完整藏文原文 · 德格版页 当前仅加载第 13 函德格 36a 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་བྱ་བའི་བར་དུ་སྔ་མ་བཞིན་ནོ། །ཇི་ལྟར་ཚེ་དང་ལྡན་པ་ཁྱོད་དགེ་བསྙེན་གྱིས་ཆོས་སུ་འདུ་ཤེས། འདུལ་བར་འདུ་ཤེས་ནས་ཆོས་མ་ཡིན་པ་དང་། འདུལ་བ་མ་ཡིན་པར་སྨྲས་སོ། །ཡང་ན་ནི་ཚེ་དང་ལྡན་པ་ཉིད་ཀྱིས་ཆོས་འདི་དག་ལོག་པར་བཟུང་ངོ་ཞེས་བྱ་
D7a.013.0036a01.01བ་ནས་ཤེས་པར་བྱོས་ལ་བོར་ཅིག་ཅེས་བྱ་བའི་བར་དུ་སྔ་མ་བཞིན་ནོ། །གཞན་ཡང་དགེ་སློང་དག་ལ་དགེ་སློང་ཞིག་འདི་སྐད་སྨྲས་ཏེ། ཚེ་དང་ལྡན་པ་ཁོ་བོས་ནི་ལྷ་རྣམས་ལས་མངོན་སུམ་དུ་ཐོས་ཏེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་
D7a.013.0036a02.01པའོ་ཞེས་བྱ་བ་ནས། དགེ་སློང་དེ་ལ་འདི་སྐད་སྨྲོས་ཤིག་ཅེས་བྱ་བའི་བར་དུ་སྔ་མ་བཞིན་ཏེ། ཇི་ལྟར་ཚེ་དང་ལྡན་པ་ཁྱོད་ལ་ལྷ་རྣམས་ཀྱིས་ཆོས་སུ་འདུ་ཤེས། འདུལ་བར་འདུ་ཤེས་ནས་ཆོས་མ་ཡིན་པ་དང་། འདུལ་བ་མ་ཡིན་པར་སྨྲས་སོ། །ཡང་ན་ཚེ་དང་ལྡན་པ་ཉིད་
D7a.013.0036a03.01ཀྱིས་ཆོས་འདི་དག་ལོག་པར་བཟུང་ངོ་ཞེས་བྱ་བ་ནས་ཤེས་པར་བྱོས་ལ་བོར་ཅིག་ཅེས་བྱ་བའི་བར་དུ་སྔ་མ་བཞིན་ནོ། །བསྟན་པ་ཆེན་པོ་དྲུག་ཅེས་བྱ་བ་ནི་འདི་ལྟར་དགེ་སློང་དག་ལ་དགེ་སློང་ཞིག་འདི་སྐད་དུ་ཚེ་དང་ལྡན་པ་བདག་གིས་བཅོམ་ལྡན་འདས་ལས་མངོན་སུམ་དུ་ཐོས། མངོན་
D7a.013.0036a04.01སུམ་དུ་བླངས་ཏེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེས་ཟེར་ན། དགེ་སློང་དེས་སྨྲས་པ་དེ་ལ་སྤྲོ་བར་ཡང་མི་བྱ་སྨད་པར་མི་བྱ་སྟེ། སྤྲོ་བར་མི་བྱ་སྨད་པར་མི་བྱ་བར་ཚིག་དང་དོན་དང་འབྲུ་རྣམས་བཟུང་སྟེ་མདོ་སྡེ་དང་གཏུགས་པར་བྱའོ། །
D7a.013.0036a05.01འདུལ་བ་ལ་བལྟ་བར་བྱའོ། །དེ་སྟེ་མདོ་སྡེ་དང་གཏུགས། འདུལ་བ་ལ་བལྟས་ཀྱང་མདོ་སྡེ་དང་མཐུན། འདུལ་བ་ལས་ཀྱང་འབྱུང་། ཆོས་ཉིད་དང་ཡང་མི་འགལ་ན་དགེ་སློང་དེ་ལ་འདི་སྐད་དུ་སྨྲོས་ཤིག །ཇི་ལྟར་ཚེ་དང་ལྡན་པ་ཆོས་འདི་དག་ནི་བཅོམ་ལྡན་འདས་ཀྱིས་
D7a.013.0036a06.01གསུངས་ཏེ། ཚེ་དང་ལྡན་པས་ཀྱང་ཆོས་དེ་དག་ལེགས་པར་བཟུང་ངོ་། །དེ་ལྟ་བས་ན་ཆོས་འདི་དག་མདོ་སྡེ་དང་གཏུགས། འདུལ་བ་ལ་བལྟས་ན་མདོ་སྡེ་དང་ཡང་མཐུན། འདུལ་བ་ལས་འབྱུང་ལ། ཆོས་ཉིད་དང་ཡང་མི་འགལ་བས་ན། འདི་ནི་ཆོས་སོ། །འདི་ནི་འདུལ་
D7a.013.0036a07.01