'dul ba gzhung dam pa/
当前为德格木刻版 68b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 68b
- 可引用原文
- 7 行
- 全文规模
- 全经 7305 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 3 函第 13 函 · 德格 68b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文པ་དང་། སྤང་བ་དང་ལྔའོ། །ཨུ་པཱ་ལི་གཟུ་བོ་འདུལ་བ་འཛིན་པ་ཆོས་རྣམ་པ་དེ་ལྔ་དང་ལྡན་ན་ཆད་པས་གཅད་པའི་ལས་ཀྱིས་སྨ་དབབ་ནུས་པར་འགྱུར་རོ། །དེ་ལ་ཨུ་པཱ་ལི་གཟུ་བོ་འདུལ་བ་འཛིན་པས་གནས་བཅུ་དྲུག་པོ་འདི་དག་གིས་ཆད་པས་གཅད་པའི་ལས་ཀྱིས་སྨ་ཕབ་ནས་གནས་བཅུ་དྲུག་གིས་ལས་བྱའོ། །བཅུ་དྲུག་གང་ཞེ་ན། མངོན་སུམ་དུ་གྱུར་པ་ལ་ལས་བྱ་བ་དང་། མངོན་དུ་མ་གྱུར་ཀྱང་ལས་བྱ་བ་དང་། སྐབས་ཕྱེ་ནས་ལས་བྱ་བ་དང་། སྐབས་མ་ཕྱེ་ཡང་ལས་བྱ་བ་དང་། གླེངས་ལ་ལས་བྱ་བ་དང་། མ་གླེངས་ཀྱང་ལས་
བྱ་བ་དང་། དྲན་པར་བྱས་པ་ལ་ལས་བྱ་བ་དང་། དྲན་པར་མ་བྱས་ཀྱང་ལས་བྱ་བ་དང་། དྲིས་ལ་ལས་བྱ་བ་དང་། མ་དྲིས་ཀྱང་ལས་བྱ་བ་དང་། རྗེས་སུ་སྦྱར་བ་ལ་ལས་བྱ་བ་དང་། རྗེས་སུ་མ་སྦྱར་ཀྱང་ལས་བྱ་བ་དང་། སོ་སོར་ཤེས་པ་ལ་ལས་བྱ་བ་དང་། སོ་སོར་མི་ཤེས་ཀྱང་ལས་བྱ་བ་དང་། གཏན་ལ་ཕབ་ལ་ལས་བྱ་བ་དང་། གཏན་ལ་མ་ཕབ་ཀྱང་ལས་བྱ་བ་སྟེ། གནས་བཅུ་དྲུག་པོ་འདི་དག་གིས་ལས་བྱའོ། །ཨུ་པཱ་ལི་གཟུ་བོ་འདུལ་བ་འཛིན་པ་ཆོས་འདི་ལྔ་དང་ལྡན་ན་ལས་བྱེད་མི་ནུས་པ་ཡིན་ཏེ། ལྔ་གང་ཞེ་ན།
གསོལ་བའི་ལས་མི་ཤེས་པ་དང་། གསོལ་བ་དང་གཉིས་ཀྱི་ལས་མི་ཤེས་པ་དང་། གསོལ་བ་དང་བཞིའི་ལས་མི་ཤེས་པ་དང་། བསྒོ་བའི་ལས་མི་ཤེས་པ་དང་། བྱིན་གྱིས་བརླབས་པའི་ལས་མི་ཤེས་པ་སྟེ། ཨུ་པཱ་ལི་གཟུ་བོ་འདུལ་བ་འཛིན་པ་ཆོས་དེ་ལྔ་དང་ལྡན་ན་ལས་བྱེད་མི་ནུས་པ་ཡིན་ནོ། །ཨུ་པཱ་ལི་གཟུ་བོ་འདུལ་བ་འཛིན་པ་ཆོས་འདི་ལྔ་དང་ལྡན་ན་ལས་བྱེད་ནུས་པ་ཡིན་ཏེ། ལྔ་གང་ཞེ་ན། གསོལ་བའི་ལས་ཤེས་པ་དང་། གསོལ་བ་དང་གཉིས་ཀྱི་ལས་ཤེས་པ་དང་། གསོལ་བ་དང་བཞིའི་ལས་ཤེས་པ་དང་།
བསྒོ་བའི་ལས་ཤེས་པ་དང་། བྱིན་གྱིས་བརླབ་པའི་ལས་ཤེས་པ་སྟེ། ཨུ་པཱ་ལི་གཟུ་བོ་འདུལ་བ་འཛིན་པ་ཆོས་དེ་ལྔ་དང་ལྡན་ན་ལས་བྱེད་ནུས་པ་ཡིན་ནོ། །ཨུ་པཱ་ལི་གཟུ་བོ་འདུལ་བ་འཛིན་པས་གནས་བཅུ་དྲུག་པོ་དེ་དག་གིས་ལས་བྱས་ལ་གནས་བཅུ་དྲུག་གིས་རྩོད་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D7a
- 德格版页
- 68b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0739 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。