'dul ba gzhung dam pa/
当前为德格木刻版 299b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 299b
- 可引用原文
- 7 行
- 全文规模
- 全经 7305 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 3 函第 13 函 · 德格 299b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文བརྟན་གྱི་བྱ་བ་གང་ཞེ་ན། འཁོར་གྱི་ནང་དུ་ཞུགས་པའི་དགེ་སློང་གནས་བརྟན་གྱིས་འཁོར་རྣམས་ལ་འདི་དག་ཇི་ལྟ་བུའི་གཏམ་ལ་དགའམ། འོན་ཏེ་ཅང་མི་སྨྲ་བ་ལ་དགའ་ཞེས་འཁོར་རྣམས་ལ་བརྟག་པར་བྱའོ། །དེ་སྟེ་གཏམ་ལ་དགའ་བ་དག་ཅིག་ཡིན་ན་ནི་དེ་དག་ལ་དེ་དང་མཐུན་པའི་གཏམ་བྱའོ། །དེ་སྟེ་མི་སྨྲ་བ་ལ་དགའ་བ་དག་ཅིག་ཡིན་ན་ནི་དེར་ཅང་མི་སྨྲ་བར་འདུག་པར་བྱ་སྟེ། འདི་ནི་འཁོར་གྱི་ནང་དུ་ཞུགས་པའི་གནས་བརྟན་གྱི་བྱ་བ་ཞེས་བྱའོ། །གསོ་སྦྱིན་གྱི་བྱ་བ་གང་ཞེ་ན། བཅུ་བཞིའམ། བཅོ་ལྔའི་གསོ་སྦྱོང་དེ་ཉིད་ཀྱི་ཚེ་རང་གི་རྒྱུད་ལ་བརྟག་
པར་བྱ་སྟེ། མཚན་མོའི་རྒྱུད་དང་། ཉིན་པར་གྱི་རྒྱུད་དེར་བདག་ལ་སྐབས་དེར་ལྟུང་བ་ལྟ་བྱུང་ངམ། དེ་སྟེ་བྱུང་བ་ཡོད་ན་དགེ་སློང་ཡིད་བརྟན་པ་ཞིག་རྙེད་ན་ནི་དེའི་མདུན་དུ་བཤགས་པར་བྱ། དེ་སྟེ་མ་རྙེད་ན་སེམས་ཀྱི་བྱིན་གྱིས་བརླབ་པ་དང་། དེ་སྟེ་ཉེས་པ་མ་བྱུང་ན་ནི་སེམས་བསྐྱེད་པར་བྱ་སྟེ། བདག་ནི་ལྟུང་བ་དེ་ལས་ཡོངས་སུ་དག་གོ་ཞེས་ཚིག་ཏུ་བརྗོད་པར་བྱ། གསོ་སྦྱིན་ནི་ཚུལ་ཁྲིམས་ཡོངས་སུ་དག་པར་བྱེད་པ་སྟེ། འདི་ནི་གསོ་སྦྱིན་གྱི་བྱ་བ་ཞེས་བྱའོ། །གསོ་སྦྱིན་མངོན་དུ་བྱ་བའི་བྱ་བ་གང་ཞེ་ན། དགེ་སློང་གསོ་སྦྱིན་མངོན་དུ་བྱུང་ལ་མིན་
ན་དད་བཞིན་དུ་ཡང་འགྲོ་བར་བྱ་སྟེ། དེ་ཡང་ཤེས་བཞིན་དུ་འགྲོ་བར་བྱ་བ་ནས་སྔ་མ་བཞིན་ཏེ་འདུག་པ་ལ་མཁས་པར་བྱ་བའི་བར་དུའོ། །འདུག་ནས་ཀྱང་སོ་སོར་ཐར་པའི་མདོ་སྡེ་ལ་སྟོན་པའོ་སྙམ་དུ་འདུ་ཤེས་མངོན་དུ་གཞག་པར་བྱ། བཀུར་སྟི་བྱ། རིམ་གྲོར་བྱས་ལ་མཉན།བླ་མར་བྱ། གཅེས་པར་བྱ། ཡིད་ལ་གཟུང་བར་བྱ། སེམས་གཅིག་ཏུ་བྱ། རྣ་བ་མི་གཡེལ་བར་བྱ། སེམས་ཐམས་ཅད་གཅིག་ཏུ་དམིགས་ནས་མཉན་པར་བྱའོ། །མཉན་ནས་ཀྱང་དེ་ལྟ་བུར་ནན་ཏན་བྱ། བསྒྲུབ་པར་བྱ་བ་དེ་ནི་གསོ་སྦྱིན་མངོན་དུ་བྱ་བའི་བྱ་བ་ཞེས་བྱའོ། །
གསོ་སྦྱིན་གྱི་ལས་ཀྱི་བྱ་བ་གང་ཞེ་ན། གསོ་སྦྱིན་གྱི་བྱ་བ་ལ་རྣམ་པ་ལྔ་སྟེ། གདོན་པ་དང་། བསྔོ་བ་དང་། དད་པ་ཡོངས་སུ་དག་པ་དང་། སྐབས་དབྱེ་བ་དང་། སེམས་ཀྱིས་བྱིན་གྱིས་བརླབ་པའོ། །གཞན་ཡང་གསོ་སྦྱིན་གྱི་ལས་ལ་རྣམ་པ་བཞི་སྟེ། ཆོས་བཞིན་མ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D7a
- 德格版页
- 299b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0739 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。