完整藏文原文 · 德格版页 当前仅加载第 13 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་ལྷུང་བཟེད་དང་། བདག་གི་ལྷུང་བཟེད་གཉི་ག་བཀྲུས་ཏེ། ལྷུང་བཟེད་དེ་གཉིས་ཀྱང་འདྲ་བ་ཞིག་ནས་བདག་གི་གང་ཡིན། སློབ་དཔོན་གྱི་གང་ཡིན་པ་མི་ཤེས་ནས། ཕྱི་ཞིག་ན་དེས་ཚེ་དང་ལྡན་པ་མ་འགགས་པའི་ལྷུང་བཟེད་ལ་སློབ་དཔོན་མ་འགགས་པའི་ལྷུང་
D7a.013.0099b01.01བཟེད་ཅེས་ཡི་གེ་བྲིས་སོ། །དེ་ནས་དུས་ཕྱི་ཞིག་ན་ཁྱིམ་བདག་གཞན་ཞིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་རྣམས་ཁྱིམ་དུ་བཤོས་ལ་སྤྱན་དྲངས་ཏེ། ཁྱིམ་བདག་དེ་ལ་སྔོན་ཡོངས་སུ་སྤྱད་པའི་སྨད་འཚོང་མ་ཞིག་ཡོད་དེ། དེས་དེ་ལ་བཟང་མོ་ངས་
D7a.013.0099b02.01སངས་རྒྱས་ལ་སོགས་པ་དགེ་སློང་གི་དགེ་འདུན་དག་བཤོས་ལ་སྤྱན་དྲངས་ཀྱིས་ཁྱོད་ཀྱང་ཚུར་ཤོག་ལ་རང་གི་ལག་གིས་ཀྱང་བྲིམ་པར་བྱོས་ཤིག་ཅེས་སྤྲིངས་པ་དང་། དེ་ཡང་བྲེལ་བའི་རྐྱེན་ཅིག་བྱུང་ནས་དེར་མ་འོངས་སོ། །བཅོམ་ལྡན་འདས་དང་ཉན་ཐོས་ཀྱི་དགེ་འདུན་
D7a.013.0099b03.01དག་བཤོས་གསོལ། སྦྱིན་རབས་གསུངས་ནས་སླར་བཞུད་པ་དང་། ཚེ་དང་ལྡན་པ་མ་འགགས་པའི་ལྷུང་བཟེད་འཛིན་པ་གཞོན་ནུ་དེ་ཁྱིམ་དེ་ཉིད་དུ་ལྷུང་བཟེད་བཀྲུས་ཏེ་འགྲོའོ་སྙམ་དུ་བསམས་ནས་འདུག་པ་དང་། ཁྱིམ་བདག་དེས་འཕགས་པ་ལྷུང་བཟེད་སྐད་ཅིག་
D7a.013.0099b04.01གཡར། མཛའ་བ་ཞིག་ལ་ལྷུང་བཟེད་ཀྱི་ལྷག་མ་ཞིག་བསྐུར་རོ་ཞེས་སྨྲས་པ་དང་། དེས་བདག་གི་ནི་མ་བྱིན་གྱི། ཚེ་དང་ལྡན་པ་མ་འགགས་པའི་ལྷུང་བཟེད་བྱིན་པ་དང་། ཁྱིམ་བདག་དེས་དེའི་ནང་དུ་བཟའ་བ་དང་། བཅའ་བ་གཙང་མས་བཀང་ནས་སྨད་འཚོང་མ་
D7a.013.0099b05.01དེ་ལ་བསྐུར་ཏེ། ཕྲིན་དུ་བཟང་མོ་ངས་ནི་ཁ་ཟས་འདི་ལྟ་བུས་སངས་རྒྱས་ལ་སོགས་པ་དགེ་སློང་གི་དགེ་འདུན་རྣམས་ཚིམ་པར་བྱས་ཀྱིས། ཁྱོད་ཀྱིས་དེ་ལ་རྗེས་སུ་ཡི་རང་སྐྱེད་ཅིག་ཅེས་སྤྲིང་ངོ་། །དེས་ཁ་ཟས་དེ་དག་བྱོ་བ་དང་། ལྷུང་བཟེད་ཀྱི་ཞབས་ལ་ཡི་གེ་
D7a.013.0099b06.01འདུག་པ་མཐོང་ནས། བུད་མེད་ཀྱི་བུ་ནི་རྣམ་པ་{བཅྭ་,བཅོ་}བརྒྱད་ལ་མཁས་ཏེ། དེས་བཀླགས་པ་དང་། ཚེ་དང་ལྡན་པ་མ་འགགས་པའི་མིང་མཐོང་ནས་དེས་འདི་སྙམ་དུ་བདག་གིས་འཕགས་པ་ལྷ་དང་མིས་མཆོད་པའི་ལྷུང་བཟེད་དེ་འདི་བཞིན་དུ་བསྐུར་བའི་མི་
D7a.013.0099b07.01