完整藏文原文 · 德格版页 当前仅加载第 13 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་ནས་དམག་དཔོན་འཕགས་སྐྱེས་པོས་ཡུལ་ཀོ་ས་ལའི་རྒྱལ་པོ་གསལ་རྒྱལ་ལས་མཉན་ཏེ། དཔུང་གི་ཚོགས་ཡན་ལག་བཞི་པ་བལ་གླང་གི་ཚོགས་དང་། རྟའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་རྣམས་གོ་ཆ་བསྐོན་ཏེ་མྱུར་བར་{རིངས་སུ་,རིང་དུ་}ཤིང་སཱ་ལའི་
D7a.013.0129b01.01དགོན་པར་དོང་བ་དང་། རྐུན་པོ་དག་དེའི་བར་དགོན་པ་ན་ཤིང་སཱ་ལ་སྟུག་པོའི་ནང་དུ་ཞུགས་ཏེ་བག་ཡངས་སུ་ནོར་བགོད་ཅིང་འཁོད་པ་དང་། འཕགས་སྐྱེས་པོས་དེའི་སྟེང་དུ་བརྫིས་ཏེ། དེ་དག་གིས་རྐུན་པོ་ཁ་ཅིག་ནི་བསད། ཁ་ཅིག་ནི་བྲོས། ཁ་ཅིག་ནི་གསོན་པོར་བཟུང་ངོ་། །
D7a.013.0129b02.01དེ་ནས་རྐུན་པོའི་གཡུལ་ལས་རྒྱལ་ཏེ། རྐུན་པོ་དང་བཅོམ་པའི་ནོར་རྫས་དག་ཁྱེར་ཏེ། རྒྱལ་པོའི་དྲུང་དུ་སོང་སྟེ། རྐང་པ་ལ་གཏུགས་ནས། ལྷ་འདི་དག་ནི་རྐུན་པོའི་ནོར་རོ་ཞེས་སྨྲས་པ་དང་། རྒྱལ་པོས་ཚོང་པ་དག་ལ་ཀྱེ་དེ་དག་བདག་བདག་གི་ནོར་དག་ངོ་ཤེས་པར་བྱོས་ལ་སླར་
D7a.013.0129b03.01ཁྱེར་ཅིག་ཅེས་བསྒོ་བ་དང་། དེ་ན་མུ་སྟེགས་ཀུན་དུ་རྒྱུ་བ་དང་། དགེ་སློང་དག་ཀྱང་བཅོམ་པའི་ནང་དུ་གཏོགས་ནས་རྒྱལ་པོས་དེ་ཐམས་ཅད་ཕྲོགས་པའི་ནོར་རྫས་སླར་བྱིན་པ་དང་། ཀུན་དུ་རྒྱུ་བའི་རང་གི་གོས་བཙག་གི་ནང་དུ་བཅོས་པ་དང་། དགེ་སློང་དག་གི་ཡང་ཁྱེར་རོ། །དགེ་
D7a.013.0129b04.01སློང་དག་གིས་བདག་ཅག་གི་གོས་བཙག་གི་ནང་དུ་བཙོས་པ་ངོ་མ་ཤེས་ནས་དེ་དག་རྐུན་དུ་རྒྱུ་བ་དང་། ལྷན་ཅིག་ཏུ་ཐབ་མོ་བྱུང་བ་དང་། ཀུན་དུ་རྒྱུ་བ་མང་པོ་དེ་དག་གིས་དེ་དག་ཁྱེར་བ་དང་། རྒྱལ་པོའི་དྲུང་དུ་སོང་སྟེ། ལྷ་བདག་ཅག་གི་གོས་བཙག་གི་ནང་དུ་བཙོས་པ་མུ་
D7a.013.0129b05.01སྟེགས་ཅན་ཀུན་དུ་རྒྱུ་བས་འཚལ་ཏེ་སླར་མི་སྟེར་ཏོ་ཞེས་སྨྲས་པ་དང་། རྒྱལ་པོས་མུ་སྟེགས་ཀུན་དུ་རྒྱུ་བ་དེ་དག་བཀུག་སྟེ། ཀྭའི་འཕགས་པ་དག་གི་གོས་དག་ཅིའི་ཕྱིར་བཀུར་གྱིས་སླར་ཕུལ་ཅིག་ཅེས་བསྒོ་བ་དང་། དེ་དག་གིས་ལྷ་བཙག་གི་ནང་དུ་བཙོས་པ་འདི་དག་ནི་
D7a.013.0129b06.01བདག་ཅག་གི་གོས་སོ་ཞེས་སྨྲས་པ་དང་། རྒྱལ་པོས་འཕགས་པ་དག་ཁྱེད་ཀྱི་གང་ཡིན་པ་ཤེས་པར་གྱིས་ལ་ཁྱེར་ཅིག་ཅེས་སྨྲས་སོ། །དགེ་སློང་དག་གིས་གཅིག་ནས་གཅིག་ཏུ་ཕྱུང་སྟེ་བལྟས་པ་དང་། ཁ་ཅིག་ངོ་ཤེས་ཏེ་ལྷ་འདི་དག་ནི་བདག་ཅག་གི་གོས་སོ་ཞེས་སྨྲས་པ་
D7a.013.0129b07.01