完整藏文原文 · 德格版页 当前仅加载第 13 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་འཇིགས་པ་ན་ཡང་ན་ནི་འགྲོན་པ་དག་གི་མདུན་དུ་དོང་། ཡང་ན་ཕྱི་བཞིན་དོང་ངོ་། །ཇི་ཙམ་ན་འགྲོན་པ་མང་པོ་རྣམས་རྐུན་པོས་བཅོམ་ནས་སྐྱེ་བོ་མང་པོ་རྣམས་ཀྱིས་ནོར་བོར་ཏེ་བྲོས་པ་དང་། རྐུན་པོ་རྣམས་ཀྱིས་ནོར་ཀུན་བཀུར་མ་ནུས་ནས་དེ་དག་གིས་བཟང་
D7a.013.0164a01.01བ་བདམས་ཏེ་ཁྱེར་ཏེ་དོང་ངོ་། །དྲུག་སྡེ་རྣམས་འགྲོན་པ་མང་པོའི་ཕྱི་བཞིན་དུ་འབྲངས་ཏེ་དོང་བ་ལས་གནས་དེར་ཕྱིན་པ་དང་། དེ་དག་གིས་ནོར་མང་པོ་བོར་བ་མཐོང་སྟེ། དེ་ནས་དགའ་བོ་ཉེ་དགའ་བོ་ཕྱག་དར་ཁྲོད་པ་རྙེད་ཀྱིས་བླང་ངོ་ཞེས་སྨྲས་པ་དང་། དེ་དག་གིས་དེ་ལས་ཀྱང་
D7a.013.0164a02.01གོས་རྣམས་བདམས་ཏེ་ཁྱེར་རོ། །འགྲོན་པ་མང་པོ་རམ་མདའ་དང་ལམ་སྲུངས་སུ་བཅས་ཏེ་སླར་ལོག་པ་དེ་དག་གིས་དྲུག་སྡེ་དག་གིས་ཁྱེར་བ་རྣམས་ངོ་ཤེས་ནས། དེ་དག་གིས་གང་རྐུན་པོ་རྣམས་ཀྱིས་བོར་བ་དེ་ཡང་དགེ་སྦྱོང་མགོ་རེག་རྣམས་ཀྱིས་བརྐུས་སོ་ཞེས་བསམས་སོ། །
D7a.013.0164a03.01དྲུག་སྡེ་རྣམས་ལ་ཁ་ངན་དུ་འཕགས་པ་དག་དྲང་སྲོང་གི་རྒྱལ་མཚན་འཛིན་པ་དེ་ལྟ་བུའི་ལོག་པར་སྤྱོད་པ་དག་སྤྱོད་པ་ཞེས་སྤྱོས་ཏེ་ཉེས་པ་ངོར་བརྗོད་པ་དང་། དེ་དག་གིས་འགྲོན་པ་མང་པོ་རྣམས་རྐུན་པོས་བཅོམ་སྟེ་ངེད་ཀྱིས་ནི་མ་ཡིན་གྱི། ངེད་ཀྱིས་ཕྱག་དར་ཁྲོད་ཀྱི་གོས་རྙེད་དོ་
D7a.013.0164a04.01ཞེས་སྨྲས་པ་དང་། དེ་དག་གིས་ཕྱག་དར་ཁྲོད་ཀྱི་གོས་ནི་མ་ལགས་སོ་ཞེས་སྨྲས་པ་དང་། དེ་ལན་མེད་ནས་ཅང་མི་སྨྲ་བར་འདུག་གོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་
D7a.013.0164a05.01འགྲོན་པ་མང་པོ་འཕྱ་བ་ནི་ཡུས་ཏེ། དེ་བས་ན་དགེ་སློང་དག་གིས་འགྲོན་པ་མང་པོ་བཅོམ་པའི་གོས་མ་བཀུར་ཅིག །དགེ་སློང་དག་གིས་འགྲོན་པ་མང་པོ་བཅོམ་པའི་གོས་ཁྱེར་ན་འདས་པ་དང་བཅས་པར་འགྱུར་རོ། །གཞན་ཡང་དད་པར་གྱུར་པ་དེ་དག་གིས་འཕགས་པ་དག་
D7a.013.0164a06.01ཅི་བདེར་སྣོམས་ཤིག་ཅེས་སྨྲས་ན་དགེ་སློང་དག་ཐེ་ཚོམ་དུ་གྱུར་ནས་མི་ལེན་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་ཅི་བདེར་ཁྱེར་ཅིག་ཅེས་སྨྲས་ན། ལོང་ལ་ཐེ་ཚོམ་དུ་མ་བྱེད་ཅིག །གླེང་གཞི་ནི་རྒྱལ་པོའི་ཁབ་ན་སྟེ། དགེ་སློང་དྲུག་སྡེ་དག་གིས་བསིལ་བ་
D7a.013.0164a07.01