完整藏文原文 · 德格版页 当前仅加载第 13 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
བའོ། །སངས་རྒྱས་བཅོམ་ལྡན་འདས་ཡུལ་ཀུན་ནས་ལྗོངས་རྒྱུ་བ་སྤྱོད་ཅིང་རོ་ཧི་ཏ་ཀར་གཤེགས་ཏེ། རོ་ཧི་ཏ་ཀའི་གནོད་སྦྱིན་བལ་གླང་ལྡན་ཞེས་བྱ་བའི་གནས་ན་བཞུགས་སོ། །དེ་ནས་གནོད་སྦྱིན་བལ་གླང་ལྡན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་
D7a.013.0198b01.01འདས་ཀྱི་ཞབས་ལ་མགོ་བོས་ཕྱག་འཚལ་ནས་འདི་སྐད་ཅེས་གསོལ་ཏོ། །བཙུན་པ་དོ་ནུབ་བདག་གི་གནས་སུ་དགེ་སློང་གི་དགེ་འདུན་དང་ཐབས་ཅིག་ཏུ་བཞུགས་པར་ཅི་གནང་། དེ་ནས་གནོད་སྦྱིན་བལ་གླང་ལྡན་ལ་བཅོམ་ལྡན་འདས་ཅང་མི་གསུང་བར་ཞལ་གྱིས་བཞེས་སོ། །དེ་ནས་
D7a.013.0198b02.01གནོད་སྦྱིན་བལ་གླང་ལྡན་བཅོམ་ལྡན་འདས་ཅང་མི་གསུང་བར་ཞལ་གྱིས་བཞེས་པར་རིག་ནས། དེས་གཙུག་ལག་ཁང་ལྔ་བརྒྱ་སྤྲུལ། སྟན་ནང་ཚངས་ཅན་དང་། ལ་བ་དང་། སྔས་གྲུ་བཞི་པ་དག་ཀྱང་ལྔ་བརྒྱ་ལྔ་བརྒྱ་སྤྲུལ། མེ་མདག་དུད་པ་མེད་པ་བཀང་བ་ལྔ་བརྒྱ་ཡང་
D7a.013.0198b03.01སྤྲུལ་ཏེ། དེ་ནས་བཅོམ་ལྡན་འདས་ལ་ནི་གཙུག་ལག་ཁང་ཆེན་པོ་བསྐོས། དེའི་ལྷག་མ་དག་ནི་དགེ་སློང་དག་ལ་བསྐོས་ཏེ་གཙུག་ལག་ཁང་གི་ལྷག་མ་དགེ་སློང་དག་ལ་བསྐོས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་
D7a.013.0198b04.01མགོ་བོས་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སང་བདག་གི་ཁྱིམ་དུ་དགེ་སློང་གི་དགེ་འདུན་དང་ཐབས་ཅིག་ཏུ་བཤོས་གསོལ་བར་ཅི་གནང་། བཅོམ་ལྡན་འདས་ཀྱིས་གནང་བས་ན་གནོད་སྦྱིན་བལ་གླང་ལྡན་ལ་ཅང་མི་
D7a.013.0198b05.01གསུང་བས་ཞལ་གྱིས་བཞེས་པ་དང་། གནོད་སྦྱིན་བལ་གླང་ལྡན་གྱི་གྲོགས་པོ་ཁ་ཆེའི་ཡུལ་ན་གནོད་སྦྱིན་ཨུ་ནི་ཀོ་ཞེས་བྱ་བ་ཞིག་ཡོད་དེ། དེས་དེ་ལ་སང་བདག་གིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པར་བཤོས་ལ་སྤྱན་དྲངས་ཀྱིས། སྟོད་ཕྱོགས་
D7a.013.0198b06.01ཀྱི་ནགས་ཀྱི་ཤིང་ཏོག་ལས་སྐུར་ཅེས་སྤྲིང་བ་དང་། དེས་རྒུན་འབྲུ་དང་། བལ་པོའི་སེའུ་དང་འབྲ་གོ་ལ་སོགས་པས་སྣོད་བཀང་སྟེ་གནོད་སྦྱིན་གྱི་ལག་ཏུ་བསྐུར་རོ། །དེས་གཙུག་ལག་ཁང་གི་དག་རར་སྤུངས་ཏེ་བཞག་གོ། །དགེ་སློང་དག་གིས་བཅོམ་ལྡན་འདས་ལ་
D7a.013.0198b07.01