完整藏文原文 · 德格版页 当前仅加载第 13 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བཀའ་སྩལ་པ། ཁྱིམ་བདག་ངས་གནང་གིས་ཕུལ་ཅིག །དེས་ཤིང་གང་ཕོའི་མིང་དུ་བྱ་བ་ལ་ནི་ཕོའི་རྒྱན་གྱིས་བརྒྱན། གང་མོའི་མིང་དུ་བྱ་བ་ལ་ནི་མོའི་རྒྱན་གྱིས་བརྒྱན་པ་དང་། དགེ་སློང་དག་གིས་ཇི་ལྟར་བྱ་བ་མི་ཤེས་ནས། དེ་ལྟར་གྱུར་པ་དགེ་སློང་
D7a.013.0185a01.01དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་ཉིད་ལ་དྲིས་ཤིག །དེ་དག་གིས་ཁྱིམ་བདག་ཉིད་ལ་དྲིས་པ་དང་། དེས་སྨྲས་པ། འཕགས་པ་ཇི་ལྟར་བསྔོས་པ་དེ་བཞིན་དུ་མཛོད་ཅིག །དེ་ལྟར་གྱུར་པ་དགེ་སློང་དག་
D7a.013.0185a02.01གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གང་ཤིང་ཕོའི་མིང་དུ་བྱ་བ་དང་། གང་ཤིང་མོའི་མིང་དུ་བྱ་བ་རྣམས་ཀྱི་རྒྱན་སོ་སོར་བསྡུས་ལ་ཐུམ་པོར་བྱོས་ཏེ་ཞོག་ཤིག །ནམ་དུས་སྟོན་གྱི་ཚེ་ཡང་དེ་བཞིན་དུ་བརྒྱན་པར་གྱིས་ཤིག །
D7a.013.0185a03.01རྩིག་པའི་ནི་རི་མོའི་ཡོ་བྱད་དུ་བྱོས་ཤིག །བསྲོ་ཁང་གི་རྩིག་པ་དང་། ཀ་བ་དག་གི་ནི་ལས་གསར་དུ་བྱོས་ཤིག །དེའི་སའི་ནི་དགེ་འདུན་གྱི་སྣང་མར་བྱོས་ཤིག །ནད་པའི་སྨན་ཁང་གི་རྩིག་པ་དང་། ཀ་བའི་དེ་དག་ནི་ལས་གསར་དུ་བྱོས་ཤིག །དེའི་སའི་སྨན་གྱི་ཡོ་བྱད་
D7a.013.0185a04.01བྱོས་ཤིག །ཚང་མང་གི་རྩིག་པ་དང་ཀ་བའི་ནི་དེ་དག་ལས་གསར་དུ་བྱོས་ཤིག །དེའི་སའི་ནི་དགེ་འདུན་གྱི་བཤོས་སུ་གྱིས་ཤིག །ཆུ་གང་གི་རྩིག་པ་དང་། ཀ་བའི་ལས་གསར་དུ་གྱིས་ཤིག །དེའི་སའི་ནི་སྐོམ་དུ་བྲིམས་ཤིག །དུགས་ཁང་གི་རྩིག་པ་དང་།
D7a.013.0185a05.01ཀ་བའི་ནི་དེའི་ལས་གསར་དུ་གྱིས་ཤིག །དེའི་སའི་ནི་དུགས་ཁང་དུ་གྱིས་ཤིག །བཀད་སའི་ཁང་པའི་རྩིག་པ་དང་། ཀ་བ་དག་གིས་ནི་ལས་གསར་དུ་གྱིས་ཤིག །དེའི་སའི་ནི་སྣུམ་པའི་ཟོང་གྱིས་ཤིག །ཁྱམས་དང་། སྟེགས་བུ་དང་། འཆག་ས་དང་། སྒོ་
D7a.013.0185a06.01ཁང་དང་། ཡང་ཐོག་གི་རྩིག་པ་དང་། ཀ་བ་དག་གིས་ནི་ལས་གསར་དུ་གྱིས་ཤིག །དེའི་སའི་ནི་དགེ་འདུན་སྤྱིར་བགོས་ཤིག །གང་རྫིང་བུའི་བ་དེ་ནི་ཕྱོགས་བཞིའི་དགེ་སློང་གི་དགེ་འདུན་གྱི་སྤྱིར་ཞོག་ཤིག །དགེ་སློང་སྤོང་བའི་ཁང་བུའི་ནང་ན་འདུག་ཅིང་དགེ་བའི་
D7a.013.0185a07.01