完整藏文原文 · 德格版页 当前仅加载第 13 函德格 297b 版页；藏文 NFD、目录标记与异常页序保留在来源切片中，重复版页行以稳定序号区分。
སྒོ་ནས་རྙེད་པ་ཡང་མ་ཚོལ་ཅིག །ཆོས་འཚོང་ཞིང་འཚོ་བར་ཡང་མ་བྱེད་ཅིག །དེ་ནས་སྨྲ་བ་མེད་ནས། བཅོམ་ལྡན་འདས་ཀྱིས་བཀའ་སྩལ་པ། རྗེས་སུ་དྲན་པར་བྱེད་པས་རྗེས་སུ་དྲན་པར་གྱིས་ཤིག །རྗེས་སུ་དྲན་པར་བྱེད་པའང་མེད་ནས་རིམ་གྱིས་སྨྲ་བར་གྱིས་ཤིག །
D7a.013.0297b01.01ཚིགས་བཅད་དང་དབྱངས་སུ་སྦྱར་ཞིང་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། བདག་ཉིད་ཀྱིས་སྨྲོས་ཤིག །ཡང་ན་དགེ་སློང་གཞན་ལ་ཆོལ་ཅིག །བཅོལ་བའི་གང་ཟག་ཀྱང་རིག་པར་བྱ། བདག་ཉིད་ཀྱིས་མི་སྨྲ། ཡང་ན་དགེ་སློང་གཞན་ལ་མ་བཅོལ།
D7a.013.0297b02.01བཅོལ་བའི་གང་ཟག་ཀྱང་ཤེས་པར་མ་བྱས་ན་འདས་པ་དང་བཅས་པར་འགྱུར་རོ། །དེ་དག་རིམ་བཞིན་དུ་བསྐོས་པ་དང་། འདི་ལྟར་ཞར་བ་དང་། གླེན་པ་དང་། སྒུར་པོ་དག་ལ་མུ་སྟེགས་ཅན་ཀུན་ཏུ་རྒྱུ་བ་གཞན་དག་དགེ་སྦྱོང་ཤཱཀྱའི་བུའི་ནང་ན་འདི་དག་འདི་ནི་སྐྱེས་བུ་དམ་
D7a.013.0297b03.01པའོ། །སྐྱེས་བུ་གཙོ་བོའོ། །སྐྱེས་བུ་མཆོག་གོ། །ཞེས་ཉེས་པ་ངོར་བརྗོད་ཅིང་འཕྱས་འདོགས་མི་སྙན་པ་ཟེར་བར་གྱུར་ཏོ། །ཇི་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ནུས་པ་ཡོད་ན་ཆོས་སྨྲ་
D7a.013.0297b04.01བ་རིམས་སུ་མ་བསྐོ་ཤིག །གང་ནུས་པ་དེ་བསྐོ་བར་བྱའི། འཁོར་འཁྲུག་པར་མི་འགྱུར་བ་དེ་ལྟ་བུ་བསྐོ་བར་བྱའོ། །སྨྲ་བའི་བྱ་བ་གཞན་ཡང་དུས་གང་དང་གང་དུ་ཡང་རུང་སྟེ། དགེ་སློང་རྣམས་འདུས་ཤིང་འཁོད་པ་དང་ཆོས་ཀྱི་གཏམ་ངེས་པ་རྣམས་བརྗོད་པར་བྱའོ། །
D7a.013.0297b05.01དེ་སྟེ་མི་ཤེས་ནའང་གཅིག་ལ་གཅིག་དྲི་བར་བྱ། གཅིག་ལ་གཅིག་ཞུ་བར་བྱ། བགམ་པར་མི་བྱ། གླགས་བཙལ་བའི་ཕྱིར་མི་བྱ། འཕྱས་བྱ་བའི་ཕྱིར་མི་བྱ། ཉམས་བསྐྱོད་པར་མི་བྱའི་ཅི་ནས་ཆོས་ལ་རིམ་གྲོ་དང་བཀུར་སྟིའི་ཕྱིར་དྲི་བར་བྱ། ཞུ་བར་བྱ་སྟེ། ཅི་དགེ་
D7a.013.0297b06.01བའམ། འོན་ཏེ་མི་དགེ་བའམ། ཅི་ཁ་ན་མ་ཐོ་བ་དང་བཅས་པའམ། འོན་ཏེ་ཁ་ན་མ་ཐོ་བ་མེད་པ་ཡིན། ཇི་ལྟར་བྱས་ན་དགེ་བར་འགྱུར་རམ། འོན་ཏེ་སྡིག་པར་འགྱུར་བ་ཞེས་བྱ་བ་འདི་ནི་སྨྲ་བའི་བྱ་བའོ། །མི་སྨྲ་བའི་བྱ་བ་གང་ཞེ་ན། གནས་གང་ན་དགེ་སློང་
D7a.013.0297b07.01