完整藏文原文 · 德格版页 当前仅加载第 13 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
ཚལ་གྱི་དུར་ཁྲོད་དུ་དོང་བ་དང་། ཤི་བའི་ཡོ་བྱད་གདུགས་དང་། ཤིང་དང་། གོས་དག་མང་པོ་བོར་བ་དེ་དག་གིས་མཐོང་ནས་དེའི་ནང་ནས་གཅིག་གིས་དགའ་བོ་ཉེ་དགའ་བོ་ཕྱག་དར་ཁྲོད་ཀྱི་གོས་རྙེད་ཀྱིས་བཀུར་རོ་ཞེས་སྨྲས་པ་དང་། དགའ་བོ་ལེགས་སོ་ལེགས་ཀྱིས་
D7a.013.0164b01.01བཀུར་རོ་ཞེས་སྨྲས་ནས་དེ་དག་གིས་བླངས་ཏེ་དོང་ངོ་། །དུར་ཁྲོད་ཀྱི་སྲུང་མ་རིགས་ངན་དག་འོངས་ནས་དེས་བསམས་པ། དུར་ཁྲོད་འདི་ན་ཅུང་ཟད་ཀྱང་མེད་པས་ན་ཁ་ཅིག་གིས་དུར་བརྐུས་པར་གདོན་མི་ཟའོ་སྙམ་བསམས་ནས། ཡང་འདི་སྙམ་དུ་གང་གིས་བརྐུས་པ་དེ་བརྙོགས་
D7a.013.0164b02.01པས་སླར་ཡང་འོང་བར་གདོན་མི་ཟས་མངོན་པར་གབ་སྟེ་འདུག་གོ་སྙམ་དུ་བསམས་ཏེ་ནགས་སྟུག་པོའི་ནང་དུ་ཞུགས་ནས་ཉིན་གཅིག་བཞིན་དུ་སྡོད་ཅིང་འདུག་པ་དང་། དྲུག་སྡེ་དག་ཞག་བདུན་ནམ་བརྒྱད་ལོན་ཏེ་དགའ་བོ་ཉེ་དགའ་བོ་བདག་ཅག་གིས་དུར་ཁྲོད་དུ་མ་དོང་ནས་ད་རིང་
D7a.013.0164b03.01ཞིག་ལོན་ཏེ་ཅུང་ཟད་ཙམ་རྙེད་ཀྱང་སྲིད་ཀྱིས་ཡང་འདེང་ངོ་ཞེས་སྨྲས་པས་དེ་དག་དོང་ངོ་། །ཇི་ཙམ་དེ་ན་གོས་དང་། གདུགས་དང་། ཤིང་དག་བོར་བ་དེ་དག་གིས་བླང་བར་བརྩམས་པ་དང་རིགས་ངན་ནགས་ཚལ་སྟུག་པོ་ན་འདུག་པ་དེས་མཐོང་ནས་བརྒྱུགས་ཏེ་འོངས་ནས། དེས་འཕགས་
D7a.013.0164b04.01པ་དག་བདག་ཅག་ཕུ་ནུ་དང་། གཉེན་དང་གྲོགས་པོ་དག་རྒྱལ་པོའི་བཀའ་བཞིན་དུ་བྱེད་པ་ཡང་དུར་ཁྲོད་ཀྱི་གོས་འདིའི་ཕྱིར་ཡིན་ན་ཁྱེད་ཅག་གིས་ཅིའི་ཕྱིར་བདག་པོ་ཡོད་པའི་དུར་ཁྲོད་ཀྱི་ཤི་བའི་ཡོ་བྱད་དག་བཀུར་བར་བྱ་ཞེས་སྨྲས་པ་དང་། དེ་དག་གིས་བཞིན་{བཟངས་,བཟང་}ངེད་ཅག་
D7a.013.0164b05.01གིས་ནི་ཕྱག་དར་ཁྲོད་པའི་གོས་བླངས་སོ། །དེས་འཕགས་པ་འདི་ལ་དེ་དག་ཕྱག་དར་ཁྲོད་ཀྱི་གོས་ཡིན་ན་རབ་ཏུ་ལེགས་སོ་ཞེས་སྨྲས་པ་དང་། དེ་དག་ལན་མེད་ནས་ཅང་མི་ཟེར་བར་འདུག་གོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་
D7a.013.0164b06.01བཀའ་སྩལ་པ། དགེ་སློང་དག་རིགས་ངན་འཕྱ་བ་ནི་ཡུས་ཏེ། དེ་བས་ན་དགེ་སློང་དག་བདག་པོ་ཡོད་པའི་དུར་ཁྲོད་ནས་ཕྱག་དར་ཁྲོད་ཀྱི་གོས་མ་ལེན་ཅིག །དགེ་སློང་དག་གིས་བདག་པོ་ཡོད་པའི་དུར་ཁྲོད་ཀྱི་ཕྱག་དར་ཁྲོད་པའི་གོས་བླངས་ན་འདས་པ་དང་བཅས་པར་
D7a.013.0164b07.01