完整藏文原文 · 德格版页 当前仅加载第 13 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་བར་གནས་ན་འདས་པ་དང་བཅས་པར་འགྱུར་རོ། །གླེང་གཞིའི་ནང་ནས་སྒོ་བཞི་པའི་མདོའི་ཚིགས་སུ་བཅད་པ་བདུན་པའོ།། །།མདོར་ན། བསྐྱི་བ་ལ་ནི་རྣམ་པ་གཉིས། །རས་ལ་ཡང་ནི་རྣམ་གསུམ་སྟེ། །ཉོ་བར་ཡང་ནི་འདོད་པ་དང་། །སྡེར་བསྡུས་པར་ནི་གྱུར་པའོ། །
D7a.013.0132b01.01སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་གཞན་ཞིག་གིས་ཁྱིམ་བདག་ཅིག་ལས་ཀཱར་ཥཱ་པ་ཎ་ཞིག་བསྐྱིས་པ་དང་། དེ་དུས་ཀྱི་མཐའ་ཞིག་ཏུ་ཅི་ཞིག་གིས་དུས་འདས་ནས། དགེ་སློང་དེ་ཇི་ལྟར་དུས་
D7a.013.0132b02.01འདས་པ་ཁྱིམ་བདག་དེས་ཐོས་སོ། །དགེ་སློང་དེ་ཇི་ལྟར་དུས་འདས་པ་ཁྱིམ་བདག་དེས་ཐོས་ནས་གཙུག་ལག་ཁང་དུ་སོང་སྟེ་ཤེས་བཞིན་དུ་དགེ་སློང་དག་ལ་དྲིས་པ། འཕགས་པ་འདི་ཞེས་བགྱི་བའི་དགེ་སློང་དེ་གང་ན་མཆིས། དེ་དག་གིས་སྨྲས་པ། བཞིན་{བཟངས་,བཟང་}དུས་འདས་
D7a.013.0132b03.01སོ། །འཕགས་པ་དེས་བདག་གི་ཀཱར་ཥཱ་པ་ཎ་ཞིག་བསྐྱིས་ཏེ་འཚལ་ཏོ། །བཞིན་{བཟངས་,བཟང་}དེ་ནི་དུར་ཁྲོད་དུ་བསྐྱལ་གྱིས་དེར་སོང་སྟེ་དོས་ཤིག །འཕགས་པ་ཁྱེད་ཀྱིས་དེའི་ལྷུང་བཟེད་དང་། ཆོས་གོས་བགོས་ན་བདག་གིས་ཇི་ལྟར་དུར་ཁྲོད་དུ་སོང་སྟེ་བདའ། ཁྱོད་ཀྱིས་སྩོལ་ཅིག་
D7a.013.0132b04.01ཅེས་སྨྲས་པ་དང་། དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱིམ་བདག་དེས་ནི་ལེགས་པར་སྨྲས་ཏེ། དེའི་ནོར་ལས་བསྐྱིས་པ་དགེ་སློང་དག་གིས་བྱིན་ཅིག །དེ་དག་གིས་གང་ནས་སྦྱིན་
D7a.013.0132b05.01པ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དེའི་ལྷུང་བཟེད་དང་ཆོས་གོས་ཡོད་པ་ལས་བྱིན་ཅིག །དགེ་སློང་དེ་དག་གིས་ལྷུང་བཟེད་དང་ཆོས་གོས་དེ་དག་བྱིན་པ་དང་། ལྷུང་བཟེད་དང་ཆོས་གོས་དེ་དག་མ་འདོད་ནས། བཅོམ་ལྡན་འདས་ཀྱིས་བཀའ་སྩལ་
D7a.013.0132b06.01པ། ཚོངས་ལ་བྱིན་ཅིག །དགེ་སློང་དག་གིས་དེ་དག་ཐམས་ཅད་བྱིན་ནོ། །བཅོམ་ལྡན་འདས་ཀྱིས་བཀའ་སྩལ་པ། ཇི་ཙམ་བླངས་པ་དེ་ཙམ་དུ་བྱིན་ལ་ལྷག་མ་བགོས་ཤིག །མཉན་དུ་ཡོད་པ་ན་དགེ་སློང་གཞན་ཞིག་གིས་ཁྱིམ་བདག་ཅིག་ལས་ཀཱར་ཥཱ་པ་ཎ་ཞིག་བསྐྱིས་པ་
D7a.013.0132b07.01