'dul ba phran tshegs kyi gzhi/
当前为德格木刻版 234b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 234b
- 可引用原文
- 7 行
- 全文规模
- 全经 8970 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 3 函第 10 函 · 德格 234b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文གལ་ཏེ་ཁྱེད་ཀྱང་ཕ་མ་དག་གིས་བསྐྱེད་ནས་ཞལ་ཏ་བྱས་པར་མ་གྱུར་ན་ཁྱེད་ཀྱང་མ་རུང་བར་འགྱུར་རོ། །ཀྱེ་མ་ཁྱེད་ཀྱིས་ཞལ་ཏ་མཛོད་ཅིག །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཤིང་བསྐྱེད་ནས་ཡལ་བར་དོར་བར་མི་བྱའི་འོན་ཀྱང་ཞལ་ཏ་བྱའོ། །བཅོམ་ལྡན་འདས་ཀྱིས་ཤིང་བསྐྱེད་ནས་ཡར་བར་དོར་བར་མི་བྱའི་འོན་ཀྱང་ཞལ་ཏ་བྱའོ་ཞེས་བཀའ་སྩལ་པ་དང་། དགེ་སློང་དག་གིས་ཇི་ལྟར་ཞལ་ཏ་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དུས་དུས་སུ་
ཆུས་བཅུ་བར་བྱའོ། །དགེ་སློང་དག་དེ་ཁོ་ན་ལྷུར་ལེན་པས་དགེ་བའི་ཕྱོགས་ཡོངས་སུ་ཉམས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྷུར་བླང་བར་མི་བྱའི་ལ་ལར་ནི་ལག་པ། ལ་ལར་ནི་རྐང་པ་བཀྲུ་བར་བྱའོ། །ལ་ལར་ནི་སོ་ཤིང་བཟའ་བར་བྱའོ། །ལ་ལར་ནི་ལྷུང་བཟེད་བཀྲུ་བར་བྱའོ། །ལ་ལར་ནི་ཁྲུས་བྱའོ། །དེ་དག་དགུན་སྟོད་ཀྱི་དུས་སུ་ཁ་བས་ཚིག་ནས་བཅོམ་ལྡན་འདས་ཀྱིས་བཀའ་སྩལ་པ། ཚས་སུ་གཞུག་པར་བྱའོ། །དགེ་སློང་དག་གིས་ཚས་སུ་བཅུག་པ་དང་། དེ་དག་ནགས་མེ་ཤོར་བས་ཚིག་ནས། བཅོམ་ལྡན་འདས་ཀྱིས་
བཀའ་སྩལ་པ། ར་བས་བསྐོར་བར་བྱའོ། །རླུང་མ་ཤོར་བས་ཚ་བས་གདུངས་ནས། བཅོམ་ལྡན་འདས་ཀྱིས་བཀའ་སྩལ་པ། སྐར་ཁུང་གདོད་པར་བྱའོ། །དབྱར་སྦྱོང་བཞིན་དུ་ཆུས་གང་སྟེ་འདུག་ནས། བཅོམ་ལྡན་འདས་ཀྱིས་བཀའ་སྩལ་པ། དབྱར་གྱི་དུས་སུ་རྩིག་པ་བཤིག་ལ་ཆུ་འབོ་བར་བྱའོ། །དགེ་སློང་དག་གིས་ཇི་སྲིད་ཤིང་དེ་དག་ཆེན་པོར་མ་གྱུར་པར་དེ་དག་བོར་ཏེ་དོང་བ་དང་། དེ་དག་དེ་བཞིན་དུ་བསྐམས་ནས། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ངས་དགེ་སློང་ཤིང་
སྐྱེད་པར་བྱེད་པའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་ཤིང་སྐྱེད་པར་བྱེད་པས་གལ་ཏེ་མེ་ཏོག་གི་ཤིང་བསྐྱེད་པར་གྱུར་ན་ཇི་སྲིད་དུ་མེ་ཏོག་མ་ཆགས་པ་དེ་སྲིད་དུ་འགྲོ་བར་མི་བྱའོ། །འོན་ཏེ་འབྲས་བུའི་ཤིང་བསྐྱེད་པར་གྱུར་ན་ཇི་སྲིད་དུ་འབྲས་བུ་མ་ཆགས་པ་དེ་སྲིད་དུ་འགྲོ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D6
- 德格版页
- 234b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0006 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。