完整藏文原文 · 德格版页 当前仅加载第 13 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དད་པའི་བྲམ་ཟེ་དང་ཁྱིམ་བདག་ཟེར་བ་ནི་བདེན་ཏེ། དེ་ལྟ་བས་ན་ངས་རྗེས་སུ་གནང་གིས་ལོང་ལ་སྤུ་ཐུང་རྣམས་ནི་ལྷག་པའི་གོས་སུ་བྱིན་གྱིས་རློབས་ཤིག །སྤུ་རིང་པོ་
D7a.013.0114a01.01རྣམས་ནི་ཡོན་བདག་གིར་བྱིན་གྱིས་རློབས་ལ་བཅང་བར་གྱིས་ཤིག །གླེང་གཞིའི་སྒོ་གསུམ་པའི་མདོའི་ཚིགས་སུ་བཅད་པ་དྲུག་པའོ།། །།མདོར་ན། དབུ་དང་སེན་མོའི་མཆོད་རྟེན་དང་། །ཁ་དོག་དཀར་པོ་མར་མེ་དང་། །ཁྱིམ་དང་མར་མེ་སྣོད་དག་དང་། །
D7a.013.0114a02.01བལ་གླང་བཙུན་མོ་རྟ་བབས་སོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་མགོན་མེད་ཟས་སྦྱིན་ནི་ཆོས་ཀྱིས་ནང་པར་སྔར་ལངས་ནས། བཅོམ་ལྡན་འདས་དང་དགེ་སློང་གི་
D7a.013.0114a03.01དགེ་འདུན་གྱི་ཞབས་ལ་ཕྱག་འཚལ་དུ་འགྲོའོ། །ཇི་ཙམ་དུས་ཕྱི་ཞིག་ན་བཅོམ་ལྡན་འདས་ཀྱིས་སེམས་ཅན་གྱི་བསོད་ནམས་ཀྱི་དོན་བསྟན་པའི་ཕྱིར་འབྲེག་མཁན་བཀུག་ནས་སྐྲ་དང་ཁ་སྤུ་ཡང་བྲེགས་པ་དང་། དེ་ནས་ཁྱིམ་བདག་མགོན་མེད་ཟས་སྦྱིན་ཛེ་ཏའི་ཚལ་དུ་
D7a.013.0114a04.01སོང་ནས། བཅོམ་ལྡན་འདས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱིས་རྗེས་སུ་གནང་ན་བདག་གིས་དབུ་སྐྲ་དང་སེན་མོའི་མཆོད་རྟེན་བརྩིག་པར་བགྱི་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཁྱིམ་བདག་ངས་
D7a.013.0114a05.01རྗེས་སུ་གནང་གིས་རྩིགས་ཤིག །དེས་གཞི་ཡངས་པའི་གནས་ཞིག་ཏུ་མཛའ་བོ་དང་། ཕུ་ནུ་དང་། གཉེན་དག་དང་ལྷན་ཅིག་ཏུ་རིམ་གྲོ་ཆེར་བྱས་ནས། བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་ཡང་སྐྱེ་བོ་ཐམས་ཅད་ཀྱིས་བལྟ་ན་སྡུག་པ་
D7a.013.0114a06.01ཞིག་བརྩིགས་ན་རྡོ་ཐལ་གྱིས་མ་བྱུགས་པས་མི་མཛེས་པར་གྱུར་ནས། དེ་ཡང་བཅོམ་ལྡན་འདས་ཀྱི་དྲུང་དུ་སོང་ནས། ཞབས་ལ་མགོ་བོས་ཕྱག་འཚལ་ཏེ་གསོལ་པ། བཅོམ་ལྡན་འདས་བདག་གིས་བཅོམ་ལྡན་འདས་ཀྱི་དབུ་སྐྲ་དང་སེན་མོའི་
D7a.013.0114a07.01