完整藏文原文 · 德格版页 当前仅加载第 13 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུར་མ་ཡིན། དགང་སླ་བའི་རྒྱུར་འགྱུར་གྱི་དགང་དཀའ་བའི་རྒྱུར་མ་ཡིན། གསོ་སླ་བའི་རྒྱུར་འགྱུར་གྱི་གསོ་དཀའ་བའི་རྒྱུར་མ་ཡིན་ཏེ། དེ་དག་ལ་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེས་ཤིན་ཏུ་རྟོགས་པར་ཤེས་པར་
D7a.013.0041a01.01བྱོས་ཤིག །གཽ་ཏ་མཱིའི་སྐྱེ་དགུའི་བདག་མོ་ཆེན་མོ་ལ་ཇི་སྐད་གསུངས་པ། དེ་བཞིན་དུ་མདོ་བརྗོད་པར་བྱའོ། །བརྒྱད་པ་རྫོགས་སོ།། །།གནས་དགུ་སྟེ། སྟོན་པ་ལ་གནས་པ་དང་། ཆོས་ལ་གནས་པ་དང་། དགེ་འདུན་ལ་གནས་པ་དང་། སློབ་དཔོན་ལ་
D7a.013.0041a02.01གནས་པ་དང་། མཁན་པོ་ལ་གནས་པ་དང་། བླ་མ་ལ་གནས་པ་དང་། གནས་ལ་གནས་པ་དང་། གང་ཟག་ལ་གནས་པ་དང་། ཡུལ་ལ་གནས་པའོ། །མི་རིགས་པའི་གནས་དགུ་སྟེ། དགྲ་བཅོམ་པ་ཟག་པ་ཟད་པས་ཤེས་བཞིན་དུ་སྲོག་ཆགས་འཚོ་བ་དང་འབྲལ་
D7a.013.0041a03.01བར་བྱེད་པ་མི་རིགས་པ་དང་། མ་བྱིན་པར་ལེན་པ་དང་། མི་ཚངས་པར་སྤྱོད་པ་འཁྲིག་པའི་ཆོས་ལ་སྟེན་པ་དང་། ཤེས་བཞིན་དུ་{བརྫུན་,རྫུན་}དུ་སྨྲ་བ་དང་། སྦགས་པ་ལ་ཀུན་ཏུ་སྤྱོད་པར་འདོད་ཅིང་ཟ་བ་དང་། ཤེས་བཞིན་དུ་བསླབ་པ་ལས་འདའ་བར་བྱེད་པ་དང་། བསླབ་
D7a.013.0041a04.01པ་ཕུལ་ཞིང་འབབས་པར་བྱེད་པ་དང་། འདི་ལས་ཕྱི་རོལ་གཞན་དུ་སྟོན་པ་ཚོལ་བ་དང་། མོ་དང་ལྟས་ཀྱིས་རྣམ་པར་འདག་པར་ཡིད་ཆེས་ཀྱི་ལས་ཀྱིས་མ་ཡིན་པ་རྣམས་སུ་མི་རིགས་པའོ། །འདོད་པའི་དངོས་པོ་དགུ་སྟེ། འདི་ནི་བདག་ལ་གནོད་པར་འདོད་དོ། །མི་ཕན་
D7a.013.0041a05.01པར་འདོད་དོ། །མི་བདེ་བར་འདོད་དོ། །བདེ་བ་དང་ལྡན་པ་འདོད་པ་མ་ཡིན་ནོ། །སྐྱིད་པ་དང་མི་ལྡན་པར་འདོད་པའོ། །འདིས་བདག་ལ་གནོད་པར་བྱས་སོ། །བྱེད་དོ། །བྱེད་པར་འགྱུར་རོ་སྙམ་ནས་དེས་དེ་ལ་གནོད་པར་བྱེད་དོ། །གང་ཡང་བདག་ལ་གནོད་པར་
D7a.013.0041a06.01འདོད་པ། མི་ཕན་པར་འདོད་པ། མི་བདེ་བར་འདོད་པ། བདེ་བར་འདོད་པ་མ་ཡིན་ནོ། །སྐྱིད་པ་དང་ལྡན་པར་མི་འདོད་དེ། འདིས་མི་གནོད་པར་འདོད། ཕན་པར་འདོད། བདེ་བར་འདོད། བདེ་བ་དང་ལྡན་པར་འདོད། སྐྱིད་པ་ལ་བདེ་བར་འདོད་དེ། འདིས་དེ་ལ་གནོད་
D7a.013.0041a07.01