完整藏文原文 · 德格版页 当前仅加载第 13 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒོ་བ་དང་། སོ་སོར་ཐར་པས་བསྒོ་བའོ། །གཞན་ཡང་བསྒོ་བ་རྣམ་པ་གསུམ་སྟེ། དགེ་འདུན་གྱིས་བསྒོ་བ་དང་། སྡེས་བསྒོ་བ་དང་། དགེ་འདུན་གྱི་གནས་བརྟན་གྱིས་བསྒོ་བའོ། །གཞན་ཡང་བསྒོ་བ་རྣམ་པ་གསུམ་སྟེ། སློབ་དཔོན་གྱིས་བསྒོ་བ་དང་།
D7a.013.0029a01.01མཁན་པོས་བསྒོ་བ་དང་། དགེ་འདུན་གྱིས་བསྒོ་བའོ། །གཞན་ཡང་བསྒོ་བ་ལ་རྣམ་པ་གསུམ་སྟེ། རྒྱལ་པོས་བསྒོ་བ་དང་། རྐུན་པོས་བསྒོ་བ་དང་། རིགས་པར་བྱེད་པའི་རིགས་ཀྱིས་བསྒོ་བའོ། །དགེ་འདུན་གྱི་ཞལ་ཏ་བ་རྣམ་པ་གསུམ་སྟེ། མཁས་པ་དང་མཁས་པ་བས་ཀྱང་མཁས་
D7a.013.0029a02.01པ་དང་མཁས་པ་བས་མཁས་པའི་ཡང་མཁས་པ་རྣམས་སོ། །གཞན་ཡང་དགེ་འདུན་གྱི་ཞལ་ཏ་བ་རྣམ་པ་གསུམ་སྟེ། བསྐོས་པ་དང་། མ་བསྐོས་པ་དང་། གནང་བའོ། །མདོར་ན། ཆད་པ་ཤེས་པ་དབྱུང་བ་དང་། །རྟེན་པ་མཁན་པོ་སྡུད་པ་དང་། །སྨན་གཉིས་སྤང་བར་བྱ་
D7a.013.0029a03.01བ་དང་། །རྗེས་སུ་གནང་བ་ཡུལ་དང་ལས། །རྒྱུ་རྣམ་པ་བཞིས་ན་ཆད་པའི་ལས་དང་ཡིད་མགུ་བར་སྤྱོད་པའི་དགེ་སློང་གིས་ཞག་ཏུ་ཆད་པ་བགྲང་བར་བྱ་སྟེ། དྲང་པོར་གནས་པའི་དགེ་སློང་དང་ལྷན་ཅིག་སྐྱ་རེངས་བྱུང་བ་དང་། དགེ་སློང་མེད་པའི་གནས་སུ་སོང་སྟེ་སྐྱ་
D7a.013.0029a04.01རེངས་བྱུང་བ་དང་། མ་ཚང་བ་ལ་ཆད་པ་མེད་པ་དང་། ཆད་པ་ཡིད་མགུ་བ་དགེ་སློང་རྣམས་ལ་བརྗོད་པར་མི་འདོད་པ་རྣམས་སོ། །ཤེས་པ་ལ་རྣམ་པ་བཞི་སྟེ། བྱུང་བ་ཤེས་པ་དང་། ཉེས་པ་ཤེས་པ་དང་། ཉེས་པ་མེད་པ་ཤེས་པ་དང་། ལངས་པ་ཤེས་པའོ། །
D7a.013.0029a05.01བསླང་བ་ལ་རྣམ་པ་བཞི་སྟེ། མཐོང་བས་བསླང་བ་དང་། བཤགས་པས་བསླང་བ་དང་། སྔ་ནས་མ་བྱས་པས་བསླང་བ་དང་། མཐོལ་བས་བསླང་བའོ། །རྟོན་པ་ལ་རྣམ་པ་བཞི་སྟེ། དོན་ལ་རྟོན་གྱི་ཡི་གེ་ལ་མ་ཡིན་པ་དང་། ཆོས་ལ་རྟོན་གྱི་གང་ཟག་ལ་མ་ཡིན་པ་
D7a.013.0029a06.01དང་། ངེས་པའི་དོན་གྱི་མདོ་སྡེ་ལ་རྟོན་གྱི་བཀྲི་བའི་དོན་ལ་མ་ཡིན་པ་དང་། ཡེ་ཤེས་ལ་རྟོན་གྱི་རྣམ་པར་ཤེས་པ་ལ་མ་ཡིན་པའོ། །མཁན་པོ་ལ་རྣམ་པ་བཞི་སྟེ། མཁན་པོ་ཆོས་ཀྱིས་སྡུད་ལ་ཟང་ཟིང་གིས་མ་ཡིན་པ་ཡང་ཡོད། མཁན་པོ་ཟང་ཟིང་གིས་སྡུད་ལ་ཆོས་
D7a.013.0029a07.01