣམས་ཀྱི་ཐད་ནས་ལྷུང་བཟེད་ཀྱི་ཆུ་བླངས་ཏེ་དེས་བཀྲུས་དང་སོས་པར་འགྱུར་རོ་ཞེས་བསྟན་ནས། བདག་ལྷུང་བཟེད་ཀྱི་
D6.010.0226b03.01ཆུ་བསླང་བའི་སླད་དུ་འདིར་མཆིས་ཀྱིས་སྩོལ་ཅིག །དེས་སྨྲས་པ། ཁྱོད་ཀོ་ལྷུང་བཟེད་ཀྱི་ཆུའི་ཕྱིར་འདིར་འོངས་པ་ལྟ། འཕགས་པ་དེ་ལྟ་ལགས་ཏེ་དགོས་པ་དེ་ནི་མཆིས་སོ། །གལ་ཏེ་དེ་ལྟ་ན་སྡོད་ཅིག་དང་ཁོ་བོས་ལྷུང་བཟེད་ཀྱི་ཆུ་བླང་ངོ་ཞེས་བྱས་ནས་དེ་ནང་དུ་སོང་ངོ་། །
D6.010.0226b04.01དེས་ཟན་ཟོས་ནས་ལྷུང་བཟེད་བཀྲུས་ཏེ་དེར་རུས་པ་དང་། ཤའི་ཁམ་ཚད་དང་། ཉའི་གྲམ་དང་། འབྲས་ཅན་གྱི་བྲུལ་མ་དང་། ཕྱེ་དང་། ཚོང་ཤོལ་དང་། ཁུར་བ་ཅུང་ཟད་ཅིག་བླུགས་སོ། །དེ་ནས་ཕྱིར་བྱུང་ནས་སྨྲས་པ། བྲམ་ཟེ་ལྷུང་བཟེད་ཀྱི་ཆུ་འདེ་རེ་ཁྱེར་ཅིག །བྲམ་ཟེས་
D6.010.0226b05.01མཐོང་ནས་སྨྲས་པ། འཕགས་པ་བདག་གི་བུ་གུམ་བླའི་ཆུ་འདི་ལྟ་བུ་མི་གཙང་བས་ཁྲུས་བགྱིས་པ་ནི་མི་རུང་ངོ་། །ཚེ་དང་ལྡན་པ་ཉེ་{དགའས་,དགས་}སྨྲས་པ། ཁྱོད་དད་པ་འདི་ལྟ་བུ་དང་ལྡན་པས་ཁྱོད་ཀྱི་བུ་སོས་ཟིན་དུ་ཟད་དོ། །བྲམ་ཟེ་དེ་འཕྱ་བ་ལ་ཞུགས་ནས། སྐབས་དེ་
D6.010.0226b06.01དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་དག་ལྷུང་བཟེད་ནས་ལྷག་རོལ་འདོར་བ་ལས་གྱུར་གྱིས། དེའི་ཕྱིར་དགེ་སློང་གིས་ལྷུང་བཟེད་ནས་ལྷག་རོལ་དོར་བར་མི་བྱའོ་སྙམ་
D6.010.0226b07.01