完整藏文原文 · 德格版页 当前仅加载第 13 函德格 38a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་སྟོན་པས་བསྟན་པ་མ་ཡིན་གྱིས་ཁྱོད་ཀྱིས་རྟོགས་པར་ཤེས་པར་གྱིས་ཤིག །ཆོས་དེ་དྲུག་ནི་སྟོན་པས་བསྟན་པའི་རྒྱུར་འགྱུར་ཏེ། དགེ་སློང་དག་ཁྱེད་ཀྱིས་འདི་དག་ཤེས་པར་གྱིས་ཤིག །ཆོས་འདི་དག་ནི་ཆོག་ཤེས་པའི་རྒྱུར་འགྱུར་ཏེ། མགུ་སླ་
D7a.013.0038a01.01བ་དང་། གསོ་སླ་བ་དང་། དགང་སླ་བ་དང་། འདོད་པ་མི་མང་བའི་རྒྱུར་འགྱུར་བ་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པ་སྟེ། ཁྱོད་ཀྱིས་གཏན་ལ་བབ་པར་ཤེས་པར་གྱིས་ཤིག །མདོར་ན། ནོར་དང་སྟོབས་དང་ཞི་གནས་དང་། །
D7a.013.0038a02.01ཉམས་པ་དག་དང་གོས་རྣམས་དང་། །ཡོན་ཏན་འགྲོ་བར་མི་བྱེད་དང་། །ཆོས་མིན་དགེ་འདུན་སྤྱོད་པའོ། །ནོར་བདུན་ཏེ་དད་པའི་ནོར་དང་། ཚུལ་ཁྲིམས་ཀྱི་ནོར་དང་། ཁྲེལ་ཡོད་པའི་ནོར་དང་། འཛེམ་པའི་ནོར་དང་། ཐོས་པའི་ནོར་དང་། གཏོང་བའི་ནོར་དང་།
D7a.013.0038a03.01ཤེས་རབ་ཀྱི་ནོར་དང་བདུན་ནོ། །སྟོབས་བདུན་ཏེ། དད་པའི་སྟོབས་དང་། བརྩོན་འགྲུས་ཀྱི་སྟོབས་དང་། དྲན་པའི་སྟོབས་དང་། ཏིང་ངེ་འཛིན་གྱི་སྟོབས་དང་། ཤེས་རབ་ཀྱི་སྟོབས་དང་། ཁྲེལ་ཡོད་པའི་སྟོབས་དང་། འཛེམ་པའི་སྟོབས་སོ། །རྩོད་པ་ཞི་བར་བྱེད་པའི་
D7a.013.0038a04.01ཆོས་བདུན་ཏེ། མངོན་སུམ་དུ་འདུལ་བ་དང་། དྲན་པས་འདུལ་བ་དང་། མ་རྨོངས་པས་འདུལ་བ་དང་། ཚུལ་ཤིང་གང་མང་བ་དང་། དེའི་དངོས་པོ་ཉིད་ཚོལ་བ་དང་། དམ་བཅས་འཇུག་པ་དང་། རྩྭ་འདིང་བ་ལྟ་བུ་རྣམས་སོ། །ཉམས་པའི་ཆོས་བདུན་ཏེ། སངས་རྒྱས་ལ་རིམ་གྲོ་
D7a.013.0038a05.01མེད་པར་སྤྱོད་པ་དང་། ཆོས་དང་། དགེ་འདུན་དང་། བསླབ་པ་དང་། བག་ཡོད་པ་དང་། གདིང་བ་དང་། ཏིང་ངེ་འཛིན་རྣམས་ལ་རིམ་གྲོ་མེད་པར་སྤྱོད་པའོ། །ཉམས་པ་མེད་པའི་ཆོས་བདུན་ཏེ། སངས་རྒྱས་ལ་རིམ་གྲོ་དང་བཅས་པར་སྤྱོད་པ་དང་། ཆོས་དང་།
D7a.013.0038a06.01དགེ་འདུན་དང་། བསླབ་པ་དང་། བག་ཡོད་པ་དང་། གདིང་བ་དང་། ཏིང་ངེ་འཛིན་རྣམས་ལ་རིམ་གྲོ་དང་བཅས་པ་སྤྱོད་པའོ། །གོས་སུ་རུང་བ་བདུན་ཏེ། བལ་དང་། ལྡུམ་བུ་ཤ་ན་ཀ་དང་། རས་བལ་དང་། ཟར་མ་དང་། རྩྭ་དུ་གུ་ལ་ཀ་དང་། རྩྭ་ཀོ་ཊ་བ་ཀ་དང་།
D7a.013.0038a07.01