完整藏文原文 · 德格版页 当前仅加载第 13 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
སྐལ་ལས་བཅད་དེ་དུམ་བུ་གཅིག་དེ་ལ་བྱིན་ནས། དགེ་སློང་གི་དགེ་འདུན་རྣམས་བུ་རམ་ཤིང་གི་བྱ་བ་བྱས་ཏེ། གཙུག་ལག་ཁང་དུ་འོངས་པ་དང་། ཚེ་དང་ལྡན་པ་སྒྲ་ཅན་འཛིན་བཅོམ་ལྡན་འདས་ཀྱི་ཞབས་ལ་ཕྱག་འཚལ་བའི་ཕྱིར། བཅོམ་ལྡན་འདས་ཀྱི་
D7a.013.0197a01.01དྲུང་དུ་འོངས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཚེ་དང་ལྡན་པ་སྒྲ་ཅན་འཛིན་བུ་རམ་ཤིང་གི་བཟའ་བས་ཚིམ་པར་གྱུར་ཏམ། དེས་གསོལ་པ། བཅོམ་ལྡན་འདས་ཀྱིས་བདག་ཅག་གི་རྙེད་པ་ནི་སུམ་ཆ་ཅིག་སྩོལ་ཅིག་ཅེས་བཀའ་སྩལ་བས་ག་ལ་ཚིམ་མོད་ཀྱི།
D7a.013.0197a02.01བཅོམ་ལྡན་འདས་ཀྱིས་བཀའ་སྩལ་པ་དེས་ན་གདོད་ཚིམ་པར་གྱུར་ཏོ། །བཅོམ་ལྡན་འདས་ཀྱིས་དགེ་སློང་གི་དགེ་འདུན་དག་བསྡུས་ནས་དགེ་སློང་དག་ལ་འདི་སྐད་ཅེས་བཀའ་སྩལ་པ། ངས་གོས་ཀྱི་ཐོབ་པ་ནི་དགེ་ཚུལ་ཕ་དག་སུམ་ཆ་ཅིག་བྱིན་ཅིག་ཅེས་བྱས་ཀྱི། ཁ་ཟས་ཀྱི་
D7a.013.0197a03.01འཐོབ་པ་དག་ནི་མཚུངས་པར་བགོས་ཤིག །ཆུང་ངུ་ན་ཤིང་བུ་ལ་སའི་ལོ་མ་ཙམ་ཡང་མཉམ་པར་བགོས་ཤིག །དེ་ལས་ཆེ་ཆུང་ངུ་བགོས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་ཁྱིམ་བདག་གནས་པ་དེ་དུས་དུས་སུ་
D7a.013.0197a04.01ཛེ་ཏའི་ཚལ་དུ་འགྲོ་བ་ལས་དགེ་སློང་ཞིག་གིས་དེ་ལ་ནོར་ལས་བྱུང་བའི་བསོད་ནམས་ཀྱི་དངོས་པོ་བདུན་རྒྱ་ཆེར་སྙན་པར་བཤད་པ་དང་། དེ་དད་པ་སྐྱེས་ནས་གཙུག་ལག་ཁང་ཞིག་བརྩིགས་ཏེ། དེར་དགེ་སློང་གང་དག་གནས་པ་དེ་དག་ཁ་ཟས་འཕྲལ་འཕྲལ་དུ་སྦྱོར་བར་
D7a.013.0197a05.01བྱེད་པ་ལས་དེས་དེ་དག་གི་ཁ་ཟས་ཀྱི་རྒྱུར་ཀཱར་ཥཱ་པ་ཎ་དག་ཅིག་བྱིན་པ་ལས། དེ་དག་གིས་སྨྲས་པ། ཚེ་དང་ལྡན་པ་བདག་ཅག་བསོད་སྙོམས་ལ་འགྲོ་བས་ཆོས་གོས་ཀྱིས་བྲེལ་གྱི་ཟས་ཀྱིས་ནི་མ་ཡིན་གྱིས། ཀཱར་ཥཱ་པ་ཎ་ནི་ཆོས་གོས་ཀྱི་ཕྱིར་བགོའོ། །དགེ་སློང་བདག་ཅག་
D7a.013.0197a06.01ལས་སུ་ཡང་ཁྱིམ་བདག་དེའི་ཁྱིམ་དུ་མ་འདོང་ཤིག་ཅེས་དེ་དག་གིས་དམ་བཅས་སོ། །དེ་ནས་དུས་ཕྱི་ཞིག་ན་བསོད་སྙོམས་པ་ཞིག་ལྗོངས་རྒྱུ་བ་སྤྱོད་ཅིང་མཉན་དུ་ཡོད་པར་ཕྱིན་ཏེ། དེ་ཁྱིམ་བདག་དེའི་གཙུག་ལག་ཁང་དུ་འོངས་ནས། དགེ་སློང་དག་གིས་དེ་ངལ་སོར་
D7a.013.0197a07.01