完整藏文原文 · 德格版页 当前仅加载第 13 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
དངོས་པོ་གང་གི་ཕྱིར་དགེ་འདུན་གྱིས་ལས་བགྱི་བ་དངོས་པོ་དེ་མང་པོའམ། གཉིས་སམ། གཅིག་གིས་བགྱི་བ་མཆིས་སམ། གསུངས་པ། དངོས་པོ་གང་གི་ཕྱིར་དགེ་འདུན་གྱིས་ལས་བགྱི་བའི་དངོས་པོ་དེ་མང་པོའམ། གཉིས་སམ། གཅིག་གིས་བྱ་བ་ཡང་ཡོད་དོ། །
D7a.013.0206b01.01ཇི་ལྟར་ན་དངོས་པོ་གཅིག་གིས་དགེ་འདུན་གྱི་ལས་བགྱི་བའི་དངོས་པོ་དེ་མང་པོའམ། གཉིས་སམ། གཅིག་གིས་བགྱི་བར་འགྱུར་ལགས། དེ་འདི་ལྟར་དགེ་སློང་མ་རྣམས་ཀྱིས་དགེ་སློང་ལ་ཕྱག་མི་འཚལ་བར་བཅས་པ་དང་། གཏམ་མི་སྨྲ་བར་བཅས་པ་དང་། ལོངས་སྤྱོད་
D7a.013.0206b02.01མི་གཅིག་པར་བཅས་ནས་བསྒོས་པ་སྟེ། དེ་ལྟ་བུ་ནི་དངོས་པོ་གང་གི་ཕྱིར་དགེ་འདུན་གྱིས་ལས་བྱ་བའི་ཕྱིར་དངོས་པོ་དེ་མང་པོའམ། གཉིས་སམ། གཅིག་གིས་ཀྱང་བྱའོ། །ལས་གང་དགེ་འདུན་གྱིས་ལས་སུ་བགྱི་བའི་ལས་དེ་མང་པོའམ། གཉིས་སམ། གཅིག་གིས་ཀྱང་དེ་
D7a.013.0206b03.01བཞིན་པ་མཆིས་སམ། གསུངས་པ་ཡོད་དོ། །ཇི་ལྟར་སྔ་མ་བཞིན་དུ་དགེ་སློང་མ་རྣམས་ཀྱིས་དགེ་སློང་ལ་ཕྱག་མི་འཚལ་བར་བཅས་པ་དང་། གཏམ་མི་སྨྲ་བར་བཅས་པ་དང་། ལོངས་སྤྱོད་མི་གཅིག་པར་བཅས་ནས་བསྒོས་པ་སྟེ། དེ་ལྟར་ན་ལས་གང་དགེ་འདུན་གྱིས་ལས་སུ་བྱ་བའི་
D7a.013.0206b04.01ལས་དེ་མང་པོའམ། གཉིས་སམ། གཅིག་གིས་ཀྱང་དེ་བཞིན་ནོ། །ལས་འཚལ་བཞིན་དུ་དགེ་འདུན་གྱིས་བགྱིད་པའི་ལས་དེ་ཉིད་འཚལ་ན་གཉིས་སམ། གཅིག་གིས་ཀྱང་དེ་བཞིན་པ་མཆིས་སམ། གསུངས་པ། ལས་གང་ཤེས་བཞིན་དུ་དགེ་འདུན་གྱིས་བྱ་བའི་ལས་དེ་
D7a.013.0206b05.01ཉིད་ཀྱིས་ཤེས་ཀྱང་མང་པོའམ། གཉིས་སམ། གཅིག་གིས་བྱ་བ་ཡང་ཡོད་དོ། །ཇི་ལྟར་ན་ལས་འཚལ་བཞིན་དུ་དགེ་འདུན་གྱིས་བགྱིད་པའི་ལས་དེ་ཉིད་འཚལ་ན་མང་པོའམ། གཉིས་སམ། གཅིག་གིས་བགྱི་བ་ལགས། དེ་འདི་ལྟར་དགེ་སློང་ལ། དགེ་སློང་རྣམས་
D7a.013.0206b06.01ཀྱིས་ཕྱག་མི་འཚལ་བར་བཅས་པ་དང་། གཏམ་མི་སྨྲ་བར་བཅས་པ་དང་། ལོངས་སྤྱོད་མི་གཅིག་པར་བཅས་ནས་བསྒོས་པ་དེ་ལྟ་བུ་ནི་གང་ཤེས་བཞིན་དུ་དགེ་འདུན་གྱིས་བྱ་བའི་ལས་དེ་ཉིད་ཤེས་ཀྱང་མང་པོའམ། གཉིས་སམ། གཅིག་གིས་ཀྱང་དེ་བཞིན་ནོ། །རང་གི་
D7a.013.0206b07.01