完整藏文原文 · 德格版页 当前仅加载第 13 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
འདུན་གྱིའོ། །སངས་རྒྱས་བཅོམ་ལྡན་འདས་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་ལྡན་འདས་ཀྱིས་མི་རུང་བ་རྣམ་པ་ལྔའི་ལྷམ་མ་འཆང་ཤིག་ཅེས་བཀའ་སྩལ་པ་དང་། དྲུག་སྡེ་དག་གིས་མི་རུང་བ་རྣམ་པ་
D7a.013.0182a01.01ལྔ་པོ་དེ་དག་གི་ཚིལ་བུས་རྐང་པ་བྱུགས་ནས་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱི་བལ་གླང་གི་དྲུང་དུ་དོང་སྟེ། རྫི་ཕྱོགས་སུ་འཁོད་པ་དང་། བལ་གླང་དག་གིས་དྲི་ཚོར་ནས་བྲོས་པ་དང་། དེ་དག་གིས་ཚེ་དང་ལྡན་པ་དག་ཟུང་ཤིག་ཅེས་སྨྲས་པ་དང་། དེ་དག་གིས་སྨྲས་པ།
D7a.013.0182a02.01བདག་ཅག་གིས་གཟུང་བར་མི་ནུས་སོ། །བཞིན་{བཟངས་,བཟང་}ངེད་ཀྱིས་གཟུང་ངམ། འཕགས་པ་དག་ཟུང་ཤིག་ངེད་ལ་ཅི་སྦྱིན། བཅའ་བའི་རིན་སྦྱིན་ནོ། །དེས་དེ་དག་གི་མདུན་དུ་སོང་སྟེ་རྫི་མི་ལྡང་བའི་ཕྱོགས་སུ་འདུག་པ་དང་། བལ་གླང་དེ་དག་ཀྱང་འཁོད་དོ། །དེ་དག་གིས་
D7a.013.0182a03.01སྨྲས་པ། འཕགས་པ་དག་ཅི་ཁྱེད་རིག་པ་མཁྱེན་ནམ། བཞིན་{བཟངས་,བཟང་}ངེད་རིག་པ་མི་ཤེས་མོད་ཀྱི། ངེད་ཀྱི་བལ་གླང་ཅང་ཤེས་ཀྱི་ཚིལ་བུས་རྐང་པ་བསྐུས་པས་སོ། །འཕགས་པ་དག་རྒྱལ་པོའི་བལ་གླང་མཆོག་དག་བྲོས་པར་གྱུར་ནས། ཁྱེད་ཀྱིས་རྒྱལ་པོ་ལ་གནོད་
D7a.013.0182a04.01པ་བྱས་པར་མི་འགྱུར་རམ་ཞེས་སྨྲས་ནས་དེ་དག་ཉེས་པ་ངོར་བརྗོད་ཅིང་འཕྱས་འདོགས་ཏེ་མི་སྙན་པར་ཟེར་རོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་བལ་གླང་ཅང་ཤེས་ཀྱི་ཚིལ་
D7a.013.0182a05.01གྱིས་རྐང་པ་བྱུག་པར་མ་བྱེད་ཅིག །དགེ་སློང་གིས་བལ་གླང་ཅང་ཤེས་ཀྱི་ཚིལ་གྱིས་རྐང་པ་ལ་བྱུག་ན་འདས་པ་དང་བཅས་པར་འགྱུར་རོ། །ཇི་ལྟར་བལ་གླང་ཅང་ཤེས་པ་བཞིན་དུ་རྟ་ཅང་ཤེས་དང་། སེང་གེ་དང་། སྟག་དང་། གཟིག་ལ་སོགས་པ་རྒྱས་པར་བརྗོད་པར་
D7a.013.0182a06.01བྱའོ། །གླེང་གཞི་ནི་རྒྱལ་པོའི་ཁབ་ན་སྟེ། དེ་ནས་རྒྱལ་པོ་གཟུགས་ཅན་སྙིང་པོ་ཚེ་དང་ལྡན་པ་ཀུན་དགའ་བོ་གང་ན་བ་དེར་སོང་སྟེ་དྲུང་དུ་ཕྱིན་པ་དང་། ཚེ་དང་ལྡན་པ་ཀུན་དགའ་བོའི་རྐང་པ་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་
D7a.013.0182a07.01