完整藏文原文 · 德格版页 当前仅加载第 13 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
སྙམ་དུ་དེ་སྟེ་བདག་གིས་དགེ་སློང་དེ་ཁྲིད་དེ་མ་འོངས་ན་ཤི་བར་མི་འགྱུར་རོ་སྙམ་བསམས་ནས་དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཕྱིན་ཆད་དགེ་སློང་གིས་ནད་པ་ཉམ་ཆུང་བར་གྱུར་པ་དེ་ལྟ་བུ་ལམ་
D7a.013.0014a01.01དུ་མ་བཀྲི་ཤིག །མདོར་ན། བདེ་ལྡན་འདུ་ཤེས་བསྒོ་བ་དང་། །དགྲ་བཅོམ་བྲམ་ཟེ་དབང་པོ་དང་། །ཆོས་གོས་དག་དང་བསོད་སྙོམས་དང་། །གྲོང་དུ་ཉེར་འགྲོ་རྣམ་པ་གཉིས། །སངས་རྒྱས་བཅོམ་ལྡན་འདས་ཡུལ་བྲྀ་ཛིའི་འོད་མའི་ཚལ་གྱི་གྲོང་ན་བཞུགས་
D7a.013.0014a02.01སོ། །ཀླུང་བདེ་ལྡན་གྱི་ངོགས་ན་གནས་པའི་དགེ་སློང་རྣམས་ལ་བསླབ་པའི་གནས་མ་བཅས་པས་ལས་དང་པོ་པ་ལ་ཉེས་པ་མེད་དེ། བདག་ཅག་གིས་བསླབ་པའི་གནས་མ་བཅས་པ་ན་མེད་ལ་མེད་བཞིན་དུ་མི་ལས་བླ་མར་གྱུར་པའི་ཆོས་ཤིག་རིགས་མང་པོ་ལ་སྨྲས་
D7a.013.0014a03.01ན། བདག་ཅག་གི་ལས་དང་པོ་པ་གང་ཡིན་སྙམ་ནས་དོགས་པ་དང་། འཛེམ་པ་དང་འགྱོད་པ་སྐྱེས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བསླབ་པའི་གནས་མ་བཅས་པ་ན་ཀླུང་བདེ་ལྡན་གྱི་ངོགས་ན་གནས་པའི་དགེ་སློང་རྣམས་ཀྱིས་
D7a.013.0014a04.01འདས་པ་དང་བཅས་པ་ནི་ཐམས་ཅད་ལས་དང་པོ་པ་ཡིན་པས། ལས་དང་པོ་པ་ལ་ཉེས་པ་མེད་དོ། །དགེ་སློང་ཞིག་གིས་མི་ལ་མི་མ་ཡིན་པར་འདུ་ཤེས་ཏེ་མེད་ལ་མེད་བཞིན་དུ་མི་ལས་བླ་མར་གྱུར་པའི་ཆོས་སྨྲས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་
D7a.013.0014a05.01ལྡན་འདས་ཀྱིས་བཀའ་སྩལ་པ། མི་ལ་མིར་འདུ་ཤེས་ན་ཕས་ཕམ་པར་འགྱུར་རོ། །མི་མ་ཡིན་པ་ལ་ཐེ་ཚོམ་ན་ཉེས་པ་སྦོམ་པོར་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཉེས་པ་སྦོམ་པོར་འགྱུར་རོ། །དགེ་སློང་ཞིག་གིས་ཁྱིམ་བདག་ཅིག་ལ་མེད་ལ་
D7a.013.0014a06.01མེད་བཞིན་དུ་མི་ལས་བླ་མར་གྱུར་པའི་ཆོས་སྨྲས་པ་དང་། ཁྱིམ་བདག་དེ་ཡེངས་ནས་བཙུན་པ་ཅི་གསུང་ཞེས་སྨྲས་སོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་ནི་མེད་དེ། ཉེས་པ་སྦོམ་པོར་
D7a.013.0014a07.01