完整藏文原文 · 德格版页 当前仅加载第 13 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །དགེ་སློང་དག་ངས་ལོ་བདུན་གྱི་བར་དུ་བྱམས་པའི་སེམས་བསྒོམས་པས་བསྐལ་པ་འཇིག་པ་དང་རྟས་པ་བདུན་གྱི་བར་དུ་འཇིག་རྟེན་འདིར་མ་འོངས་སོ། །འཇིག་རྟེན་འཇིག་པའི་ཚེ་ཀུན་སྣང་བའི་ལྷའི་རིས་སུ་སྐྱེས་སོ། །རྟས་པའི་ཚེ་ཚངས་པའི་གཞལ་
D7a.013.0118b01.01མེད་ཁང་སྟོང་པར་སྐྱེས་ནས་དེར་ཡང་ངས་ཚངས་པ་དང་ཚངས་ཆེན་གྱི་བདག་པོར་གྱུར་ནས་ངས་ཟིལ་གྱིས་གནོན་གྱི་གཞན་གྱིས་མ་ཡིན་ནོ། །སེམས་ཅན་བརྒྱ་ཕྲག་བཅུ་ལ་དབང་སྒྱུར་ཏེ། སེམས་ཅན་གྱི་ནང་ན་མཆོག་ཏུ་བསྔགས་སོ། །སྟོང་ཕྲག་སུམ་བཅུ་རྩ་
D7a.013.0118b02.01དྲུག་གི་བར་དུ་བརྒྱ་བྱིན་ལྷའི་དབང་པོར་གྱུར་ཏོ། །བརྒྱ་ཕྲག་གྲངས་མེད་པའི་བར་དུ་འཁོར་ལོས་སྒྱུར་བའི་རྒྱལ་པོར་གྱུར་ཏེ། མཐའ་བཞི་བཏུལ་ནས་རིན་པོ་ཆེ་བདུན་དང་ལྡན་ནོ། །རིན་པོ་ཆེ་སྣ་བདུན་ནི་རྣམ་པ་འདི་ལྟ་བུ་ཡིན་ཏེ། འདི་ལྟ་སྟེ། འཁོར་ལོ་རིན་པོ་ཆེ་
D7a.013.0118b03.01དང་། བལ་གླང་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། ཆུང་མ་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། དམག་མི་རིན་པོ་ཆེ་དང་བདུན་ནོ། །ང་ལ་བུ་ཡང་སྟོང་ཚང་ནས་དེ་དག་ཀྱང་དཔའ་བ་དང་། ནུས་པ་དང་། གཟུགས་སུ་ལྡན་པ། ཕ་
D7a.013.0118b04.01རོལ་གྱི་སྡེ་ཚར་གཅོད་པ་སྟེ། དེ་ཡང་ངས་འདི་ལྟར་རྒྱ་མཚོའི་མཐའ་ཚུན་ཆད་ས་ཆེན་པོ་འདི་ཆོས་ཀྱིས་བཏུལ་གྱི། དབྱུག་པ་དང་མཚོན་གྱིས་གནོན་ཅིང་མི་བདེ་བ་མེད་པར་གནས་སོ། །དེའི་ཚེ་ཡང་ང་འདི་སྙམ་དུ་ལས་གང་གི་འབྲས་བུ་རྣམ་པར་སྨིན་པས་བདག་འདིར་
D7a.013.0118b05.01མཐུ་ཆེ་རྫུ་འཕྲུལ་ཆེ་བར་གྱུར་སྙམ་བསམས་ནས། ཡང་འདི་སྙམ་དུ་ལས་འདིའི་འབྲས་བུ་གསུམ་དང་ལས་འདིའི་འབྲས་བུ་རྣམ་པར་སྨིན་པ་གསུམ་གྱིས་བདག་འདི་ལྟར་མཐུ་ཆེ་རྫུ་འཕྲུལ་ཆེ་བར་གྱུར་ཏེ། གསུམ་གང་ཞེ་ན། འདི་ལྟ་སྟེ། སྦྱིན་པ་དང་། གདུལ་བ་
D7a.013.0118b06.01དང་། དུལ་བའོ་སྙམ་དུ་བསམས་ནས། བཅོམ་ལྡན་འདས་ཀྱིས་དེ་སྐད་གསུངས་ནས་ཡང་སྟོན་པས་འདི་སྐད་གསུངས་སོ། །དགེ་ཞིང་བདེ་བར་འདོད་པ་ཡི། །བསོད་ནམས་རྣམ་པར་སྨིན་ལ་ལྟོས། །ལོ་བདུན་བར་དུ་དགེ་སློང་དག །བྱམས་པར་བྱེད་པའི་སེམས་
D7a.013.0118b07.01