完整藏文原文 · 德格版页 当前仅加载第 13 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་མེད་ན་གདོད་བྱ་སྟེ། འདི་ནི་བཤང་ལམ་དུ་བླུགས་པའི་ལས་ཞེས་བྱའོ། །མཚོན་གྱི་ལས་གང་ཞེ་ན། དགེ་སློང་རྣམས་ཀྱིས་བྱ་བའི་ཐབས་གཞན་ཡོད་བཞིན་དུ་གདོང་ལ་མཚོན་གྱི་ལས་བྱ་བར་མི་བྱའོ། །བྱས་ན་ཉེས་བྱས་སུ་འགྱུར་རོ། །བྱ་བའི་ཐབས་གཞན་མེད་ན་བྱ་བར་བྱ་སྟེ།
D7a.013.0250b01.01འདི་ནི་མཚོན་གྱི་ལས་ཞེས་བྱའོ། །འབྲེག་པའི་ལས་གང་ཞེ་ན། དགེ་སློང་རྣམས་ཀྱིས་སྐྲ་དང་ཁ་སྤུ་མ་གཏོགས་པར་དེ་ལས་གཞན་པའི་ཡན་ལག་གི་སྤུ་རྣམས་མི་བྲེག་གོ། །དེ་སྟེ་བྲེགས་ན་ཉེས་བྱས་སུ་འགྱུར་རོ། །འདི་ནི་འབྲེག་པའི་ལས་ཞེས་བྱའོ། །སྐྲ་བྲེག་པའི་ལས་གང་ཞེ་ན།
D7a.013.0250b02.01དགེ་སློང་རྣམས་ཀྱིས་བབ་བབ་ཏུ་སྐྲ་བྲེག་པར་མི་བྱ་སྟེ། ཕྱོགས་གཅིག་ཏུ་སྐྲ་བྲེག་པར་བྱ་ཞིང་རྒན་རིམས་བཞིན་དུ་བྲེག་པར་བྱའོ། །ཡང་ན་སྤུ་གྲིས་གང་གིས་བྲེགས་པར་གྱུར་ན་ཡང་བསླང་བར་མི་བྱའོ། །དེ་སྟེ་བསླངས་ན་ཉེས་བྱས་སུ་འགྱུར་ཏེ། འདི་ནི་སྐྲ་འབྲེག་པའི་ལས་ཞེས་བྱའོ། །
D7a.013.0250b03.01ཆེད་དུ་བྱས་ཏེ་བཟའ་བ་གང་ཞེ་ན། ས་བོན་གྱི་རིགས་ལྔ་རྣམས་ལ་རུང་བའི་ཚད་ལྔས་རུང་བར་བྱས་ཏེ་བཟའ་བར་བྱའོ། །བཏུང་བ་བརྒྱད་ལ་ནི་ཆུས་བླུག་པར་བྱའོ། །གོས་བཅུ་རྣམས་ནི་ཁ་དོག་ངན་པར་བྱ་བ་གསུམ་གྱིས་ཁ་དོག་ངན་པར་བྱས་ཏེ་བཅང་བར་བྱའོ། །དེ་ལྟར་ན་ཆེད་དུ་བྱས་ཏེ་
D7a.013.0250b04.01བགོ་བར་བྱའོ། །འབྲས་བུ་ཟ་བ་གང་ཞེ་ན། ཡངས་པའི་གྲོང་ཁྱེར་ན་འབྲས་བུ་མང་པོ་ཞིག་དགེ་སློང་རྣམས་གང་ཟག་གིར་བཟའ་བར་བྱས་ནས་ཟོས་པ་དང་བཅོམ་ལྡན་འདས་ཀྱིས་བཀའ་སྩལ་པ། གང་ཟག་གིར་བཟའ་བར་བྱས་ནས་བཟའ་བར་མི་བྱའི་དགེ་འདུན་ལ་བྲིམ་པར་བྱའོ། །
D7a.013.0250b05.01བཅོམ་ལྡན་འདས་ཀྱིས་དགེ་འདུན་ལ་བྲིམ་པར་བྱོས་ཤིག་ཅེས་གསུངས་པ་དང་། དེ་ནས་གཅིག་གམ་གཉིས་སམ་གསུམ་རྣམས་ཀྱིའང་ལེན་པ་དང་། ཁ་ཅིག་གིས་ནི་མ་ཐོབ། ཁ་ཅིག་ལ་ནི་ལྷག་ནས་དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས།
D7a.013.0250b06.01བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་ལ་སྙོམས་པར་བྲིམ་པར་བྱའོ། །དེ་དག་ཡང་བདམས་ཤིང་བདམས་ཤིང་བྲིམས་པ་དང་། བཅོམ་ལྡན་འདས་ཀྱིས་བཀའ་སྩལ་པ་བཞིན་དུ་བལྟས་ནས་བདམ་ཞིང་བདམ་ཞིང་བྲིམ་པར་མི་བྱའོ། །དེ་དག་ཡང་སོར་མོས་སྟོན་ཅིང་
D7a.013.0250b07.01