完整藏文原文 · 德格版页 当前仅加载第 13 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་དག་གི་ནད་མང་པོ་དུགས་ཁང་གིས་མེད་པར་གྱུར་པ་དང་ལྔའོ། །དགེ་སློང་ཆོས་འདི་ལྔ་དང་ལྡན་ན་དགེ་འདུན་བདེ་བར་གནས་པའོ། །སོ་སོར་ཐར་པའི་སྡོམ་པས་བསྡམས་པ་དང་། སྤྱད་པ་དང་སྤྱོད་ལམ་དུ་ལྡན་པ་དང་། ཁ་ན་མ་ཐོ་བ་རྡུལ་ཙམ་
D7a.013.0060a01.01ལ་ཡང་འཇིགས་པར་བྱེད་ཅིང་བསླབ་པའི་གནས་ལ་དམ་བཅའ་སྟེ་བསླབ་པ་དང་། བདག་ལ་ལྟའི་གཞན་ལ་མི་ལྟ་བ་དང་། བཤེས་ཉུང་བ་ཤེས་པ་རབ་ཏུ་ཉུང་བའོ། །དེ་ལ་བཤེས་པ་ཉུང་བ་ནི་ཕྲད་འདོད་པའི་སྡུག་བསྔལ་མེད་པར་འགྱུར་བ་དང་། བདེ་བར་གནས་ཤིང་
D7a.013.0060a02.01གཞན་ལ་གནོད་པ་མེད་པས་བདེ་བར་གྱུར་པ་ཡིན། གཞན་གྱིས་མི་སྙན་པར་སྨྲས་པ་དང་། ཚིག་རྩུབ་པོར་སྨྲས་ཀྱང་གཞན་གྱིས་མི་གདུང་ཞིང་མི་བཟོད་པར་མི་འགྱུར་བའོ། །གང་ཟག་མི་བཟོད་པ་ལ་ཉེས་པའི་དམིགས་རྣམ་པ་ལྔ་སྟེ། མ་རུང་བ་ཡིན། གཏུམ་
D7a.013.0060a03.01པོ་ཡིན། སྐྱེ་བོ་མང་པོ་ལ་མི་སྡུག་པ་ཡིན། ཡིད་དུ་མི་འོང་བ་ཡིན། ཕྱིས་འགྱོད་པ་ཡིན་ནོ། །བཟོད་པའི་སྐྱེས་བུ་གང་ཟག་ལ་ཡོན་ཏན་རྣམ་པ་ལྔ་སྟེ། དེ་ཡང་དཀར་པོའི་ཕྱོགས་སུ་རྣམ་པ་ལྔར་བཟློག་སྟེ་བརྗོད་པར་བྱའོ། །མི་བཟོད་པ་ལ་ཉེས་པའི་དམིགས་རྣམ་པ་
D7a.013.0060a04.01ལྔ་སྟེ། དགྲ་མང་དུ་འགྱུར་བ་དང་། སྡུག་བསྔལ་བ་དང་ཡིད་མི་བདེ་བ་མང་དུ་འགྱུར། འབྱེ་བ་མང་དུ་འགྱུར། འགྱོད་བཞིན་དུ་དུས་བྱེད་པར་འགྱུར། ལུས་དང་བྲལ་ཏེ་ཤི་བའི་འོག་ཏུ་ངན་སོང་གི་རྒྱུད་སེམས་ཅན་དམྱལ་བར་སྐྱེ་བར་འགྱུར་བའོ། །བཟོད་པ་ལ་ཡོན་
D7a.013.0060a05.01ཏན་རྣམ་པ་ལྔ་སྟེ། དེ་ལས་དཀར་པོའི་ཕྱོགས་སུ་བཟློག་སྟེ་རྣམ་པ་ལྔར་བརྗོད་དོ། །དམ་པའི་ཆོས་འཇིག་པ་ན་འཇིག་རྟེན་དུ་དམ་པའི་ཆོས་དང་མི་མཐུན་པར་གྱུར་པའི་ཚེ་འཇིག་རྟེན་དུ་དམ་པའི་ཆོས་མ་ཡིན་པ་རྣམ་པ་ལྔ་འབྱུང་བར་འགྱུར་ཏེ། ལྔ་གང་ཞེ་ན། དམ་པའི་
D7a.013.0060a06.01ཆོས་འཇིག་པ་ན། འཇིག་རྟེན་དུ་དམ་པའི་ཆོས་དང་མི་མཐུན་པར་གྱུར་པའི་ཚེ་དགེ་སློང་མ་དད་པ་དང་། ངོ་ཚ་མེད་པ་དང་། ཁྲེལ་མེད་པ་དང་། ལེ་ལོ་ཅན་དང་། དྲན་པ་ཉམས་པ་དང་། སེམས་རྩེ་གཅིག་ཏུ་མི་བཏུབ་ཅིང་སེམས་འཁྲུགས་པར་འགྱུར་ཏེ། དེ་ལྟར་ན་དམ་
D7a.013.0060a07.01