完整藏文原文 · 德格版页 当前仅加载第 13 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བཅས་པའི་ལས་ལྔ་དང་། །རྣམ་དག་ལས་དང་འདུལ་བ་དང་། །ནན་ཏུར་ཆད་པ་དེ་བཞིན་ནོ། །ལས་ཁས་བླང་བ་རྣམ་པ་ལྔ་སྟེ། བདག་ཉིད་ཀྱི་ལས་བྱེད་པ་དང་། མངོན་སུམ་དུ་གྱུར་ནས་ཁས་ལེན་པ་དང་། དད་པ་འབུལ་བ་དང་། རང་གི་ལྟ་བ་ཁས་བརྗོད་
D7a.013.0030a01.01པ་དང་། ཅང་མི་སྨྲ་བར་ཁས་ལེན་པ་རྣམས་སོ། །མཚམས་ཀྱི་ནང་དུ་མངོན་སུམ་དུ་མི་གནས་པ་ལྔས་དད་པ་ཕྱིན་པའི་ལས་བྱའི། མང་པོ་མངོན་སུམ་དུ་འདུས་པའི་ནང་དུ་ནི་མ་ཡིན་ཏེ། རྐུན་གནས་དང་། སོ་སོར་གནས་པ་དང་། མི་གནས་པ་དང་། རྗེས་སུ་ཕྱོགས་པ་དང་།
D7a.013.0030a02.01དགེ་སློང་མ་སུན་ཕྱུང་བའོ། །མ་བྱས་པར་མི་གནང་བའི་ལས་བྱ་བ་ལྔ་ནི་གནས་འདི་ཞེས་བྱ་བར་ཁྱོད་ལ་བྱའོ། །འདིར་དགེ་འདུན་གྱི་ནང་དུ་ཁྱོད་ལ་བྱའོ། །གནས་གཞན་གྱི་དགེ་འདུན་དག་གི་ནང་དུ་ཁྱོད་ལ་བྱའོ། །ཉེས་པ་དེ་ལྟ་བུ་ཁྱོད་ལ་བྱའོ། །ཞེས་དེས་དེ་ལ་ཉེས་པས་
D7a.013.0030a03.01བསྡིགས་ནས་ཉེས་པ་རབ་ཏུ་བཞག་སྟེ། དམ་དེམ་དང་བཅས། འཇེབས་པ་དང་བཅས། གསོབ་ཏུ་དབྱུང་བ་དང་། བཅས་པར་བྱས་ནས་གཏོང་བའོ། །བཤགས་པའི་ལས་དང་། བྱིན་གྱིས་བརླབས་པའི་ལས་དང་། བསྒོ་བའི་ལས་དང་། རྗེས་སུ་གནང་བའི་ལས་དང་།
D7a.013.0030a04.01སྤྱོད་པ་ལ་གནས་པའི་ལས་སོ། །རྣམ་པར་དག་པའི་ལས་ལྔ་སྟེ། ཆད་པ་དང་། གཞི་ནས་བསླང་བའི་ཆད་པ་དང་། ཡིད་མགུ་བ་དང་། གཞི་ནས་བསླང་བའི་ཡིད་མགུ་བ་དང་། དབྱུང་བ་རྣམས་སོ། །གདུལ་བའི་དངོས་པོ་ལྔ་སྟེ། བསྡིགས་པ་དང་། སྨད་པ་དང་། བསྐྲད་
D7a.013.0030a05.01པ་དང་། སླར་བསྡུམ་པ་དང་། སྤང་བ་རྣམས་སོ། །སྨད་པའི་དངོས་པོ་རྣམ་པ་ལྔ་སྟེ། བསྡིགས་པ་དང་། སྨད་པ་དང་། བསྐྲད་པ་དང་། བསྡུམ་པ་དང་། སྤང་བ་རྣམས་སོ། །ཆད་པའི་ལས་རྣམ་པ་ལྔ་སྟེ། དེ་དག་ནས་སྤང་བའི་བར་དུ་བརྗོད་པར་བྱའོ། །མདོར་ན། དགེ་
D7a.013.0030a06.01འདུན་ནང་ན་སྤྱོད་པ་གཉིས། །གནས་བརྟན་བག་མེད་སྒོ་གཉིས་དང་། །ཤེན་དམན་གྱུར་དང་རྩོད་པ་དང་། །བདག་དང་བདག་ཤེས་དེ་བཞིན་ནོ། །དགེ་འདུན་གྱི་ནང་ན་སྤྱོད་པའི་དགེ་སློང་གིས་དགེ་འདུན་གྱི་དྲུང་དུ་འགྲོ་བ་ན་ཆོས་རྣམ་པ་ལྔས་དྲན་པ་ནང་དུ་ཉེ་བར་གཞག་
D7a.013.0030a07.01