完整藏文原文 · 德格版页 当前仅加载第 13 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ་ཞེས་ཟེར་ཏེ་ཁྱེར་བ་དང་། དེ་དག་འཕྱ་བར་གྱུར་ཏོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་དགེ་སློང་དག་གི་སྐྲ་དང་ཁ་སྤུ་འབྲེག་པ་བདར་ལ་ཕྱེད་ཙམ་
D7a.013.0127a01.01བདར་ནས་རྒན་རིམས་སུ་མ་བཀུར་ཅིག །དགེ་སློང་དག་གིས་དགེ་སློང་དག་སྐྲ་དང་ཁ་སྤུ་འབྲེག་པའི་སྤུ་གྲི་བདར་ལ་ཕྱེད་ཙམ་བདར་བ་ལ་རྒན་རིམས་སུ་ཁྱེར་ན་འདས་པ་དང་བཅས་པར་འགྱུར་རོ། །དྲུག་སྡེ་དག་གིས་དགེ་སློང་དག་སེན་མོ་ཕྱེད་ཙམ་བཅད་པ་དང་། སེན་མོ་བཅད་པ་རྒན་
D7a.013.0127a02.01རིམས་སུ་བྱའོ་ཞེས་ཟེར་ནས་ཁྱེར་རོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་སེན་མོ་ཕྱེད་ཙམ་བཅད་པ་ལ་སེན་མོ་གཅོད་པ་རྒན་རིམས་སུ་མ་བཀུར་ཅིག །དགེ་སློང་གིས་དགེ་
D7a.013.0127a03.01སློང་དག་གི་སེན་མོ་ཕྱེད་ཙམ་བཅད་པ་ལས་སེན་མོ་གཅོད་པ་རྒན་རིམས་སུ་ཁྱེར་ན་འདས་པ་དང་བཅས་པར་འགྱུར་རོ། །དྲུག་སྡེ་དག་གིས་དགེ་སློང་དག་སྣ་སྤུ་ཕྱེད་ཙམ་བཏོགས་པ་དང་། སྣ་སྤུ་བཏོག་པའི་སྨང་ཚེར་རྒན་རིམས་སུ་བྱའོ་ཞེས་ཟེར་ཏེ་ཁྱེར་རོ། །དེ་ལྟར་གྱུར་
D7a.013.0127a04.01པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྣ་སྤུ་ཕྱེད་ཙམ་བཏོགས་པ་ལ་སྣ་སྤུ་བཏོག་པའི་སྨང་ཚེར་རྒན་རིམས་སུ་མ་བཀུར་ཅིག །ཁྱེར་ན་འདས་པ་དང་བཅས་པར་འགྱུར་རོ། །དྲུག་སྡེ་དག་གིས་
D7a.013.0127a05.01དགེ་སློང་དག་དགེ་འདུན་གྱི་ཁྲི་རྐང་རྟེན་དུ་བཅས་པ་ལ་ཉལ་ཞིང་འདུག་པ་དང་། རྒན་རིམས་སུ་བྱའོ་ཞེས་ཟེར་ཏེ་ཁྱེར་བ་དང་། དེ་དག་འཕྱ་བར་གྱུར་ནས། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་
D7a.013.0127a06.01དགེ་འདུན་གྱི་ཁྲི་རྐང་རྟེན་ཅན་གྱི་སྟེང་དུ་ཉལ་བ་ལ་རྒན་རིམས་སུ་མ་བཀུར་ཅིག །དགེ་སློང་དག་གིས་དགེ་སློང་དག་ཁྲི་རྐང་རྟེན་ཅན་གྱི་སྟེང་དུ་ཉལ་ཞིང་འདུག་པ་ལ་རྐང་རྟེན་རྒན་རིམས་སུ་ཁྱེར་ན་འདས་པ་དང་བཅས་པར་འགྱུར་རོ། །གླེང་གཞིའི་ནང་ནས་སྒོ་བཞི་པའི་མདོའི་ཚིགས་
D7a.013.0127a07.01