完整藏文原文 · 德格版页 当前仅加载第 13 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་མ་ཡིན་པ་དང་། འདུལ་བ་མ་ཡིན་པར་སྨྲས་པ་ལས་ཚེ་དང་ལྡན་པས་དེ་ལྟར་ཆོས་མ་ཡིན་པར་བླངས་སོ་ཞེས་བྱ་བ་ནས་སྔ་མ་བཞིན་དུ་དོར་བར་བྱའོ། །ཅིའི་ཕྱིར་ནག་པོར་སྟོན་པ་ཞེས་བྱ་ཞེ་ན། དེ་དང་དེ་དག་ནི་ནག་པོར་སྟོན་པས་ནག་པོར་བསྟན་པ་སྟེ།
D7a.013.0252b01.01ནག་པོར་བསྟན་པའོ། །འཕགས་པ་མ་ཡིན་པར་བསྟན་པའོ། །དེའི་ཕྱིར་ནག་པོར་བསྟན་པ་ཞེས་བྱའོ། །ཅིའི་ཕྱིར་ན་དེས་དེ་དག་སྨྲས་ཆོས་མ་ཡིན་པ་ཚར་གཅད་པ་དང་། ཆོས་བསྡུ་བ་དང་། དམ་པའི་ཆོས་ཀྱི་གཟུགས་བརྙན་སོ་སོར་བསལ་བའི་ཕྱིར་
D7a.013.0252b02.01འཇིགས་པ་མེད་པས་ཉན་ཐོས་སུ་འགྱུར་བ་ནི་འདི་ལྟ་སྟེ། སངས་རྒྱས་ཀྱི་གསུང་འདིས་སོ། །འདི་ནི་ནག་པོར་སྟོན་པ་ཞེས་བྱའོ། །ཆེར་སྟོན་པ་གང་ཞེ་ན། ཆེར་སྟོན་པ་བཞི་སྟེ། བཞི་གང་ཞེ་ན། འདིར་དགེ་སློང་ཞིག་འོངས་ན་དེས་འདི་སྐད་དུ་སྨྲ་སྟེ།
D7a.013.0252b03.01བཅོམ་ལྡན་འདས་ཀྱི་དྲུང་ནས་བདག་གིས་མངོན་སུམ་དུ་ཐོས་ནས་མངོན་སུམ་དུ་བླངས་པ་ནི་འདི་ལྟ་སྟེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེས་དེས་འདི་སྐད་དུ་སྨྲས་པ་ལ་དགའ་བར་ཡང་མི་བྱ། སྨོད་པར་ཡང་མི་བྱའོ། །དགའ་
D7a.013.0252b04.01བར་ཡང་མི་བྱ། སྨད་པར་ཡང་མི་བྱ་བར་རྣ་བས་མཉན་ལ་ཆོས་ཀྱི་ཚིག་དང་། ཡི་གེ་རྣམས་བླངས་ཏེ། མདོ་སྡེ་དང་ཡང་བསྟུན་པར་བྱ། འདུལ་བ་དང་བསྟུན་པར་བྱ་སྟེ། དེ་སྟེ་མདོ་སྡེ་དང་བསྟུན་འདུལ་བ་དང་བསྟུན་ན་ཡང་མདོ་སྡེ་དང་མཐུན། འདུལ་བ་ལས་སྣང་།
D7a.013.0252b05.01ཆོས་ཉིད་དང་ཡང་མི་འགལ་ན། དེས་དེ་ལ་འདི་སྐད་དུ་སྨྲ་བར་བྱ་སྟེ། ཚེ་དང་ལྡན་པ་དེ་ལྟར་འདི་ལྟ་བུའི་ཆོས་ནི་བཅོམ་ལྡན་འདས་ཀྱིས་གསུངས་ཏེ། ཚེ་དང་ལྡན་པས་ཀྱང་ཆོས་དེ་བཞིན་དུ་བླངས་སོ། །བདག་གིས་ཀྱང་དེ་བཞིན་དུ་ཆོས་དེ་མདོ་སྡེ་དང་ཡང་བསྟུན། འདུལ་
D7a.013.0252b06.01བ་དང་ཡང་བསྟུན་ན་མདོ་སྡེ་དང་མཐུན། འདུལ་བ་ལས་ཀྱང་འབྱུང་ཆོས་ཉིད་དང་ཡང་མི་འགལ་ཏེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་སྙམ་དུ་ཤེས་པར་བྱ་སྟེ། བཅང་བར་བྱའོ། །གཞན་ཡང་དགེ་སློང་ཞིག་འོངས་ནས་དེ་འདི་སྐད་སྨྲ་སྟེ།
D7a.013.0252b07.01