完整藏文原文 · 德格版页 当前仅加载第 13 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
ན་གཟིམས་ཆ་འདི་དག་ཀྱང་དགེ་འདུན་ལ་དབུལ་བའི་རིགས་སོ་ཞེས་སྨྲས་པ་དང་། དེས་མལ་གོས་དེ་དག་གཙུག་ལག་ཁང་དུ་ཕུལ་ལོ། །དགེ་སློང་དག་གིས་དེ་སྒོ་ཁང་དུ་བཏིང་སྟེ་བཞག་གོ། །དེ་དུས་ཕྱི་ཞིག་ན་རྒྱལ་པོས་གཙུག་ལག་ཁང་དུ་
D7a.013.0155a01.01འོངས་ནས་དེས་དེ་མཐོང་བ་དང་ངུ་བར་གྱུར་ཏོ། །བློན་པོ་དག་གིས་འཕགས་པ་དག་ཁྱེད་ལ་སྦྱིན་པ་ནི་མི་མཐོང་བར་བྱ་བའི་ཕྱིར་ན་སྒོ་ཁང་དུ་བཏིང་བ་འདི་ནི་ཉེས་པའི་དམིགས་སུ་གྱུར་ཏོ་ཞེས་སྨྲས་པ་དང་། དེ་དག་ཅང་མི་ཟེར་བར་འདུག་གོ། །དེ་ལྟར་གྱུར་པ་དགེ་སློང་དག་གིས་
D7a.013.0155a02.01བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་སྒོ་ཁང་དུ་མ་གདིང་ཤིག་ཅེས་བཀའ་སྩལ་ནས། ཡང་ཐོག་ཏུ་བཏིང་བ་དང་། དེ་ཉིད་ཉེས་པའི་དམིགས་སུ་གྱུར་ནས། བཅོམ་ལྡན་འདས་ཀྱིས་ཡང་ཐོག་ཏུ་གདིང་བར་མ་བྱེད་ཅིག་ཅེས་བཀའ་སྩལ་པ་
D7a.013.0155a03.01དང་། གནས་ཁང་དུ་བཏིང་སྟེ་བཞག་གོ། །མ་དད་པ་དག་གིས་རྒྱལ་པོའི་མལ་གོས་ནི་དགེ་སློང་དག་གིས་ངེས་པར་བཙོངས་ཏེ་ཟོས་པས་ན་དེ་སྔོན་སྣང་ན་ད་མི་སྣང་ངོ་ཞེས་དཔྱས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཚེས་བརྒྱད་དམ། བཅུ་བཞིའི་
D7a.013.0155a04.01ཚེ་ཡང་ཐོག་ཏུ་ཐིང་ལ་ཞོག་ཤིག །མ་དད་པ་དག་གིས་མཐོང་ནས་ལྷའི་མལ་སྟན་དག་ནི་དགེ་སློང་དག་གིས་བཙོངས་ནས་ཟོས་ཏེ་མེད་དོ་ཞེས་སྨྲས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ།
D7a.013.0155a05.01ཡོན་དུ་ཕུལ་བའི་དངོས་པོ་འདི་ནི་རྒྱལ་པོ་གཟུགས་ཅན་སྙིང་པོའི་ཡིན་ནོ་ཞེས་མཐའ་མ་ལ་ཡི་གེར་བྲིས་ཏེ་ཞོག་ཤིག །གླེང་གཞི་ནི་མཉན་དུ་ཡོད་པ་ན་སྟེ། དེའི་ཚེ་ན་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱི་ཕྱི་མོ་སྡུག་ཅིང་ཡིད་དུ་འོང་བ་ཞིག་དུས་འདས་པ་དང་། དེ་ཕྱིར་
D7a.013.0155a06.01ཕྱུང་སྟེ་བསྲེགས་ནས། ཤི་བའི་ཆོ་ག་བྱས་ཏེ་ནང་པར་སྔར་གོས་ཀྱང་གཤེར། སྐྲ་ཡང་གཤེར་བཞིན་དུ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ཕྱོགས་གཅིག་ཏུ་འདུག་
D7a.013.0155a07.01