完整藏文原文 · 德格版页 当前仅加载第 13 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ། བསྐམ་པར་བྱ། དགང་བར་བྱ་སྟེ། འདི་ནི་གཙང་མའི་རིལ་བའི་བྱ་བ་ཞེས་བྱའོ། །ཟས་ཀྱི་བྱ་བ་གང་ཞེ་ན། བཅའ་བ་ལྔ་དང་། བཟའ་བ་ལྔ་སྟེ། དགེ་སློང་རྣམས་ཀྱིས་བཅའ་བ་དང་། བཟའ་བ་རྣམས་ལས་གང་ཡང་རུང་སྟེ། བཟའ་བའི་ཚེ་དྲན་པ་མངོན་པར་
D7a.013.0286b01.01གཞག་པར་བྱ། ཟས་ལ་བརྟག་པར་བྱ། བཙལ་བའོ། །ནན་ཏན་གྱིས་བསྒྲུབས་པའོ། །དེ་དང་འདྲ་བའོ། །ཡོངས་སུ་སྤྱད་པའོ། །ཉམ་དུ་འགྱུར་བའོ། །འགྱེས་པའོ་སྙམ་དུ་ཤེས་པར་བྱས་ལ་བཟའ་བར་བྱའོ། །དྲན་པ་ཉེ་བར་བཞག་ཅིང་སེམས་མི་གཡེང་
D7a.013.0286b02.01བར་ཟས་ལ་རྒྱུ་མཐུན་པར་འདུ་ཤེས། ནད་པར་འདུ་ཤེས། གཞན་ལ་རག་ལས་པར་འདུ་ཤེས། རྐྱེན་དུ་འདུ་ཤེས། རྟེན་ཅིང་འབྲེལ་བར་འབྱུང་བར་འདུ་ཤེས། མངོན་དུ་བཞག་ལ་ཟས་བཟའ་བར་བྱ། འདུས་ཏེ་ཟ་བ་དང་། ཡང་ཡང་ཟ་བ་དང་། ཆོག་པར་བྱ་བ་
D7a.013.0286b03.01ལའང་དྲན་པ་མངོན་དུ་གཞག་པར་བྱ་སྟེ། དེ་ནི་ཟས་ཀྱི་བྱ་བ་ཞེས་བྱའོ། །བཟའ་བའི་བྱ་བ་གང་ཞེ་ན། དགེ་སློང་གིས་ཟན་བཟའ་བའི་ཚེའམ། སྐྱོ་མའི་ཚེའམ། ཐུག་པ་བཏུང་བའི་ཚེ་ཡང་རུང་དུས་བསྒོ་བའམ། གཎྜཱི་བརྡུངས་མ་ཐག་ཏུ་མྱུར་དུ་འོང་བར་བྱ། མྱུར་དུ་
D7a.013.0286b04.01འདུ་བར་བྱ། ཤེས་བཞིན་དུ་འགྲེང་བར་བྱ། ཤེས་བཞིན་དུ་འདུག་པར་བྱ། ཤེས་བཞིན་དུ་བཟའ་བར་བྱ། དྲན་པ་ཉེ་བར་བཞག་ཅིང་སེམས་མི་གཡེང་བར་བྱ་བ་དང་། ཆས་བཟང་བ་དང་། སྤྱོད་ལམ་དུ་ལྡན་པ་དང་། ཤིན་ཏུ་བསྡམས་ཤིང་རབ་ཏུ་དབེན་པར་བྱས་ལ། སྒྲ་
D7a.013.0286b05.01བསྐྱུངས་ཤིང་མིག་མི་གཡེང་ལ་མིག་གཉའ་ཤིང་གང་ཙམ་དུ་བལྟ། རིམ་གྲོར་བཅས། བདག་དམན་པར་བཅས། འཇིགས་པ་དང་། གཞན་གྱི་དབང་དུ་ཡིད་ལ་བསམས་ནས་རྡུལ་ཕྱག་གོ་སྙམ་པའི་སེམས་དང་། གནས་བརྟན་དང་། བར་མ་དང་། གསར་བུ་རྣམས་ལ་
D7a.013.0286b06.01བྱམས་པའི་སེམས་དང་། བརྩེ་བའི་སེམས་དང་། ཕ་དང་། བུ་དང་། ཕུ་ནུ་བོར་འདུ་ཤེས་མངོན་དུ་བཞག་སྟེ་སྟན་ལ་འདུག་པ་མཁས་པར་བྱ། བཟའ་བ་ལ་མཁས་པར་བྱ་སྟེ། འདི་ནི་བཟའ་བའི་བྱ་བ་ཞེས་བྱའོ། །ཟས་བཏང་བའི་བྱ་བ་གང་ཞེ་ན། དགེ་སློང་གིས་ཟས་བླངས་
D7a.013.0286b07.01